Caquetio Chess Club

A friendly reminder:

Caquetio Chess Club closed it's doors for chess in 2022.

Kindly regards,

The board of directors

Recordatorio:

Caquetio Chess Club a sera su portanan na 2022.

UPDATE - UPDATE - UPDATE - UPDATE

Practica di schaken ta sigui normal den e koffiekamer di Protestantse Kerk, na Oranjestad, patras di Zara.
Esaki tur diadomingo, di 1pm - 4 pm.

Muchanan y hobennan cu tawata practica schaken na Caquetio Chess Club ta keda cordialmente invita pa pasa riba diadomingo, especialmente esnan cu no ta practica schaken na un otro club, pa hunga schaken.
Ta wordo hunga sin holoshi.

Esaki lo ta e ultimo post riba e page aki.

E page oficial di schaken den e koffiekamer ta: Coffeehouse Chess Aruba.

Un danki grandi na tur esnan cu a like e page di Caquetio Chess Club y cu a follow e Informacion General desde 2017.

INFORMACION GENERAL
Diamars 16 augustus 2022:

Caquetio Chess Club a sera su portanan pa les y practica di ahedres.

Un danki hopi grandi na tur e muchanan y hobennan cu desde 2017 a bin disfruta di e dushi ambiente, e lesnan interesante y e tantisimo partidonan di ahedres cu a wordo hunga.

Un danki grandi na tur e mayornan pa nan confianza y tempo, pa tur diasabra trese nan yiu(nan) Caquetio Chess Club.

Un danki inmemnso na nos miembronan di direvtiva cu a traha duro pa Caquetio Chess Club tawata draai super bon.

Ahedres ta keda e wega mas gusta na mundo pa grandi y chikito.
Tin diferente manera pa disfruta di ahedres, por ehempel cu famia, amigonan, hunga online, hunga cu chess apps, hunga na un club etc.

Sigui practica ahedres, fuera cu e dushi y cu bo ta expresa bo creatividaf, tin hopi beneficio tambe.

INFORMACION GENERAL
Diadomingo, 3 juli 2022:

FAREWELL CHESS PARTY
Di: Eric van Beveren

Awe tawatin un great ambiente den e koffie kamer di Kerki Protestant, na Playa. Mas di 10 ahedrezista tawata presente pa despedi di Eric.

CM Raymundo Dijkhoff ta sufriendo di un kebrante di salud y no por tawata presente pa duna e simultaan.
Fide Instructor Maurits Dijkhoff a duna e simultaan. Diez ahedrezista a participa y Maurits a logra di gana 6 partido, tabla un y perde 3 partido.

Eric a trece un colega di dje, mientras cu Chirag Daryanani, despues di hopi tempo a bolbe bin practica ahedrez.

Kyell-Jean Antonio, cu lo ta representando Aruba, como hungador den e Men's Team Aruba na India, den e proximo Olympiada di Ahedrez, tambe a bin di bish*ta y a hunga cu Eric.

E potretnan ta duna un bon imagen di e ambiente di awe.

INFORMACION GENERAL
Diaranzon, 29 juni 2022:

FIESTA DI DESPEDIDA DI AHEDRES
di: Ahedrezista Eric van Beveren

Fecha: Diadomingo 3 juli 2022
Ora: 01:00 PM - 04:00 PM
Lugar: Koffie Kamer @ Kerki Protestant na Oranjestad

Despues di a biba 5 aña na Aruba y cu mas di 100 partido di ahedres hunga, nos ahedrezista number un ta bai regresa Hulanda.

FIDE Candidate Master Raymundo Dijkhoff ta duna un exhibicion di partidonan simuntaneo di ahedres. E lo hunga cu nos ahedrezistanan cu ta interesa pa evalua nan habilidad cu un ahedrezista cu un titulo internacional di ahedres di FIDE (Federacion Mundial di Ahedres).

Ahedrezistanan cu ta prefera por hunga partidonan amistoso cu otro, durante e evento aki.

INFORMACION GENERAL
Dialuna, 20 juni 2022:

Ayera, riba Dia di Tata, e paractica di ahedres a continua den e koffie kamer di Kerki Protestant, na Playa.

Diferente partidonan entre algun di e ahedrezistanan mas fuerte a wordo hunga. Partidonan interesante y agun sorpresa.

Nos ahedresista Eric van Beveren, y su famia, lo ta biahando bek pa Hulanda.
Aki dos siman lo tin su despedida den forma di un simultaan duna pa un Candidate Master. Mas info lo sigui despues.

E potretnan ta mustra con e ambiente deportivo tawata.

INFORMACION GENERAL
Diadomingo, 12 juni 2022:

Awe tawata un otro dia di practica ahedres den e koffiekamer di Kerki Protestant, na Playa.

Den un ambiente hopi dushi basta partidonan a wordo hunga.

E potretnan ta duna un impresion con a bai awe.

INFORMACION GENERAL
Diadomingo, 15 mei 2022:

Awe, riba e di tres diadomingo di e luna di mei, ahedrez tawata den full swing den e koffiekamer di Kerki Protestant, na Playa.

Riba e di cinco dia di wega a wordo hunga un total di 12 partido valido pa e Stabiele Schaker Competitie 2022.

Tambe nos a haya bish*ta di Erold de Haseth y Humberto Acevedo, cu tambe a hunga diferente partidonan di ahedrez.

Nos chess queen Pearl Peters a hunga su prome partido valido pa e Stabiele Schaker Competitie 2022.

Ahedrezistanan jong Naomi van Beveren y Liam de Haseth tambe tawata presente pa practica ahedrez.

E potretnan ta duna un bon idea di e ambiente awe.

INFORMACION GENERAL
Diadomingo 8 mei 2022:

Awe, riba e di dos diadomingo di e luna aki, e ahedrezistan a sigui practica ahedres den e koffiekamer di Kerki Protestant, na Playa.

En coneccion cu Dia di Mama e hungadornan hubenil no tawata presente.

Awe a wordo hunga diferente partidonan como training pa otro siman ya cu otro siman lo sigui hunga partidonan valido pa e Stabiele Schaker Competitie.

Tur e ahedrezistanan ta desea tur e mamanan na Aruba y mundo henter un Felis Dia di Mama.