Cette page est un espace pour tous les amoureux de la JS Kabylie
On essayera d'en faire une page digne de la grandeur du club. Anwa Wigui, D Imazighen
10/05/2026
📈 Quand tu perds 17 points à domicile... tu ne peux rien esperer 💔
📊 La JSK n'a gagné que 7️⃣ des 14 matchs à domicile en championnat
Le stade Houcine Ait Ahmed doit etre un enfer pour les adversaires ... Pas une salle des fetes...
🔰
01/05/2026
تشكيلة كأس الكاف 2000 :
🟢 بوغرارة : عين مليلة
🟡 عكريش : قسنطينة
🟢 بن دحمان : برج منايل
🟡 رحو : وهران
🟢 زافور : شبيبة القبائل
🟡 دريوش : مفتاح
🟢 نازف : مولودية العاصمة
🟡 بن حملات : القبة
🟢 موسوني : بلوزداد
🟡 مدان : الحراش
🟢 دوب : باتنة
الفاهم يفهم
🔰
01/05/2026
تشكيلة الشبيبة التي فازت بآخر لقب قاري 2002 :
🟡 قاواوي : شبيبة القبائل
🟢 دريوش : مفتاح
🟡 رحو : وهران
🟢 زافور : شبيبة القبائل
🟢 بن دحمان : برج منايل
🟡 بلقايد : برج منايل
🟢 برقيقة : الحراش
🟡 جودار : شبيبة القبائل
🟢 أمعوش : بجاية
🟡 دوب : باتنة
🟢 دوب فضيل : مولودية العاصمة
والفاهم يفهم
🔰
01/05/2026
تشكيلة الشبيبة التي فازت بآخر كأس جمهورية 2011 :
🟢 عسلة : حسين داي
🟡 ريال : إتحاد العاصمة
🟢 تجار : بارادو
🟡 خليلي : حسين داي
🟢 نساخ : وهران
🟡 يحي شريف : القبة
🟢 العرفي : بارادو
🟡 يونس : بلوزداد
🟢 سعدي : بجاية
🟡رماش : عنابة
🟢 حميتي : بليدة
0 لاعب مكون في الشبيبة
و الفاهم يفهم
🔰
01/05/2026
تشكيلة الشبيبة التي حققت آخر بطولة في 2008
🟢 شاوشي : برج منايل
🟡 مفتاح : شبيبة القبائل
🟢 دويشر : شبيبة القبائل
🟡 خديس : حسين داي
🟢 كوليبالي : مالي
🟡 عبد السلام : حسين داي
🟢 دحوش : بجاية
🟡 امعوش : بجاية
🟢 حماني الله يرحمه : العناصر
🟡 برملة : وهران
🟢 بن سعيد : عنابة
الفاهم يفهم
🔰
01/05/2026
راني نقرا هاد اليومين جملة تتكرر بزاف "هذه نتيجة الإدارة التي تسمع للصفحات"
عندي تعليق على هذه الجملة الخاطئة جملة و تفصيلا :
🟢 لو سمعت الإدارة للصفحات :
لما تعاقدت مع بلول
لما تعاقدت مع موالي
لما تعاقدت مع أكوا
لما تركت الفريق بدون ظهير ايسر طيلة فترة الذهاب
لما لعب في الشبيبة لاعبون ميزتهم الوحيدة هي أصولهم القبائلية
لما تركت الفريق الموسم الفارط يلعب موسما كاملا بحارسين ذو مستوى متوسط
لما تركت الفريق دون مدرب ل 11 مباراة
لما تركت الفربق بين يدي مدرب إنجازه الوحيد أنه ابن المنطقة
لما تركت الفريق بين يدي مناجير فشل في 4 ميركاتوات
لأقامت الدنيا على الظلم التحكيمي التي تتعرض له الشبيبة منذ موسمين
آآآه لو كانت تسمع الإدارة للصفحات
🟡 لنفرض جدلا ان الإدارة تسمع للصفحات، فهذا عيب الإدارة و ليس عيب الصفحات، الإدارة القوية تأخذ القرارات و تتحمل المسؤوليات، ماتتخباش في فترة الميركاتو، و يبانو في الزردات و بعد الانتصارات. كل الفرق عندها صفحات وربما أكثر منا، هذا ليس خاصا بفريقنا، و عندنا صفحات تقدم مستوى لا تقدمه حتى وسائل الإعلام المتخصصة و هو شيء إيجابي وليس سلبي، لكن نهاجموها لأنها فريسة سهلة، من الأسهل مهاجمة الصفحات على توجيه اصابع الإتهام للأشخاص المتسببين في المهزلة إما لمصلحة مشتركة او خوف من المحاكم او لأسباب جهوية و عنصرية ...
🟢 تتوالى المواسم و تتشابه، الضعف يكمن في الإدارات المتعاقبة، بصح حنا نغمضوا عينينا على الصح و نتيريو على بعضانا كي الضراير، في عوض نحطو اليد في اليد و نطالبو بإدارة واقفة، تجيب اللاعبين لملاح و المدربين لملاح و تدافع على حقوق الفريق... ماشي تتخبى خوفا على مصالحها ... حشيشة طالبة معيشة
🟡 في عوض نقولو هاد العام كمية اللاعبين لملاح لم تكن كافية، جبنا 4 ملاح لازم ندعموهم ب 5 واحدوخرين، لالا، خرجتلنا فئة (معروفة) تقولك المشكل هوما اللاعبين لملاح، المشكل في محيوص هداف البطولة، و المشكل في بلعيد الأساسي في المنتخب، و المشكل في قايا العائد من موسمين دون لعب، و و و ...
في عوض يقولو ان هذه النوعية من اللاعبين ما تقدرش تلعب مع اللاعبين المتوسطين و لازملهم لاعبين ملاح حولهم، لالا، نهاجموهم و نسبوهم و نقولو هوما السبة، باش نجيبو يوغرطة و ماسينيسا و شاشناق و جوبا الاول و الثاني ...
نتحداكم جيبولي صفحة وحدة نتاع الفرق العاصمية تهدر على شهرية اللاعبين و تقول الفريق يصرف بزاف، و جيبولنا ولاد باب الواد و ولاد بيلكور، نتحداكم ...
الفرق العاصمية تتقاسم الالقاب منذ سنوات بلاعبين تقاضوا مئات أضعاف ما صرفته موبيليس على شبيبة القبائل، و بلاعبين لا يعرفون عن العاصمة إلا ملاعبها، و حنا يغيضنا مال الشركة تقول الورث نتاع آيث أحمد الله يرحمه رانا نبزعو فيه ...
افطنواااااااااا
آخر كأس جمهورية : 2011
آخر بطولة :
2008
جربنا كلش و مانجحتش... المشكل فينا حنا
كيفاش يلعب اللاعب و يمد قلبو إذا سمع يماه بالشعر الملحون قبل بداية المباراة من أنصار فريقه، لا لشيء إلا لانه يلعب مكان لاعبهم المفضل اللي يهدر قبايلية و لا دا بلاصة لاعب ياكلو معاه...
كيفاش يديرلك مدرب قصة و هو يشوف مناجرة و مسيرين يفرضوا عليه لاعبين رغم محدودية مستواهم باش ياكلو معاهم...
كيفاش يديرلك حساب المنافس و الملعب فارغ و لا مقسوم تكتلات، الألتراس، الدشر، الجي، بوجي، الفراشات، واحد يحب لاعب، واحد يكرهو، ...، إلخ إلخ
كيفاش يخدم مسير من قلبه إذا شافنا حنا ماشي يد واحدة ؟ قد مايكون المسير كفء و وليد فاميلية لازملو دوزا نتاع خوف من الشعب، هاد الدوزا مكاش، خاطرش ماراناش يد وحدة، إذا زعفت عليه جهة، توقف معاه الجهة المقابلة زكارة برك، و السيد يدير رايو ويدير علينا فرعون، خاطرش الشعب مفرق و مشتت
آخر أمل لنا لإسترجاع شبيبتنا هي ان نكون يدا واحدة، ننساو اللي فات و نركزوا على الجاي، الأولوية للنادي و الفايدة ديالو، الربح لوكان يجي لجياسكا من وليد عدوي معليش، الشبيبة هاذي مانتاع حتى واحد، ديالنا قاع، جامي يعجبنا كلش فيها، لهذا وجب ان نقدم مصلحتها على حساسياتنا، و مصلحتها هي اللاعبين الجيدين و اللعب على الألقاب
S3ut nif ihi... A tarwa n lhif... i melmi ad yekfu fellanagh ughilif ...
مولودية، سياربي و إتحاد العاصمة هي الفرق الأكثر نجاحا في السنوات الاخيرة :
🟢 إستقدام لاعبين واجدين ذو مستوى عالي
🔴 إدارة قوية تخدم مصلحة الفريق و تستهدف الألقاب
⚫️ الأنصار يد وحدة خلف الفريق (رغم الخلافات)
⚪️ الملعب فيه ضغط و ليس قاعة حفلات لعرض أزياء الجبات
🔴 0 بيبيت، 0 هدرة على الجهوية و الحومية و القبلية و العنصرية
و في العالم الموازي 🟢🟡، مازالنا نهدرو على ولاد الفريق و لي بيبيت و اللي يهدرو قبايلية و اللي جابهم الرئيس لفلاني و اللي خلاهم الرئيس العلاني و اللي حاكمهم المناجير الفلتاني. مازالنا نتاكلو بيناتنا من الداخل و مقسومين على 20 جهة، واحد يحوس يرجعها جمعة ثقافية، واحد حب يرجعها مؤسسة لدعم المؤثرات الفراشات، واحد حب يرجعها جمعية لمحو الأمية و تدريس اللغة الامازيغية، واحد حب يرجعها فريق حومة لدعم المواهب في الدشرات و الحومات، واحد حب يرجعها بورصة يبيع و يشري فيها عشرات اللاعبين في الموسم الواحد، واحد مازالو حابس في الثمانينات و البالون اللي كان يوزن قنطار كلش تبدل غير تخمامو اللي مازال غامل، واحد حب يرجعها مؤسسة تشغيل الشباب باش قاع الشوامرا نتاع المنطقة يخدمو فيها ولو بدون مستوى...
أقسم بالله و مانديروش اليد في اليد و نقدمو المصلحة العليا للشبيبة غير نبقاو هاكدا فريق عادي يلعب وسط الترتيب و يدير هدة خطرة على خطرة يتكلاصا ثاني ولا ثالث كيما كانت نوادي هي في طريقها للإنقراض الآن...
الحل ساهل، المعيار هو المستوى و ليس اللغة أو القرية أو الدشرة، الشبيبة قبائلية و ستبقى ليوم الدين و هذا راسخ في إسمها و شعارها... لكن هذا الشعار سيختفي بدون نتائج..
"إيمازيغن أنوا ويقي" صرخنا بها و أسمعت أصواتنا لأنها كانت في نهائي، لا أحد كان سيصغي لنا لو صدحنا بها في مباراة في وسط الترتيب ... و الفاهم يفهم
ماكاش اللي يدافع على جياسكا من الداخل
كاين اللي يدافع على شهريتو كي تكون فيها، ماشي على جياسكا
كاين اللي يدافع على ولي نعمته كي يكون فيها، ماشي على جياسكا
كاين اللي يدافع على صحابو اللاعبين كي يلعبوا فيها، ماشي على جياسكا
كاين اللي يدافع على صحابو كي يخدمو فيها، ماشي على جياسكا
كاين اللي يدافع على المناجرة كي ياكل معاهم، ماشي على جياسكا
كاين اللي يدافع على الدشرة ديالو كي تكون ممثلة فيها، ماشي على جياسكا
كاين اللي يدافع على حومتو كي يكون المقر فيها، ماشي على جياسكا
كاين اللي دافع على التيفيناغ اللي في اللوقو ديالها، ماشي على جياسكا
كاين اللي يدافع على العنصريين اللي يخدموا بيها، ماشي على جياسكا
كاين اللي يدافع على السيلفي و التصاور في ملعبها، ماشي على الجياسكا
كاين اللي يدافع على الستوريات و التحواس معاها، ماشي على جياسكا
كاين اللي يدافع على فرقة الألتراس ديالو، ماشي على جياسكا
كاين اللي يدافع على الدراهم اللي يدخلولوا على ظهرها، ماشي على جياسكا
كاين اللي يدافع على كل شيء، غير اللي يدافع على جياسكا اللي ماكاش
الرئيس يسرق معليش، وليد الدشرة ديالي، المناجير يسرق معليش، ناكل معاه، اللاعبين دايرين رايهم معليش يهدروا قبايلية، اللاعبين فاشلين معليش، ولاد حومتي، الحكام يسرقوا الفريق معليش، الشهرية داخلة، الستاد مافيهش ضغط معليش، الستور ديالي جابت المشاهدات، الستاد فارغ معليش، خدمتي انا ماشية، متجر الفريق فارغ معليش، ماشي دراهمي، إدارة الفريق فاشلة و التواصل منعدم معليش، ماخلاهاليش بابا، الألقاب غابت على الفريق معليش، المهم ندير كليب لمغني صاحبي في الملعب، المدرب عيان معليش، ماشي أنا اللي نخلصو
جياسكا كفريق و كيان و عائلة و دم و نيف و تاريخ و حياة يومية لا وجود له... الفريق غير موجود، مانراه خلال السنوات الأخيرة هو ظل فريق، سراب فريق، طيف فريق، شبح فريق...
نهار نوليو نحبو جياسكا لجياسكا ... بالاك نرفدو بالراس