Marsah مرساة

11/08/2026

06/07/2026

لو بتُقع في مصيدة الفومو FOMO (الخوف من عدم إدراك شيء أو فقدانه) فعاوز أقولك إن دي كانت اللعبة اللي عملها إبليس مع سيدنا آدم عليه السلام وأخرجه بيها من الجنّة ، فهمه إنّه لو أكل من الشجرة هيكون من الخالدين، فسيدنا آدم خاف عدم إدراك الخلود فجري على الشجرة وأكل منها .. وخرج من الجنة

الراحة النفسية والسلام النفسي والرضا في عصرنا الحالي هو الجنة اللي الواحد بيسعى لها في دنيته، السوشيال ميديا اللي بتعرضلك كل حاجة قدام عينيك وبتخليك تخاف ماتبقاش زيهم أو عندك من اللي عندهم أو بتسافر الأماكن اللي بيروحوها .. كل دي بتحطك في مصيدة الفومو وبتخرجك من جنتك الحالية وسلامك النفسي ..

كل ما تلاقي نفسك سايب المهم اللي عندك ورايح تفتح فيسبوك تشوف أخبار أو انستجرام تشوف ريلز وفيديوهات ، قول لنفسك مفيش حاجة هتفوتني، ماتسيبهومش يحسسوك إن ناقصك حاجة .. ركّز على اللي هينفعك
#مرساة

24/05/2026

الوقت من أهم النِعم والموارد اللي ربنا رزقنا بيها والناس اللي نجحت تبني عادة صح بتبنيها مربوطة بوقت محدد ، علشان كده هتلاقي في سنة الرسول عليه الصلاة والسلام عبادات كتير مرتبطة بالوقت، أذكار الصباح وأذكار المساء، التكبير وأنت بتطلع لفوق (على السلم أو في أسانسير أو حتى على جبل) ، التسبيح وانت بتنزل، ذكر الخروج من البيت والدخول له، أفضلية الصلاة على الرسول صلى الله عليه وسلم يوم الجمعة، أفضلية التكبير في العشر الأوائل من ذي الحجة .. هتلاقي الدين بيعلمك الفوز بذكاء وهو إنك تعمل كل حاجة في وقتها المظبوط ماتحطش حاجة مكان حاجة.. ماتبقاش طالع م البيت بتقول أذكار الصباح بدل ما تقول ذكر الخروج من البيت مثلًا.. مايبقاش عندك امتحان كيميا تذاكر أحياء، اتعلم فقه الأولويات، وخلي نظام يومك مبني على كده، وعلشان تنجح في ده قسّم يومك بمواقيت الخمس صلوات واعتبرها محطات خمسة ربنا أنعم عليك بيها كمنارات في الطريق وده أفضل كتير جدًا من تقسيم اليوم بالـ ٢٤ ساعة اللي بيحسسك بوسع الوقت ويوصّلك للتسويف

#مرساة

27/11/2025

مش صح إنك تبدأ زي ما كل الناس بدأت مشوارها
خبرات الناس نِعمة ربنا بيعطيهالنا علشان نتعلم من أخطاءهم وتجاربهم
ونقتدي بيهم في الصح اللي عملوه
لكن لو كررنا نفس التجربة هنكون بنستهلك وقتنا ومجهودنا مع إن النموذج اللي نجح ورّاك بالفعل هو وقع في إيه وخسر في إيه وإيه الطريقة اللي قدر يحقق بيها نجاحه
ربنا رزقنا العقل علشان نستخدمه في التفكير ونستلهم الحكمة من تجاربنا وتجارب الآخرين
شوف وجهتك وحدد على البوصلة طريقك واقتدي باللي سبقوك في التجارب

#مرساة

11/09/2025

ليه أغلب الناس ما بيوصلوش لأحلامهم؟ 🤔

تخيل إنك داخل سباق والكل عارف الطريق للفوز بس ٩٠٪؜ منهم بيقرروا يقفوا في نص الطريق!🤷🏻‍♂️

الحقيقة إن معظم الناس مابتفشلش بسبب قلة ذكاء أو للظروف والكلام ده 🤯، لأ، أكتر سبب بيوصل الناس للفشل إنهم بيستسلموا أسرع من اللازم.😕

طبيعتنا البشرية أصلًا بتحب الراحة، فمجرد ما بتلاقي تحدّي قدامك عقلك بيبدأ يدور على طريقة سهلة يخلص فيها من التحدي ده🤓، وده الفرق بين الشخص اللي بيوصل والشخص اللي بيفضل مكانه.

اسأل نفسك كام مرة بدأت فيها عادة جديدة - رياضة - قراءة - أو حتى مشروع، ووقفت بعد أسبوعين؟

السر دايمًا مش في البداية، السر في الاستمرارية

الناس اللي بتنجح والناس اللي بتوصل بيعملوا حاجة صغيرة كل يوم حتى لو مش مثالية.

فاللي بيفصل بينك وبين حلمك مش حظ ولا ذكاء، هو اختيارك إنك تكمّل أو تقف.

عاوز توصل لحلمك بجد توكل على الله واسعى واستمر وخليك من ال ١٠٪؜ اللي بيوصلوا مهما كنت بطيء
#مرساة #الاستمرارية #التغيير

03/09/2025

مهارة من أهم المهارات علشان تنجح في شغلك وحياتك عمومًا هي مهارة التواصل

هتتفق معايا إن كتير من الناس مش بيشوفوا إنها حاجة مهمة وبيشوفوها كلام دعاية ومفيش حاجة اسمها مهارة التواصل أصلًا ما احنا كلنا بنتكلم

المشكلة إنه ممكن يكون بيتكلم، لكن نُص كلامه مابيتسمعش والنُص التاني مابيتفهمش لأنه مش عارف يوصل المعلومة.

وده بيخلّي ناس كتير حقهم مهدور في شغله وحياته، عامل أحلى صينية كنافة ومش عارف يطلعها للناس سليمة وشكلها حلو.
بل ممكن بكلامه يجرح في كل الناس فيبقوا مش عاوزين منه الشغلانة

لذلك ، محتاج تفهم اللي قدامك وتسمعه وتديه فرصة يتكلم علشان ده واحد من أهم مفاتيح التواصل اللي هتخليه هو كمان يفهمك وهتخليك تعرف تعبّر عن شغلك بالطريقة اللي هو يفهمها

وبالتأكيد مش محتاج أعرفك إن مهارة التواصل أول مهارة بتبني من خلالها علاقات، والعلاقات هي الحاجة اللي بتسهل عليك شغلك وحياتك
#مرساة

30/08/2025

كل واحد فينا بيعمل حاجة لسبب داخلي جواه، وعلشان مانتوهش في حياتنا بيكون ضروري نقف مع نفسنا في لحظة ونقفل كل الأصوات اللي حوالينا ونحدد ٣ حاجات:
١- الوجهة (Destination): رايح فين؟ عاوز توصل لإيه؟ إيه هدفك؟ هتحطك الـ #مرساة بتاعتك فين؟
٢- الطريق (Route): يمين ولا شمال؟ انت كده في الاتجاه الصح؟ فين #البوصلة بتاعتك؟
٣- الفعل (Action): عرفت الوجهة وعرفت الخطوات اللي هتاخدها في طريقك هتبدأ تحط مهام بسيطة وثابتة وكل ما تخلص مهمة ترفع راسك وتشوف الخطوة اللي بعدها، ما تملّش من الطريق طالما آخره الهدف اللي بتسعى له
وخلّي دايمًا في خطواتك ميزان (احنا موجودين في الدنيا للعبادة وكل السعي ده علشان يساعدنا في الطريق لكن مش هدف في ذاته)
كل ما تسعى كل ما هتتعلم، كل تجربة ماوصلتش فيها لهدفك هي تجربة بتعرفك إننا المرة الجاية هنتجنب الأخطاء دي ونتعلم الصح

افتكر: وجهة- طريق - فعل

12/08/2025

واحدة من الحاجات اللي بتضيع الوقت وبتقتل سعادتك

06/08/2025

واحد من الحاجات اللي بتسبب ضغط في العلاقات هي:

كُترها

وكُتر العلاقات معناه هنا إنك بتحيط نفسك بناس كتير أوي لدرجة ما بتبقاش عارف ترضي مين وتاخد من وقتك لمين على حساب مين

وأنا هنا مش بقول لك ابعد عن الناس

لكن زي ما قال ريتشارد كوتش في كتابه ٢٠/٨٠ للحياة الأفضل إنك تركز على ٢٠٪؜ من الناس اللي بينهم وبينك علاقة (قلل الدوشة اللي حواليك) هتطلع بـ ٨٠٪؜ من السعادة في حياتك اللي بتكسبها من العلاقات

وده بالظبط مستند على مبدأ باريتو اللي بيقول ٢٠٪؜ من الأفعال مسؤول عن ٨٠٪؜ من النتائج

عاوز تعرف الكلام ده ينطبق على الدواير اللي حواليك ولا لأ .. هات ورقة وقلم وصنّف العلاقات في حياتك زي :
العيلة / الشغل / الجيران / الأصدقاء / المعارف

حط كل واحدة في صف واكتب أسامي أكتر ناس مؤثرة في حياتك في كل صنف .. هتلاقي النسبة قريبة جدًا

بعدها: قيّم العلاقات دي واهتم وقرّب أكتر من الناس المؤثرة دي في حياتك ، أما الآخرين خليك على مسافة واحدة منهم كلهم بس ما تنساش تكيّف ده مع تعاليم دينك : صلة رحم خاص (للعيلة) وصلة رحم عام (لجميع المسلمين)
#العلاقات #صلةالرحم #مرساة

02/06/2025

لو عاوز تعرف نفسك صح وتعرف إمكانياتها وحدودها هتبقى محتاج تعرف ربنا الأول، لإن معرفتك بيه هتكون هي #البوصلة الحقيقية اللي هتتوجه من خلالها لطريقك وانت عارف:
- أنا إيه إمكانياتي؟
- لو وقفت وحطيت الـ #مرساة بتاعتي هنا ها ده المكان الصح؟ هل فيه مساعدة خارجية لو انقطع الطريق والأسباب ؟
- لو سعيت كل السعي المطلوب مني وعطلت في الآخر .. هتكون مؤمن ساعتها إنك بذلت إمكانياتك ومواهبك صح لكن (إمّا لم يحالفك التوفيق) أو (لله إرادة أخرى يكف بها شر عنك أو يُخفي لك بها خيرًا لم يحِن وقته).
ودي نقط فارقة جدًا لأي حد عاوز يحسّن من نفسه ويعلّيها في الدنيا أو للآخرة.
#مرساة #الأهداف #التغيير