حصارتنګي کرکټ اداره

حصارتنګی ټایټنز لوبډلی نوملړ!

| | |

د حصار تنګي کرکټ لیګ (HCL) ادارې رسمي خبرتیا!

د حصار تنګي کرکټ لیګ درېیم پړاو مینه والو او د لوبډلو مسؤلینو ته په درنښت خبر ورکول کېږي، چې په لیګ کې د شته اصولو او بدلونونو پر بنسټ لاندې پرېکړې نهایي شوې دي:
۱. د ځینو مشکلاتو او مصروفیاتو له امله، د "حصار تنګي" په نوم پخوانۍ لوبډله په رسمي ډول له روان ټورنمنټ څخه لیرې کړل شوه.
۲. د یادې لوبډلې د ډېری رسمي لوبغاړو په غوښتنه او یووالي سره، یو نوی ټیم د "حصار تنګي ټایټنز" (Hesartangi Titans) په نوم تاسیس او راجستر شو.
۳. د لیګ د نظم ساتلو او د لوبو د دوام لپاره، د پخوانۍ لوبډلې پر ځای به اوس په رسمي ډول د حصار تنګي ټایټنز لوبډله په روان لیګ کې خپلې لوبې ترسره کوي.
۴. د یادې نوې لوبډلې رسمي سکواډ به هم خورا ډېر ژر رسنیز او اعلان شي.

د ټولو لوبډلو څخه د نظم او ډسپلین د جدي مراعاتولو هیله کوو.

درنښت: د حصار تنګي کرکټ لیګ (HCL) اداره!

د حصار تنګي کرکټ لیګ (HCL Season 3) – دوهمه لوبه!

د حصار تنګي کرکټ لیګ درېیم پړاو دوهمه په زړه پورې لوبه د لوی کلي او حصار تنګي کرکټ لوبډلو ترمنځ ترسره شوه.
د لوبې ټاس (پچه) د لوی کلي لوبډلې وګاټه او لومړی یې پخپله د بېټینګ کولو پرېکړه وکړه.

لوی کلي لوبډلې په خپلو ټاکلو ۸ اورونو کې د خورا پیاوړي او طوفاني بېټینګ په واسطه د ۲ لوبغاړو په سوځېدو سره ۱۳۸ منډې جوړې کړې او سیالې لوبډلې ته یې د ۱۳۹ منډو خورا لوی هدف وټاکه.

د لوی کلي لپاره دادالله هلال بې سارې او خطرناکه لوبه وکړه او په یوازې ۱۸ توپونو یې ۶۰ ناسوځېدلې منډې جوړې کړې.

په ځواب کې د حصار تنګي لوبډلې د دغه لوی هدف تر فشار لاندې په ۸ اورونو کې د ۷ لوبغاړو په سوځېدو سره ۸۶ منډې وکړې او ماتې یې ومنله. لوی کلي دا لوبه په خورا لوی توپیر، یعنې د ۵۲ منډو (رنزونو) په واسطه وګټله او په لیګ کې یې خپله دوهمه پرله پسې بریا ثبته کړه.

د لوبې غوره لوبغاړی (Player of the Match) دادالله هلال وټاکل شو، چې د خپلې سلیقوي او تېزې برېدګرې لوبې (۶۰ منډې) له امله یې د خپل ټیم بریا په اسانۍ تضمین کړه.

هغه لوبغاړی چی وروسته له غوره لوبغاړو څخه دخپل ټیم لپاره یی ښه کارکردګی کړی:
دحصارتنګی لپاره: هدایت الله همت په ۲ اورونو کې د ۲۱ منډو په بدل کې ۱ وېکټه ترلاسه کړه.
په بېټینګ کې بصیر احمد په ۹ توپونو ۲۴ تېزې منډې وکړې.
د لوی کلی لپاره: عبیدالله په ۲ اورونو کې ۲۳ منډې ورکړې او ۲ وېکټې یې واخیستې.

درنښت: د حصار تنګي کرکټ لیګ (HCL) اداره!

د حصار تنګي کرکټ لیګ (HCL Season 3) – د لومړۍ لوبه!

د حصار تنګي کرکټ لیګ درېیم پړاو پرانیستونکې او لومړۍ لوبه د کابل بازانو او لوی کلي کرکټ لوبډلو ترمنځ ترسره شوه.
د لوبې ټاس د کابل بازانو لوبډلې وګاټه او لومړی یې د بېټینګ کولو پرېکړه وکړه. کابل بازانو لوبډلې په خپلو ټاکلو ۸ اورونو کې د ۵ لوبغاړو په سوځېدو سره ۹۷ منډې جوړې کړې او سیالې لوبډلې ته یې د ۹۸ منډو هدف وټاکه. د کابل بازانو لپاره ضیاء الدین سمون په خورا زړه پورې بېټینګ سره په ۱۹ توپونو ۴۵ منډې وکړې.
په ځواب کې د لوی کلي اتلې لوبډلې ټاکل شوی هدف په خورا اسانۍ سره په ۶.۴ اورونو کې د یوازې ۱ لوبغاړي په سوځېدو سره پوره کړ او بریا یې خپله کړه. لوی کلي دا لوبه په خورا لوی توپیر، یعنې د ۹ وېکټو په واسطه وګټله.
د لوبې غوره لوبغاړی (Player of the Match) محمد زوبیر وټاکل شو، چې د لوی کلي لوبډلې لپاره یې په خورا بې رحمه او تېز بېټینګ سره په ۱۶ توپونو ۳۹ ناسوځېدلې منډې وکړې او خپله لوبډله یې بریا ته ورسوله.

د یادونې وړ ده چې د بالینګ په برخه کې د کابل بازانو لپاره سمیع الله په ۲ اورونو کې ۲۵ منډې ورکړې او ۲ وېکټې یې واخیستې، او د لوی کلي لپاره قدرت الله ساحل په ۲ اورونو کې د ۳۰ منډو په بدل کې ۱ وېکټه ترلاسه کړه.

درنښت: د حصار تنګي کرکټ لیګ (HCL) اداره!

|

حصارتنګى کرکت ليګ!
حصارتنګى د لوى کلى ترمنځ دوهمه سىالى

Free Cricket Scoring App - Gully Cricket Live Scorer - CricHeroes CricHeroes is World's #1 free Cricket Scoring App to live score and live stream your Gully cricket matches & tournaments.

حصارتنګى کرکت ليګ
لوى کلى او کابل بازانو ترمنځ لومړى لوبه.

Free Cricket Scoring App - Gully Cricket Live Scorer - CricHeroes CricHeroes is World's #1 free Cricket Scoring App to live score and live stream your Gully cricket matches & tournaments.

حصارتنګی کرکټ لوبغالی نن دخپل ستر لیګ کوربه توب کوی!

| HCL_3rd_Season | حصارتنګی_کرکټ_لیګ | حصارتنګی_کرکټ_لوبغالی

حصارتنګی کرکټ لیګ!

انتظار پای ته ورسېد او د HCL درېیم پړاو په رسمي ډول سبا (د جولای ۲۴) پیلېږي.

لومړۍ لوبه: Loai Kali VS Kabul Bazan (ماسپښین ۲:۳۰ بجې)

دوهمه لوبه: Hesartangi VS Loai Kali (د لومړۍ لوبې سمدستي وروسته)

میدان ته راشئ او د خپلې خوښې ټیم ملاتړ وکړئ!

| |