FC Gossau ZH

🎛️𝗩𝗶𝗲𝗿 𝗴𝗲𝘄𝗶𝗻𝗻𝘁 / 𝗔𝗹𝗹𝗶 𝗔𝗸𝘁𝗶𝘃𝗲 𝗧𝗲𝗮𝗺𝘀 𝗴𝘂̈𝗻𝗻𝗲𝗱🎛️

1️⃣EN üsserscht unglückliche Start erläbt s'Eis im Match gäg Oberwinterthur. Nach nur grad 4 Minute, gits es gwussel im Strafrum vo Gossau und de Ball spickt unglücklich ad Hand vom Ott. Folge: roti Charte und Penalty! De Fankhuser pariert de Penalty und chan s'Null für Gossau fescht h**e. Gossau isch guet im Spiel und hät trotz Underzahl mehreri gueti Chancene. i de 20. Minute, klappts dänn für Gossau. Nach Vorlag vom Zogaj, chan de Müller zum 0:1 ischiebe. Allerdings kassierets nur zwei Minute spöter, duren Standart, de 1:1 Usglich. Je länger s'Spiel gaht, desto stränger wirds i Underzahl. Doch Gossau zeigt Kampfgeischt und chunt i de 35. Minute, dur de Dörrig zum 1:2. Dänn isch Pause. Churz nach Wiederapfiff chan erneut de Müller zueschlah. Nachere abglänkte Flanke, schlaht si unhaltbar im Goal i. Jetzt chunt Oberwinterthur immer besser is Spiel und i de 80. Minute chönds sogar zum 3:3 usgliche. Doch Gossau zeigt Moral und i de 87. isches erneut de Müller, wo zum 3:4 Siegträffer ischiebt.

3️⃣0️⃣➕Ebefalls vier Goal, händ d'Seniore brucht, zum di erschte Pünkt hole. Zwar händs 3:0 gfüehrt i de Pause, aber i de zweite Halbzit sind d'Chreft langsam gschwunde. So isch s'3:1 i de 60. Minute di logisch Folg gsi. Wo den i de 74. Minute s'3:2 cho isch, isches den nomal chli hektisch worde. Doch am Pangione sis 4:2 i de 78. Minute, isch d'Erlösig gsi für d'Seniore. Da hät au s'4:3 i de 84. Minute, nüt meh dra gänderet.

3️⃣S'Spiel hät ideal für s'Drüü agfange. Dä Piacquadio schlaht i de 1. Minute en Freistoss diräkt id Chischte. Doch dänn hät Volki s'Spiel id Händ gno. und hät s'Spiel kehrt und isch 2:1 in Füehrig gange. Bis zu de Pause, hät aber dä Brülisauer doch no usgliche chöne, dases chli miteme schmeichelhafte 2:2 id Pause gange isch. I de zweite Helfti isches äs geknortze worde. Villi kommischi Entscheid uf beidne Site und villi gäli Chartene, händ de Spielfluss zerstörrt. Trotzdem, hätt de Joker Scandella i de 75. Minute de 2:3 Siegträffer erziehle chöne und somit de zweiti Vollerfolg für s'Drüü ifahre.

2️⃣S'nächste 4:3 holt euses Zwei. Sie sind zwar früeh mit 0:1 in Rückstand grate, aber bis zu de Pause, händs s'Spiel dreit und sind mit 3:1 id Pause gange. De Ardovino glänzt mit zwei Goal debi. Nach de Pause, händs sogar uf 4:1 erhöhe chöne und s'Spiel isch völlig under Kontrolle gsi. Bis zur 62. Minute. Da gseht de Schlegel di zweiti gäli Charte und flügt vom Platz. Vo da a hät Bauma wider s'Spieldiktat übernoh. Doch au die zwei Goal i de 77. und de 95. Minute, händ de Gossauer Sieg nüme gfärde chöne.

🔥𝗛𝗶𝗴𝗵𝗹𝗶𝗴𝗵𝘁 𝘂𝗳 𝗛𝗶𝗴𝗵𝗹𝗶𝗴𝗵𝘁🔥

3️⃣0️⃣➕Dä Afang is Wuchenänd mached abermals eusi Seniore. Nachem Cup-Sieg vo letscht Wuche, isch Sälbschtvertraue da. Jetzt isch nur z'hoffe, das mer das au in Pünkt chan ummünze.

3️⃣S'Drüü gaht uf Volketswil in Griesspark. Miteme Sieg im Rugge, laht sichs dänn au eifacher uswärts aträtte. S'Team vo Ehmann/Eicher isch uf alli Fäll gwappnet.

2️⃣Eigentlich wäri de Uftakt vom Zwei fascht glückt, aber de Träffer i de 90 Minute hät de Uftaktsieg verhinderet. Jetzt gats gäg Bauma. Än ganz unbequäme Gägner wo scho mängs Jahr 4. Liga Erfahrig hät und letscht Jahr im vordere Mittelfäld platziert gsi isch.

5️⃣0️⃣➕Un dänn isches sowit! Am Mäntig müend alli Defis i de Umgäbig glade si, dä Icespray parat gschtellt und Bier chüelgschtellt. Eusi neu gründete 50+ Oldtimer Mannschaft nimmt de Spielbetrieb uf. Das git ganz bestimmt äs Highlight, wänn die alt Internationale nomal zeige wönd, das sies nöd nur theoretisch no wüssted wie mer tschutte...

🥅𝗠𝗶𝘁 𝗩𝗼𝗹𝗹𝗴𝗮𝘀 𝗶𝘀 𝗙𝘂𝗲𝘀𝘀𝗯𝗮𝗹𝗹𝘄𝗲𝗲𝗸𝗲𝗻𝗱🥅

1️⃣ Jetzt gats uf Oberwinterthur. Dä Ufstiger hät grad im erschte Spiel, en Sieg gäg de FC Embrach igfahre. Doch wie so mängisch, schwingt i de erschte paar Spiel nachem Ufstiig no d'Euphorie mit, was en zuesätzliche Boost geh chan.

⚽️𝑾𝒂𝒔 𝒆𝒓𝒘𝒂𝒓𝒕𝒆𝒕 𝒆𝒖𝒔?⚽️

Weli Erkänntnis gits usem erschte Spiel? Offensiv isch Power da. Hattrick im Spiel Eis für de Riley, aber hine schiint mer nonig ganz Sattelfescht tsi. Jetzt chunt also de Ufstiger us Oberwinterthur.

🎯𝐏r𝐨g𝐧o𝐬e v𝐨m C𝐨n𝐭e𝐧t-T𝐞a𝐦🎯

Mir säged SIeg für Gossau! 4:2 und dä Riley trifft wider dopplet!

🥅𝗧𝗮𝗴 𝗱𝗲𝗿 𝗼𝗳𝗳𝗲𝗻𝗲𝗻 𝗧𝗼𝗿𝗲🥅

1️⃣Naja, mir vo de Socialmedia händ eus chli verta würdi mal säge. Ängi Sach hät zwar gschtume, aber 8 Goal zum Uftakt, hät niemmert erwartet. Lässig für d'Zueschauer, aber de Horror für d'Trainer. Vorallem wänn mer de Spielverlauf aluegt. 3:0 fürs Heimteam i de Pause und am Schluss 4:4 tüüf i de Nachspielzit. S'positivschte us Sicht vo de Gossauer isch wohl, dass de Riley Christen drü Chischtene macht und parat schint tsi für die neu Saison. Fazit: besser als kein Punkt, isch ein Punkt!

2️⃣Au bim Zwei langets nur zume Punkt. Im Derby Uswärts in Wetzikä, kassiered au sie dä Usglich spat. I de 90. Minute schlahts hinderem Goali Noah Bachmann zum dritte und letschte Mal i. Reagiere händs dänn nüme chöne. Aber au da giltet, än Punkt isch än Punkt. Zum Istand vom neue Trainer-Team, en ordentliche Start, mit no Luft nach ufe.

3️⃣S'Drüü holt im erschte Meischterschaftsspiel ei Liga tüfer, dä erschti Drüer. Ä abklärti Leischtig hät glanget zum die drü Pünkt uf Gossau z'hole. S'grosse Kader chönti, i de Saison nachem Abstieg, no vo grossem Vorteil si. Die sehr höchi Trainingspresänz macht s'Underfange "Widerufstieg" sicher nöd unmöglich...

3️⃣0️⃣➕Für d'Seniore isches nöd um Pünkt gange, sondern um die nächschti Rundi. Imä turbulänte, aber eigentlich immer faire Spiel zwüsched zwei Promotions Mannschafte, isch de Sieger am Schluss zwar nochli is Wanke cho, aber trotzdem als verdiente Sieger vom Platz gange. Allne Widrigkeite trotzt und di nächschti Rundi klar gmacht.

4️⃣0️⃣➕Weniger guet isches de Veterane gloffe. Eimal meh händ si sich uf de Wäg in Juchhof uf Züri gmacht, zum än Cupfight uszträge. Gäge d'Portugise Mannschaft Centro Lusitano Zurich, gits zwar ä Niederlag, aber wänn mer bedänkt, das nach 15 Minute scho 0:3 gsi isch und mer uf 4:3 anecho isch, häts am Schluss zwar nöd glanget, aber uf dere Leischtig chan mer sicher ufbaue.

🎡𝐂𝐮𝐩 𝐟𝐮̈𝐫 𝐝'𝐒𝐞𝐧𝐢𝐨𝐫𝐞 𝐮𝐧𝐝 𝐌𝐞𝐢𝐬𝐭𝐞𝐫𝐬𝐜𝐡𝐚𝐟𝐭𝐬𝐬𝐭𝐚𝐫𝐭 𝐟𝐮̈𝐫 𝐝𝐢 𝐀𝐤𝐭𝐢𝐯𝐞🎡

3️⃣0️⃣➕Nach de überragende letschte Saison, wird sich zeige, wie d'Seniore i de neue Saison us de Startlöcher chömed. Los gats grad i de Paradedisziplin, im Cup.

2️⃣S'neu formierte Zwei, wird das Jahr ihri Ambitione wellä amälde. Ganz es jungs Team miteme neu Trainergspann... Wichtig isch uf jedefall, s'Derby zum Uftakt in Wetzikä, das mues unbedingt gunne wärde.

3️⃣Nachem Abstieg id 5. Liga, muess nsich s'Drüü zerscht mal zrächt finde. D'Zielsetzig wird wohl erscht nach de erschte paar Spiel ersichtlich si...

💥𝐂𝐮𝐩 𝐏𝐚𝐫𝐭𝐲 𝐮𝐧𝐝 𝐌𝐞𝐢𝐬𝐭𝐞𝐫𝐬𝐜𝐡𝐚𝐟𝐭𝐬𝐬𝐭𝐚𝐫𝐭💥

1️⃣ Heimspiel zum Uftakt für euses Eis. Dä FC Wiesendangen isch letscht Jahr uf Augehöchi gsi mit Gossau. Grad mal 4 Pünkt händ di beide trännt i de Schlusstabälle. Am Fritig sind beidi Teams miteme Cupmatch id Saisongstartet. Gossau butzt de 4, Ligischt FC Bäretswil mit 0:10 weg, wärend dä FC Wiesendangen als letschtjährige Cupfinalischt, gäg de Promotion League Teilnehmer SC Brühl i de erschte Cup-Hauptrundi mit 0:6 usgschide isch.

⚽️ 𝑾𝒂𝒔 𝒆𝒓𝒘𝒂𝒓𝒕𝒆𝒕 𝒆𝒖𝒔? ⚽️

Das isch wohl d'Frag wo sich alli vorem Match stelled. Beid Teams händ ä intensivi Vorbereitig gha. Au im Kader häts uf Gossauer Site einigi Änderige geh. Wie füegd sich di Neue is Team i?

🎯𝑷𝙧𝒐𝙜𝒏𝙤𝒔𝙚 𝙫𝒐𝙢 𝘾𝒐𝙣𝒕𝙚𝒏𝙩-𝙏𝒆𝙖𝒎🎯

Alles anderi als ä ängi Sach wär ä Überraschig. Prognose isch vo daher, dank em Heimvorteil wird s'Eis de Match mit 2:1 günne.

🏆𝗣𝗳𝗶𝗻𝗴𝘀𝘁𝘁𝘂𝗿𝗻𝗶𝗲𝗿 𝗶𝗻 𝗛𝗼𝗵𝗲𝗻𝗲𝗺𝘀🏆

⚽️Es war wieder so weit, das Pfingstturnier in Hohenems, Österreich, stand an. Alle waren gut gelaunt und wir gewannen das erste Spiel gegen Feldkirch.
Im zweiten Spiel war der Anfang etwas schwer, aber nach dem ersten Tor haben wir auch ins Spiel gefunden und auch dieses Spiel 2:1 gewonnen.
Im dritten Spiel spielten wir gegen die Heimmannschaft VFB Hohenems 2:0 und gewannen somit auch dieses Spiel.
In dem letzten Gruppenspiel verloren wir leider 1:2 gegen den FC Memmingen. Doch unsere Mannschaft stand trotzdem im Halbfinale.
Wir spielten gegen den 1. Platz aus der Gruppe B und verloren leider 0:1 gegen SC Baienfurt. Doch wir hatten noch das Spiel um Platz drei gegen die Schweizer Mannschaft FC Winterthur und kamen gerade noch in Fahrt und gewannen dieses Spiel 1:0.
Wir standen somit auf dem 3. Platz.
Somit war das Pfingstturnier zu Ende und wir konnten zwar nicht als 1. Platz, aber als 3. Platz nach Hause fahren.

Yuna

🏆𝗚𝗿𝘂̈𝗺𝗽𝗶 𝟮𝟬𝟮𝟲🏆

🏟️S'Grümpi 2026 isch scho wider Gschicht! Was für es super Wuchenändi händ mir dörfe erläbe. Gwerben & Beize Cup am Fritig, am Samschtig Morge de Gummibärli Cup und am Namittag d'FCGames Summer Edition. Danke a alli wo en Teil devo gsi sind, i wellere Funktion au immer.

☀️𝔸̈𝕤 𝕎𝕦𝕔𝕙𝕖𝕟𝕒̈𝕕 𝕨𝕠 𝕕'ℝ𝕖𝕤𝕦𝕝𝕥𝕒𝕥 𝕟𝕦𝕞𝕖 𝕫𝕨𝕖𝕚𝕥𝕣𝕒𝕟𝕘𝕚𝕘 𝕘𝕤𝕚 𝕤𝕚𝕟𝕕☀️

1️⃣Gossau bekläckeret sich im letschte Spiel nöd mit Ruhm, aber eigentlich spilts ja scho lang kei Rolle meh. Am Schluss sinds glich s'beschte Oberland Team und mit Platz 5 isch en solide Mittelfäldplatz äs guets Ändergäbnis.

3️⃣0️⃣➕D'Seniore sicheret sich im letschte Spiel mitem Sieg gäg Zollikä, dä zweiti Tabälleplatz. Somit schlüssed au sie die Saison mit idrückliche Zahle ab: Cup Halbfinal, Tabälleplatz zwei, als Ufstieger am wenigschte Goal übercho und äs Goalverhältnis vo +17.

2️⃣Äs Schützefäscht gits am Schluss für s'Zwei. So chan mer d'Saison abschlüsse. Die isch vorallem prägt gsi vo uf und ab's. So erchlärt siche dänn au de Tabälleplatz 5. Das isch zimmlich genau i de Mitti vo de Tabälle. Solid mit option uf meh...

3️⃣S'Drüü hät sich welä aschtändig us de Liga verabschide und am Ufstiiger Männedorf paroli biete. Das ischene au ganz guet glunge. S'Spiel mit Fründschaftsspiel Charakter, ändet dänn mit 5:4. Wie gseit, isch das für de Momänt, s'letschte Spiel fürs Drüü gsi ide 4. Liga. Sie griffed nächscht Saison i de 5. Liga wider voll a.

⚽️Somit verabschidet sich alli Mannschafte i di wohlverdient Summerpause. S'Grümpi vo dem Wuchenänd isch de ideali Saisonabschluss, zum dänn nochane go Bei höch lagere...

😎Danke für eues Interässe, für de Chäs wo mir da mängisch verzellt händ 🧐 immer mit Respäkt und de nötige prise Humor 🫶 bis dänn ✌️ SL/GS

👋ℂ𝕚𝕒𝕠 𝕊𝕒𝕚𝕤𝕠𝕟 𝟚𝟝/𝟚𝟞, 𝕕𝕦 𝕙𝕒̈𝕤𝕔𝕙 𝕖𝕦𝕤 𝕒𝕝𝕝𝕖𝕤 𝕒𝕓𝕧𝕖𝕣𝕝𝕒𝕟𝕘𝕥👋

1️⃣Für s'Eis gats scho sit paar Wuche nur no um die goldig Annanas, aber in Bassersdorf chan mer für s'Heimteam no s'Züngli ad e Waag si. Bassersdorf staht knapp überem Strich mit nur zwei Pünkt Vorsprung uf Phönix Seen. Also isch klar, dass Bassi nomal alles dri rüehre wird zum sich äm Abstieg id 3. Liga z'entzieh.

3️⃣0️⃣➕Endspiel au für d'Seniore. Nach dem letscht Wuche de Klasserhalt gsicheret worde isch, strebets im direkt Duell mit Zollike nachem 2. Platz. Letschts Heimspiel im Riet für die Saison, a*o los, an Fritigabig de Match go gnüsse im Riet.

2️⃣Au für s'Zwei isch Derniere im Riet am Sunntig. Vorallem fürs Trainergspann Mukinisa/Cataldo. Ihres letschti Spiel vom Zwei findet gäge de FC Stäfa statt. Für beidi Mannschafte nur no Pflichtufgabe mit Testspiel Charakter. Trotzdem händs die Jungs verdient, än schöne Saisonabschluss zha vor schöner Kulisse.

3️⃣Fürs Drüü heissts ciao säge i de 4. Liga. S'vorerscht letschti Spiel, spieleds uswerts bim Ufstieger Männedorf 2. Also spilerisch und gfühlstechnisch chönted die Wälte chum witer usenand si...