Axis health

كنت نلم في الورق القدم باه نرميهم حتى نلقى هذي التحفة 😔✨️

🧑🏻‍🔬 : علاه أمراض الكلى ممكن تسبب نقص في مستوى فيتامين D ؟ ☀️⬇️

🧑🏻‍🔬 : لماذا يؤدي الفشل الكلوي لإصابة بفقر الدم 🩸⬇️

🧑🏻‍🔬 : وش هو مرض النقرس و لماذا يسمى بداء الملوك 👑⬇️

انا وبزاف منكم كنا نخافو من الابرة 😔💉.. ممكن مستقبلاً نتخلصو منها ونلقاو علاج بلا ألم؟

🖐🏻🌧

شوفو هذي 👀✨️

👈🏻 على اليمين مكتوب الأشياء لي تسبب الإجهاد التأكسدي

👈🏻 و على اليسار مكتوب دور مضادات الأكسدة في الوقاية من الأمراض لي ممكن يسببها الأجهاد التأكسدي

🦅

🔴 فيتامين C ضروري عند الإنسان و لازم يديه كل يوم من الأكل . و نلقاوه في الخضر و الفواكه فقط

👈🏻 بصح كاين حيوانات مياكلوش خضر و فواكه . وين يجيبو فيتامين C ولا زعما ميحتاجوهش كامل ؟

▪️ الجواب يكمن في طبيعة فيتامين C 😀 . فيتامين C من مشتقات السكر يعني تقدر تصنع فيتامين C انطلاقا من الغلوكوز . و هذا بضبط لي يديروه أغلب الحيوانات

ايه على عكس الانسان . بزاف حيوانات عندهم إنزيم يقدر يصنعلهم فيتامين C انطلاقا من الغلوكوز و هذا يتم في الكبد 😀

🦅

🧑🏻‍🔬 : 14 جانفي . في مثل هذا اليوم توفي المناضل محمد بلوزداد بعد صراع مع مرض السل ...

🔴 النساء تعيش أطول ؟

▪️ أكيد كل إنسان رح يعيش كيما كاتبلو ربي سبحانو سواء كان راجل أو مرأة . بصح من جهة الإحصائيات ، متوسط عمر المرأة في كامل دول العالم أعلى من متوسط عمر الرجل

👈🏻 بصح علاه ؟ زعما هذا يتعلق بظروف الإجتماعية . او بسبب ان الرجال يخدمو أكثر ولا يدخنو أكثر ؟ ولا السر يكون في جسم الإنسان من الداخل 👑✨️

🔵 خلونا نحكو على الأستروجين . الأستروجين هو هرمون جنسي أنثوي يُفرَز أساسًا من المبايض، وله دور مهم في تطور الصفات الأنثوية وتنظيم الدورة الشهرية

⚪️ تأثير الأستروجين :

● بزاف دراسات تقول أنو هرمون الاستروجين عندو دور في تنشيط العديد من الجينات لي تساهم في حماية الجسم

● هذي الجينات تحمي الخلايا من الإجهاد التأكسدي و تعمل على إصلاح الحمض النووي . يعني تساهم في إبطاء الشيخوخة

● يدعم هرمون الاستروجين صحة القلب من خلال تحسين مستويات الكوليسترول و زيادة تدفق الدم و تقليل الجذور الحرة

● حتى وفق الاحصائيات . الرجال هم أكثر عرضة لأمراض القلب و السكتات الدماغية

🦅

🔸️ الكورتيزول . الهرمون الذي يفرز بواسطة قشرة الغدة الكظرية و المعروف بهرمون التوتر . عندو بزاف أدوار مهمة في الجسم

▪️ بصح كيفاه يأثر على المناعة ؟

👈🏻 الكورتيزول يكبح و يقلل من نشاط جهاز المناعة عن طريق تقليل إفراز السيتوكينات و تقليل تكاثر الخلايا المناعية

👈🏻 بصح نسبة الكورتيزول تتغير بدلالة اوقات اليوم و مش رح تبقا ثابتة .

👈🏻 يجي ليل و تنقص مستويات الكورتيزول و ينقص التأثير تاعو على المناعة . فجهاز المناعة رح ينشط اكثر

👈🏻 و هذا من بين الأسباب لي تخلي أعراض المرض تولي حادة أكثر ليلا

🦅

👩🏻‍🔬 : كامل علابالنا بلي مؤخرا راهم يديرو الفاكسا تاع شلل الاطفال للاولاد الصغار بصح بزاف ناس معلابالهمش واش هذا المرض ...