Krimo benhadid

19/07/2026

06/05/2026

صدرت الجزائر نهاية أبريل الماضي شحنة بنزين نادرة إلى ليبيا وفقا لما كشفته منصة الطاقة المتخصصة.
وانطلقت الشحنة، التي بلغ حجمها 132 ألف برميل، من الجزائر الشهر الماضي، ووصلت إلى ليبيا في 3 مايو الجاري.
ولا تُعدّ ليبيا من أبرز مستوردي المنتجات النفطية الجزائرية، إذ تقتصر وارداتها عادة على شحنات متباعدة، أغلبها من مادة "النافثا" غير أن هذه الشحنة جاءت للمساهمة في التخفيف من أزمة نقص البنزين التي تشهدها ليبيا خلال الفترة الأخيرة.
وبصفة عامة، صدّرت الجزائر نحو 460 ألف برميل يومياً من المنتجات النفطية خلال الشهر الماضي، مقارنة بـ354 ألف برميل يومياً في الشهر نفسه من عام 2025.

06/05/2026

لياسما مولودية كانوا رمز للروح الرياضية و التنافس الشريف، عمرها ما كانت هكدا توصل لهاذ المستوى. الاختلاف في التشجيع حاجة عادية، لكن الفتنة لي راهي صارية خاصة أصحاب الصفحات من كلا الطرفين راكم ديرو فتنة عظيمة انت مريح فالدار و ترمي فولاد الناس على رأسهم
النبي ﷺ حذّر كثيرًا من الفتنة
لا تحاسدوا، ولا تباغضوا، ولا تدابروا، وكونوا عباد الله إخوانًا"
أصحاب التعليقات تع (هوما بداو ) نبلوكيك ديراكت

06/05/2026

في كل جماعة تاع ناس تلقى هادوك العباد اللي فيهم طبيعة تاع الشكوى، عايشين لاباس بيهم بصح ديما يشكيوا، بصحتهم ويشكيوا من المرض، بدراهمهم ويشكيوا من الفقر، بشهريتهم ويشكيوا من المعيشة ...

يخبّيوا النّعمة ماياكلوا مليح مايلبسوا مليح، وعلى لسانهم كلمة "ماعندناش" غير باش يشفقوا عليهم النّاس ويبعّدوا العين على رواحهم، ونساوا حديث الرّسول ﷺ «إِنَّ اللهَ تَعَالَى إِذَا أَنْعَمَ عَلَى عَبْدٍ نِعْمَةً، يُحِبُّ أَنْ يَرَى أَثَرَ النِّعْمَةِ عَلَيْهِ، وَيَكْرَهُ البُؤْسَ، وَالتَّبَاؤُسَ»

عندهم ديور تسترهم، وماكلة تشبّعهم، وحوايج تدفّيهم، وبلاد آمنة تأويهم ومازالهم يشكيوا، ونساوا حديث الرّسول ﷺ «مَنْ أَصْبَحَ مِنْكُم آَمِنًا فِي سَربِهِ، مُعَافًى فِي جَسَدِهِ عِنْدَهُ قُوتُ يَوْمِهِ، فَكَأَنَّمَا حُيِّزَت لَهُ الدُّنيَا» مكاش فهاد الدّنيا خير من قلب راضي يالوكان بالقليل.

نساوا بلي الشّكر هو اللي يديم النّعم، أما الجحود يخليها تزول، الله ﷻ يقول «وَضَرَبَ اللهُ مَثَلًا قَرْيَةً كَانَتْ آَمِنَةً مُطْمَئِنَّةً يَأْتِيهَا رِزْقُهَا رَغَدًا مِنْ كُلِّ مَكَانٍ فَكَفَرَتْ بِأَنْعُمِ اللهِ فَأَذَاقَهَا اللهُ لِبَاسَ الْجُوعِ وَالْخَوْفِ بِمَا كَانُوا يَصْنَعُونَ» اللي يكفر بالنّعمة ومايشكرش ربّي سبحانو عليها رايح يجي النّهار وين ينحيها عليه.

في بالهم بلي حياة النّاس راهي خير من حياتهم، كاين اللي ظروفهم أصعب وحياتهم أسوء بصح جامي يشكيوا، راضيين وفرحانين بواش عطاهم ربّي سبحانو وعلى لسانهم كلمة "الحمد الله" على خاطر علابالهم بلي اللي يرضى ويشكر ليه الرّضا واللي يسخط ليه السّخط.

اللَّهـمَّ إنَّا نعوذُ بِكَ مِن زَوالِ نِعمَتِكَ، وتَحَوُّلِ عافيَتِكَ، وفُجاءةِ نِقمَتِكَ، وجَميعِ سَخَطِكَ 🤲

06/05/2026

خرجت شابة ماشاءالله