Bechloul Fidèle à La JSK

لا حول ولا قوة إلا بالله .... فاجعة أليمة حلت ببشلول ..
وفاة ثلاث شبان في حادث مرور ...من خيرة ابناء بشلول ...
إنا لله وإنا إليه راجعون ....اللهم ارحمهم ...

على الصفحات التجند للدفاع عن الشبيبة المستهدفة من التحكيم ، اضغطو بمنشورات يومية

مطلب الأنصار باين لعب رابطة الابطال .. على الإدارة الإسراع لتحفيز لاعبين اقبو

Akbou et JSK dathmathen
كل الأمال متعلقة بمبارة اقبو

قبل مبارة الساورة ؛
كفاش انت كنت كيف كيف مع المنافس على اللقب في عدد النقاط ، وفريقك رجع بقوة ، والمنافس دخلو الشك مهوش يدور مليح ، ايا راحو دخلونا العقلية الإنهزامية وحنا نلعبو على مرتبة مؤهلة ، منلعبوش على االبطولة وكذا ، اووو !! جامي كانت هكذا الشبيبة جاااامي ، وهذا كامل حدث بسبب الضغط من انصار المنافس في المواقع بطريقة غير مباشرة واثبو على انصارنا بتاع بطولة مخدومة لمقران

نقولها واعيدها الآن رانا في عصر مواقع التواصل يلعبو دور كبير جدا في جميع المجالات ... اذن على صفحات الشبيبة الإتحاد وخلونا من العقلية نلعبو على مرتبة مؤهلة ، البطولة مزالها في اللعب والشبيبة تاع القاب وليس مراتب ، واي تعثير لصاحب الصدراة راح تدخلو في الشك ومزال عندو مبارات واعرين ، وراح يتعثر لامحالة ، مشتحيل يربحو في الشلف وفي الساورة ،
اذن لازم على صفحاتنا نديرو كما يديولنا ، نهدرو كما يهدرو لازم ضغط ، المولودية مستحيل تفوز في الداربي وفي الساورة وفي شلف مستحيل الا اذا كانت البطولة مخدومة ليهم..

لازم نتحدو ونرفعو المعنويات الى اخر مبارة ، لازم الضغط ايضا بالصفحاات ، شفتو كامل واش دارولنا كي ربحنا البيض كفاش خرجو من الجحور ، ملا يزيد يقلك البطولة مخدومة لمقران قولو بصحتنا معليش

أول مرة في التاريخ حشاوهالنا قالك الشبيبة العام هذا تلعب على مرتبة مؤهلة !! من وقتاش هذي !! الشبيبة تاع الالقاب ، الشبيبة عمرها ماكانت هدفها مرتبة مؤهلة ، الشبيبة تاع الالقاب !!
وايضا اظن المولودية غلبونا في les médias خاصة كي ربحنا مع البيض كامل شفتو كفاش خرجو الصفحات يهدرو ، واليوم هوما كي ربحو افضل دفاع في البطولة واحد ماهدر عليها !! انعم ايه سطيف افضل دفاع في البطولة اليوم تلقات 4 اهداف !! هل هذي عادي !!
باش تشوف les médias واش يديرو ، اذن البطولة مزالها في اللعب واي تعثر للمولودية نقدرو نقولو البطولة تاعنا

الحاجة لي تغيض انك كنت قريب للبطولة 15 يعني تزيد توسع الفارق في الالقاب ، كنا قرااااب جدا ، كان عندك 5 مبارات العبها على شكل نهائي ، للاسف دك لازم تزيد تستنى عام آخر و 30 مبارة اخرى ياحسرااااه 😓

صورة اولية

خاوتي كاينة حاجة مهمة ؛
بديناها بسكات نكملوها بسكات مدخلوش في لعبهم رانا جاينيها حبة حبة ، ماتش par ماتش ، ميشقاش تبرولهم ، ملازمش على الصفحات تاعنا يدخلو في لعبهم ، حنا رانا نتمتعو بالأداء في كل مبارة ، والا جات ال 15 مرحبا بيها