Info CR Belouizdad

Accueil
Algérie
Algiers
Info CR Belouizdad

Site Web

آخر اخبار شباب بلوزداد
Info CR Belouizdad

05/10/2026

فريد الملالي أفضل لاعب في شهر سبتمبر!
لاعب راهو حاب يقدم موسم كبير و إن شاءالله نشوفو أفضل نسخة للملالي في مسيرته 👊👊

05/10/2026

و الله غير الحاجة لي عجبتني فالقصة لي راهي دور مكاش لي حلب لاعب على الفريق، كيما عام الحبطة وين 13 لاعب غادر الفريق و سمحو فيه و مكاش لي حلبهم ، ملخر يا تلعب و حاب تلعب فالفريق يا تقود

أتخايل خاسف يروح و ندورو على إدارة الفريق كيفاش خليتو يروح و هو حتب يروح 😂 و بعدها الصيف القادم نحاول نرجعو و يحرش بينا و نزيد نحصل فالإدارة، أيا خاسف يتصاب بالرباط و يكون في نهاية العقد ديالو و نزيدو نطالبو بإرجاعه أيا يجي يطلع بينا السومة و يمد كلمة للإدارة و يعاود يروح يجدد
و نزيد نمدلو الحق على الفريق ديالي و يقولي كاش عام إن شاءالله 😂😂

سمحلي لكان نديرها الفريق ديالي يولي شيفونة ، تحب نحلل معاك الوضعية جبت لاعب باطل و بعتو بمليون أورو و جاه عرض مكاش لاعب جزائري يديه فالقارة الإفريقية و هكاك و مكاش لي حلبو تخب تروح روح لكان وحد لكعب يمدو الحق للاعب على الإدارة بالرغم من وجود نية فالعمل

05/10/2026

أي واحد راهو فالصورة نسحقو يكون راجل و حار على الفريق معندناش وقت نضيعوه مع زوامل حشا قدركم
لي يحب يريح فالفريق مرحبا بيه الإدارة الحالية وضعت اللاعبين في أحسن الظروف و حطتهم قدام الواقع عندنا أهداف
نحقوها من أول يوم
و الله ما راني نقصد أي لاعب و لحد الآن مكان حتى لاعب غادر رسميا هاذي رسالة باش واحد ما يتخايل علينا و يتفشش علينا عندنا لقاء نهار الأربعاء مكاش لي يطلق الطاقة السلبية بين الأنصار
عندنا تعداد بسم الله ما شاء الله و إن شاءالله الإصابات يبعدو علينا لي يجي تر** نضربوهالو كيما يامات الحار ، نهار الأربعاء كيما لقاء سطيف من أول دقيقة و حنا نساندو فالفريق لآخر دقيقة و بإذن الله نجيبو ثلاث نقاط
تذاكر راهي فالموقع

04/10/2026

بعد أكثر من 6 أشهر من الغياب، شعيب كداد يعود إلى التدريبات الجماعية رفقة التشكيلة! 🔴⚪

إن شاء الله يسترجع مستواه الذي عوّدنا عليه في الشان، ويكون هو الحلقة التي تعيد الصلابة والتوازن للخط الدفاعي، خاصة وأن الدفاع يبقى إلى حد الآن من أبرز النقاط التي تحتاج إلى التحسن.

عودة موفقة يا كداد، وبإذن الله نشوفوك بنفس القوة التي عرفناك بها.

01/10/2026

كاين نقطة لازم نخدموا عليها أكثر و هي الكرات الثابتة
كي تشوف ركنيات لي تحصلنا عليهم هذا الموسم و المخالفات سجلنا واحدة فط في بسكرة و بعد خالوطة كبيرة حتى فالمباريات الودية و طاحونا العديد من الفرص

كاين بطولات تتربح بالركنيات و المخالفات و تقدر تخسر مباريات علاجالهم إذا خصمك كان يعرف يستغلهم..

عندنا لاعبين ملاح بالرأس كيما بن حمودة، لعوافي، بوشار، أوقاسم، كداد (بلا توسويس الضفةالغربية) و عندنا لاعبين يوزعوا مليح بن عيادة , خاسف، بوعالية، ملالي..
لازم يكون هناك عمل خاص عليهم كي جيك كرة ثابتة كيما ضربة جزاء

أرسنال ربح أصعب دوري بالركنيات

01/10/2026

وليت كي نشوف الصورة هاذي علابالي بلي يا تعاقب الفريق بلقاء بدون جمهور أو تم إيقاف أحد لاعبين فريقنا 😂
و الله غير آخر ثلاث سنوات في حياتي ما شفت معاملة مماثلة، خطرة ضربونا بلقائين بدون جمهور بصح المشكل ملعبناش هاذاك الأسبوع 😂😂
لي يدير العقوبات نهار دخل مدولو exemple ،يتبع عليه فالمثال كان مكتوب بإسم شباب بلوزداد أيا حبيبنا فهمها كامل العقوبات لازم بإسم شباب بلوزداد 😂
رانا نحرشو بصح و الله غير شيء خطير كيفاش راهم يعاملو الفريق ديانا و لازم حل مع هذه اللجنة

01/10/2026

لجنة العقوبات تستدعي بوزوق لإعادة الإستماع لأقواله بعد الطعن المقدم من طرف الإدارة !

هي Logiquement ينقصولو العقوبة و لكن مع هذه اللجنة كل شيء ممكن و شفناها كيفاش رفضت الطعن في قضية خاسف و بن حمودة

عيينا من الهدرة و مكاش تغيير كي الحكام كي لجنة العقوبات راح يهبلونا و لي تخليك بلا عقل الفرق الأخرى لي راضيا بالظلم!

29/09/2026

ليكيب عندنا مباراتين في البطولة قبل التنقل إلى موريتانيا.

لعبنا 3 مباريات في البطولة، وعكس المواسم السابقة، ما ضيعناش نقاط كثيرة، ما عدا لقاء الشلف اللي كان في يدنا.

المهم، راح نستقبلو خنشلة، وبعدها نلعب ضد شبيبة الأبيار. لازم 6 نقاط، ولازم الدفاع يستفيق، لأنه لحد الآن راهو الحلقة الأضعف في الفريق.

ما نسحقوش نشوفو Barça ولا Manchester City، نسحق نشوف شباب بلوزداد يفوز، يفرض روحو فوق الميدان، وتكون عندو صلابة دفاعية هي اللي تجيب الألقاب.

اللاعبين، رانا موراكم… كملو خدموا، قاتلوا فوق الميدان، وحطّوا كامل تركيزكم على الفريق.

ومكاش لي يزيد يمد أي تصريح لقنوات العار. ياك حنا ماشي ملاح؟ روح للفريق تاعك ودير معاهم les interviews!
سياربي في حياتها ما كانش عندها صحفي يحب الفريق، و صحغي لي زعما يناصر سياربي تلقاه حاقدعليها كثر من خصمك ،
التركيز يكون على الميدان، والرد يكون بالنتائج.

6 نقاط، وبعدها نفكرو في موريتانيا.

28/09/2026

شباب بلوزداد مقبل على لقاء جد مهم الأسبوع القادم، وفي هاذ المرحلة ما يهمنا والو غير الثلاث نقاط ومواصلة سلسلة النتائج الإيجابية.

نهار نكونو هاربين في الصدارة، تما نقدروا ندخلو في لعبهم . أما الآن، التركيز لازم يكون كامل على الميدان وتحقيق الانتصار.

عندنا مباراة ضد خنشلة، ولازم يكون الضغط من أجل تغيير توقيت اللقاء وبرمجته نهار الخميس ليلاً، خاصة وأن اللعب في نهاية الأسبوع راح يسمح للجمهور بالحضور

كامل الأنصار معنيين بهاذ المرحلة، والوقوف مع التشكيلة واجب أكثر من أي وقت مضى. الدعم والوقوف خلف الفريق …
الهدف واحد ، مواصلة الانتصارات و عدم تضييع النقاط في بداية الموسم

28/09/2026

المهاجم بن حمودة و خاسف مع موعد الأسبوع القادم لأول لقاء لهما هذا الموسم بعد نفاذ العقوبة
إن شاءالله يقدمو موسم كبير مع الفريق 👊👊

Adresse

بلكور
Algiers
160000

Site Web

https://www.youtube.com/channel/UC-dZcqFIgnqQJQJoNd8teeg

Notifications

Soyez le premier à savoir et laissez-nous vous envoyer un courriel lorsque Info CR Belouizdad publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.