30/08/2026
🔶 بالنسبة للإيواء الجامعي للطلبة المتأخرين وأصحاب التحويلات الخارجية:
🔹 كاين بعض مديريات الخدمات الجامعية لي خصصت استمارة إلكترونية باش تودع طلب الإيواء تاعك، بالنسبة للطلبة لي فاتتهم الآجال وأصحاب التحويل الخارجي، كيما مديرية الخدمات الجامعية باتنة بوعقال ومديرية الخدمات الجامعية بلقايد – وهران. وكاين مديريات أخرى الإيداع يكون حضوري. كي تروح للمديرية، متنساش بطاقة الإقامة تاعك.
🔸 بالنسبة للي طلب الإيواء تاعهم مازال «قيد المعالجة»، باستثناء طلبة الشبه الطبي، نفس الشيء: لازم تتوجه حضوريًا خلال شهر سبتمبر لمديرية الخدمات الجامعية وتسوي وضعيتك.
🔸 بالنسبة للي ما خرجلوش تاريخ الالتحاق بالإقامة الجامعية:
شوف رزنامة استقبال الطلبة لي حددتها المديرية، واختار النهار المخصص لاستقبال الطلبة وروح فيه، وتقدر تحجز الغرفة تاعك بشكل عادي إن شاء الله.
🔸 بالنسبة للطلبة لي دارو تحويل داخلي:
كي تروح للإقامة الجامعية باش تحجز الغرفة، قولهم بلي درت تحويل داخلي فقط، واذكر لهم التخصص الجديد لي تم قبولك فيه. أو أنك تروح قبل موعد حجز الغرفة.
🔸 بالنسبة للطلبة لي ترفض طلب الإيواء تاعهم:
تستناو حتى الوزارة تفتح منصة الطعون، ومن بعد ديرو الطعن تاعكم عبر المنصة، وتستناو نتيجة دراسة الطعن.
🩺 أما طلبة الشبه الطبي لي طلب الإيواء تاعهم مازال «قيد المعالجة»:
التسجيل تاعكم يكون حضوريًا في الإقامة الجامعية، والمديريات راح تحدد موعد التسجيل قريبًا إن شاء الله.
📌 ملاحظة: المديريات راح تستأنف الخدمة ابتداءً من 6 سبتمبر، بصح حاول قبل ما تروح تراسلهم في الأرقام الموجودة في الصفحة الرسمية تاع المديرية.
29/08/2026
27/08/2026
27/08/2026
23/08/2026