Hofi Wanglo Brabo

Es'aki ta mi prome cacho di musa banana. Mi a jega di purba cu varios mata den pasado (intercambia y cumpra) y nan no ta sobrebibi. Pero esun aki si, te jega awor porfin na e prome cacho. E no ta chikito tampoco. Ta bai tin mas cu suficiente banana. Lekker ohm.

Prome biaha nos a haja un di e tipo aki bon hecho di nos mesun matanan pa purba. Nos tin dos tipo cu ta bira geel asina sin spina riba e fruta. E nombernan ta Isis Gold y Golden Yellow, pero nos no por distingi cua ta cua. Nan ta cumpra serca Jim Ramos paar di aña atras. Danki Jimmy. Di e otro ainda nos no a haja pa purba ainda. E ta na caminda si. 😋😄 E smaak ta fabuloso. Bon dushi cu un tiki citrico den dje. Ta great pa tin diferente variedad entre e frutanan pa por complace e paladar ora bo ta hasiendo algo saludabel pa bo mes. Ban p'e Aruba, nos por. 💪

Tambe tin Pitayanan hechando na e matanan na e momentonan aki. Entre lunan di Juni y December e matanan ta activamente produciendo dushi fruta pa nos. Busca tur e variedadnan cu bo gusta via stek na tur e localnan cu ta bende of bo amistad of bisiña cu tin nan mesun matanan. Planta pa bo cosecha nan fresco y ful bon hecho(prome cu e parhanan jega na nan si). No tin Pitaya mas dushi eora. Por come nan dibiaha, hinca pa rond di dos ora den fridgidaire of manda nan den freezer pa traha nan den batido mane bo haja bo gana den futuro. 👍👍 Nan ta keda mes bo y dushi. Dushi, nutritivo y saludabel.

Ta temporada di mango atrobe. Nada mas dushi cu come un mango bon hecho fresco di bo mesun mata. Hopi biaha e mata ta duna mas di loke bo mes por come. Mane anos ta parti masha hopi cu famia, bisiña y conocir, y ainda ta keda hopi. Hasiendo nos best pa laga nada bai perdi, nos ta piki y procesa nan pa asina nos por disfruta di nos mangonan anke cu no ta temporada di mango mas. Corta e carni di e pipita, djei kita e cuero rascando e na e rand di e cup di stainless steal ta e metodo prefecto. Nos ta acumula tur esakinan den s**onan pa manda den freezer. Asina nos sigi disfruta di nos mangonan preferi henter aña largo.

Ta normal pa sinti masha emociona pa ora cierto matanan cuminsa floria y djei cuminsa duna fruta y djei e frutanan cuminsa hecha. E por ta bo fruta preferi of e por ta un fruta cu ta di prome biaha bo ta logra haja den bo mesun hofi/cura. Of ta hopi tempo cu bo no a haja pa come y podise bo no ta haje pa come niun otro caminda rond. Of podise si tin e rond pero e ta costa demasiado caro, pio awendia.
Pero anyways, ata aki nos mata di jackfruit ta dunando nos un otro set di fruta. Nan por tuma rond di 8 luna pa caba hecha. Ata por na Aruba. 😋

Asina mester ta. Mas ta na caminda despues di a cosecha un. Na supermercadonan of minimarket nan bo no por bai haja nan nunca asina dushi mane bo ta haja nan ora bo mes a plante, cuide y a coseche ora e ta hecho. 😋😋 Ata mi mester aplica pasenshi atrobe pa ora esakinan bin cla. 🙂 Ta "bale la pena".

E dia a jega. 🍍E anasa tawata schuin riba e mata ora mi a bai wak e despues di trabow. 🍍Mi a mishi cu e corona riba dje y ela los di e mata. 🍍E color tambe ta cambiando caba. 🍍Mi ta bai lage riba mi counter den cushina cu e speransa cu e ta bai caba hecha prome cu mi hinke den mi frigidaire. 🤞🤞🤞🤞 E no ta ful cla pero ja mi ta sinti contento caba.😃 E Malay appelnan ei tambe mi a pasa kita di e mata. Nan lo no dura.😋

Ai ki dushi y esta bunita. Un guyaba di balente tamaño. Anto varios Malay Apple fresco kita awe mardruga for di nos mesun cura. Corda controla bo matanan pa cosecha bo frutanan y disfruta di bo cosechanan mas pronto posibel. Asina bo ta probecha di tur e nutricion cu e frutanan tin pa ofrece. Pa mañan anos ta bai tin cosnan dushi pa come, pero abo tambe por. Bo djis tin di cuminsa bo hofi tambe. E mihor tempo pa cuminsa tawata 10 aña pasa. E di dos mihor tempo pa cuminsa ta awe. ❣️😋💪

Bastante Malay apples na caminda. Nan no ta zoet dimas, ta net pa satisface e bocanan. 😋 Mester observa nan bon pa preveni cu e parhanan ta dal aden prome.

Esaki ta e anasa di mas grandi cu nos a logra haja di nos cura. Ainda falta poco mas pa bai pa nos por smul e. E ta hopi bunita si caba.

Felis 2025. Esta dushi... 😋 Ata mi a pasa awenochi, piki poco Pitanga di nos matanan bon carga. Mester a kibra poco cas di haraña pero nos a logra cosecha mayoria di e frutanan si. Aña nobo, oportunidadnan nobo cu hopi cosecha, nos ta spera pa un y tur na Aruba. E aña tra'i lomba tawata malo pa mi brasa drechi y mi tin di descanse hopi ainda, pero mi por pasa tira un bista y cosecha loke ta cla si awor. Y loke ta dunando hopi bon na e momento ta e Pitanganan. Wak un bon comchi aki, bon laba, cla pa wordo disfruta. Despensa, te despues. 👋😁