BIY

Na tur nos boluntarionan femenino, boso curason boluntario ta e regalo mas grandi pa nos comunidad, danki pa boso generosidad cu ta transforma bida y ta haci e mundo briya mas .

Feliz dia di Amor y Amistad❤️

Hopi danki na tur nos boluntarionan di Believe In Yourself! Boso ta campeon, semper cla pa yuda cu amor y pasenshi. Sin boso ayudo nos no por logra tur loke nos a logra awe. Masha danki pa boso energia y dedicacion na nos comunidad. Feliz Dia internacional di e Boluntario!

Diadomingo BIY a yuda na e bunita Walk and Run for the roses.
Ride for the Roses 2025” ta un caminata combina cu coremento special pa famianan y participante di tur edad cu ta contribui na un causa significante pa KWF cu ta sigui traha pa yuda comunidad.
Pabien na organisadornan y na e participante nan cu a pasa un mainta ameno.

Diasabra 29 di november BIY a yuda Aquathlon Escolar unda alumnonan y docentenan a competi: Core Landa y Core. Tremendo evento pa sera aña. Danki IBiSA Aruba
Pabien na tur cu ta participando y na tur ganador.

Aruba Triathlon Association su ultimo evento pa 2025, Off-Road Duathlon.
BIY volunteers a yuda riba ruta.

Masha pabien na e participantenan y ganadornan.

BIY a yuda na e Off - Road Triathlon organisa pa ATA.
Masha pabien na e participante y ganadornan.

Feliz dia international di hende homber.

COMUNICADO NA E PARTICIPANTENAN DI WALK AND RUN

Believe In Yourself (BIY) Volunteers ta un grupo di boluntario di mas o menos 90+ boluntario.
Nos ta hiba e meta pa yuda den comunidad, tanto den deporte of ramo social.

Nos kier a comparti algo importante for di nos curason.
Nos grupo di boluntario ta traha cu dedicacion y ta stima pa yuda na cada evento unda nos ta presente. Nos ta lanta di madruga, nos ta laga nos famia atras y nos ta bini cu e miho intencion pa yuda, simpelmente pasobra nos gusta yuda y duna nos aporte constructivo. Nos di BIY Volunteers no ta ricibi pago pa nos trabaonan como boluntario.
Cada un miembro ta yuda cu hopi amor y respet pa e grupo organisador y pa cada participante por tin un bon experencia deportivo. Den esaki mas cu claro nos ta spera cu cada participante ta trata nos boluntarionan cu e mesun amabilidad y cordialidad cu nos ta duna nan.
Trahando cu Patrishi Sport nos ta enfoca ariba mehoracion pa tanto e careda y pa e participantenan.

Siguientemente nos ta splica un tiki di nos trabou, uzando e ultimo careda como ehempel.

Simannan prome cu evento nos board members nan ta den deliberacion cu e organisadornan y Patrishi Sports.

Dia di e evento ya pa 3:00 am nos tin nos boluntarionan cu ta pasa busca e boluntarionan hoben pa trece nan na sitio di e actividad.
3.30 am nos tin nos ploeg cu ta traha cu Polis, Motor Unit y e boluntarionan riba ruta hunto cu e team di yuda pone baricada y e team di F&B ta presente na actividad pa asina prepara pa para riba ruta, prepara e caminda y frutanan.
5:00 am e ploeg di waterpostnan ta yega pa prepara nan mes na nan post. Un team grandi pasobra ta jug di awa y cups tin pa parti pa e participantenan di Walk and Run.
Pa 5.15 am tin participantenan ta cuminsa yega pa calenta y nos team di F&B tey pa Brinda nan e bon servicio di semper na cada careda.
6:30 am e ploeg di kids ta yega pa prepara pa organisa cada grupo di categoria 3k, 1.5k, 800m, 400m y 200m.
Pa 8:00 am – 9:00 am na final di careda nos ta laga unda nos a traha limpi y ordena, na waterpost si tin sako di boli nos ta piki tur abou, si ta cups nos ta zorg pa laga e luga limpi di mes forma.

Den e ultimo evento nos a haci tur loke tabata den nos man pa duna un bon servicio. Pero tabatin momentonan dificil: awa a caba na waterpost y na finish tambe no tabatin dos tipo di fruta pa tur hende. Na final a refill e jugnan cu awa cayente mirando cu no tabata tin ijs disponibel. Esakinan no tabata den nos control, pero nos a keda traha cu loke tabatin disponibel pa make the best out of it pa tur participante por tin un bon experencia. Haciendo nos best pa maneha e situacion, nos boluntarionan a hanja e reclamo y culpa pa asuntonan cu no ta den nos man.

Nos organisacion di boluntario ta traha bou guia y instruccion di e organisador y/o Patrishi Sports. Nos no ta responsabel pa e cantidad o calidad di fruta, awa y ijs, pero mas bien pa prepara y reparti esakinan segun instruccion y procedura di organisador.

Lamentablemente, algun di nos boluntarionan a wordo ofendi cu vocabulario fuerte y hasta insolente, incluso comentario personal cu a haci nos boluntarionan dolor principalmente esunnan cu ya a perde nan mama añanan atras.

Mester ta consiente cu tras di cada t-shirt di boluntario tin un ser humano cu ta merece respet y aprecio pa e trabao noble cu nan ta bin ta desplega pa añanan caba totalmente riba base boluntario cu hopi amor pa e deporte.

Nos kier a invita tur participante pa refleha.
Si nos trata otro cu mas pasenshi, empatia y comprencion, nos por crea eventonan mas bunita.

Un danki di curason na tur hende cu semper ta mustra agradecimento na nos trabou; esaki ta duna nos forsa pa sigui yuda.

BIY Volunteers
2025

Diabetes Walk and Run a sera e temporada di competencia(Ranking) 2025 di Patrishi Sport.
Masha danki na tur boluntario di BIY volunteers y Jenny di Trillwalkers.
Danki na Patrishi Sport pa e confiansa den BIY volunteers.