Ataullah Ayoubsafi

ازلي دښمن!
جمهوریت کې به د کنړ درو د ړندو بمباریو شاهدي ورکوله او اوس د لوئې پکتیا سر درې د هماغه بمباریو شاهدي ورکوي.
الوتکې او چلوونکي هماغه دي یواځې سیمه یې بدله کړې ده.

اختر مو بختور !

وَلَا تَأْكُلُوا أَمْوَالَكُمْ بَيْنَكُمْ بِالْبَاطِلِ وَتُدْلُوا بِهَا إِلَى الْحُكَّامِ لِتَأْكُلُوا فَرِيقًا مِنْ أَمْوَالِ النَّاسِ بِالْإِثْمِ وَأَنْتُمْ تَعْلَمُونَاو تاسي مه په خپلو منځو کښي يو د بل مال په ناروا توګه خورئ او مه هغه مال حاكمانو ته په دې غرض وړاندي کوئ چي تاسي ته په قصدي توګه او ظلم سره د نورو خلكو د يو څه شتمنۍ د خوړلو فرصت په لاس درشي، په داسي حال کي چي تاسي پوهیږي. ((وَلاَ تَأْكُلُواْ أَمْوَالَكُم بَيْنَكُم بِالْبَاطِلِ))
(٢٩١) د بل دمال خوراک ناروا دى:
له روژې څخه دنفس طهارت مقصود و اوس دمالونو دپاکوالي بيان کېږي ، او ښکاره شوه چې دحلال مال دنه خوړلو حکم خو يواځې د روژې په ورځو پورې تړلى دى، مګر دحرام مال نه خوړل او روژه ترې نيول د ژوند په ټول عمر کې يو ضروري امر دى، اودهغه له پاره کومه ټاکلې زمانه او حد نشته، لکه غلا، خيانت، ټګي، رشوت، غصب، قمار، ناروا بيه، سود او نور چې په دغه ډول دمال ګټل بالکل حرام او ناجائز دي.
((وَتُدْلُواْ بِهَا إِلَى الْحُكَّامِ لِتَأْكُلُواْ فَرِيقًا مِّنْ أَمْوَالِ النَّاسِ بِالإِثْمِ وَأَنتُمْ تَعْلَمُونَ 188))
(٢٩٢) بډې ناروا دي: ( مه يې رسوئ تر واکمنو پورې ) يعنې دکوم سړي دمال خبر ظالمو حاکمانو ته مه رسوئ، يا خپل مال درشوت په ډول حاکمانو ته مه ورکوئ! چې حاکم دخپل ځان مل کړئ اودبل چا مال دهغه په زور سره وخورئ! همدا راز د دروغو په شاهدي ، ياد دروغو په دعوى، دبل چا مال مه اخلئ! اوحال داچې تاسې په خپله ناحقۍ هم پوهېږئ.!


Download Pashto Quran:

Pashto Quran پښتو قران

ډاکتر ټیټسو ناکامورا چې افغان کلتور او فرهنګ سره یې بشپړه اشنايي لرله، په پښتو ژبه یې روانې خبرې کولې د افغانستان په ختیځ، بیا ننګرهار کې یو مشهور نوم وه.

هغه نوم چې خلک یې په اورېدو سره هغو سیمو ته فکراً تلل چې نوموړي په کې د جوړونې اورغونې کارونه ترسره کړي دي. نوموړی اصلاً یو جاپانی انجینر وه چې د ۲۰۰۳ م کال راهېسې یې د ننګرهار په کامې، بهسود، کوز کونړ او دره نور ولسوالیو کې د زراعت او مالدارۍ په برخه کې د پام وړ پروژې سرته رسولي لکه د هېواد په کچه د مالدارۍ په برخه کې د روزنیز مرکز فعالول، د کامې ولسوالۍ سربند چې په زرګونه هکتاره ځمکه یې خړوبه کړې ده، په کوز کنړ ولسوالۍ کې د مروارید کانال، یو لوی جامع جومات جوړول چې د سیمې په سلګونه خلکو ته یې پکې د کار زمینه برابره کړې ده همدارنګه یو لوی سیاحتي پارک جوړول.

د ډاکټر ناکامورا جاپاني په نوم مسما دی او هره ورځ ورته زرګونه خلک د تفریح کولو په پار ورځي نوموړي په هېواد کې د اوبو مدیریت او د کرنې د پراختیا په برخه کې زیات فعالیتونه تر سره کړي او لا یې تر سره کول، خو د هېواد د ابادۍ دښمنانو نه غوښتل چې نوموړی دې دې وران ویجاړ هېواد د ابادۍ لپاره کار وکړي او دې هېواد کې دې پراختیایې پروژې پرمخ یوسې همدا وو چې نن سهار په ننګرهار ولایت کې د هېواد قسم خوړلو، د پراختیا، پرمختګ او ابادۍ دښمنانو په یو برید کې د خپلو څو تنه ساتونکو سره یو ځاې وواژه، هېره دې نه وي چې نوموړی ته د ننګرهار ولایتی ادارې په وړاندیز او د افغانستان اسلامي جمهوریت جمهور رئیس محمد اشرف غني په منظورۍ په دې اواخرو کې د روان کال د چنګاښ د میاشتې په ۲۹ نېټه د افغانستان افتخاري تابعیت هم ورکړل شوی وه.

ليکوال عطاءالله ايوب صافى

سترګې خوږوم هلته مستۍ له ځم
کله کله اوس هم دلدارۍ له ځم
ما خو هم بلا زړونه مات کړي دي
زه به لا په کومو سترګو خدای له ځم!

دا باد د زمانې چې مونږه چيړي هسې نه ده
دا ګوري چې په مړو ايرو کې سره بسري شته

()

د شکست حوصله نه لرم پښتون یم
مقابل که مې زنځیر وي که زمری

نړۍ هغه سوري ته ورته ده، چې په خسو پوښل شوی وي۔
عقلمند پرې په احتیاط قدم ږدي