مطبخ السلطانة شهرزاد

سلام حبابي ليكم وحشة 😊
واش رأيكم الصفحة نشطوها و نرجعوها خاصة بالاكل الصحي 😋 و الرجيم سمنا مع الكوفيد يا خويا يا خويا😂شكون توحشني يا غوالي يا احلي ناس😍❤❤❤

ربي اشفي لي امي واحفظها لي من كل شر ...ولاتحرمني منها وبارك لي فيها ولاتريها شرا يبكيها ....انك انت الشافي العافي شفاءً لا يغادرُ سقما
اللهم رب الناس اذهب الباس و خفف عنها آلامها😢😢😢😢😢😢
اللهم اني لا اسألك ردّ القضاء بل اسألك اللطف فيه
لحباب ادعو لامي اليوم الجمعة الله يجعلها دعوة مقبولة😢😢😢

اليوم ميلاد حبوبتي و بنتي ❤و اميرتي الصغيرة 👑فلولي اختي الصغيرة😍 الجميلة ❤
اغلى ناسي 😘احب ناسي❤ اجمل ناسي ❤
اصدق ناسي ❤ لن اقول كل عام و انتي بخير 😝 نقولك انتي الخير لكل عام❤ ربي يحفظك 🌹 و يفرحك يا رب و يخليك لينا يا اميرتي الصغيرة نمووووت عليك❤😘😍

كعك النقاش
دعواتكم لي بالذرية الصالحة في هادي الايام المباركة ما بقاش
ما نقولكم تفاعلو باسكو علابالي مكاش
التفاعل غالي راهو بالدراهم😢😢😢

مقروط الكوشة قلت ما نزيدش ننشر
بصح نحبكم الله غالب
سحرتوني😂😂😂😂

دعواتكم لحباب

وصفة مجربة وناجحة كعيكعات ،تشاراك مسكر، عرايش الوصفة مع الصور. وزن العجينة 30غ ووزن الحشو 12غ

الوصفة: 🍒
500 فرينة و250غ سمن غامولى 2مغارف كبار سكر قلاصى فانيلا قرصة ملح 14معرفة كبيرة ماء زهر .
نخلط سمن مع الفرينة.فانلا. ملح سكر.نبسسهم مليح و نجمع العجينةبماء زهر منعجنهاش نجمع فقط منعجنهاش نعاود .حتى تشرب كيلتها تاع الماء
وصفة ناجحة وراءعة و مجربة
تخرجلكم 32حبة بوزن⬇
وزن العجينة 30غ وزن الحشو 12غ

الطلية:🍒
بياض بيضة،فنجان حليب فنجان زيت ناقص شوية ونحرك مليح ونص فنجان عصير الليمون نحطوه فالاخير سينون يروب لحليب
نحط سكر نكونو غربلناه 2 مرات بشوية كي تعقد نحلها بعصير الليمون حتى نتحصلو على القوام لى يناسب جربي فى حبة.اذا حبيبتى تحطى
الملون نحي شوية طلية فى فنجال وحطي ملون وضيفيه لطلية تاعك باش ما تخسريهاش.
هدوك كعيكعات الغوز حطيت شوية pâte arôme fraise تمدلك لون و ذوق شباب .

كمية السكر ماشي مظبوطة🍒
ديري وحركي حتى تولى عجينة تقيلة ثم حليها
بعصير الليمون تكون شادة روحها ماشي سائلة جربي فى حبة شوفى القوام .
الحشو🍒
3كيلات لوز او كاكاو مرحى كيما كسكس كيلة سكر معرفة كبيرة سمن فانيلا قرفة لى تحب تحطهاوطمى بماء زهر متجريهاش
بديل الشاربات،:🍒

ديري كاس ماء زهر ومغرفة كبيرة فرينة و 2-او 3 مغارف سكر قلاصي و تشمخى فيه تشاراك .
هدي فى بلاصت شاربات سريعة وسهلة تشمخى الحبة تاعك و تحطيها تقطر فوق شباك ومسحيلها بورق مصاص الزائد من السائل وحطيها فالسكر و غطيها كامل بالسكر باش تشرب ثم تنحيه بيدك السكر الزائد و رشي بالصفاية ملفوق بالسكر قليلا فقط.وصحة وهناء عليك
جام و5 تعليقات لوصو المنشورات للعضوات الكريمات ولمنع الحظر
#نحبكم

دائما مع ملف حلويات العيد
دعواتكم لي بالذرية الصالحة

سلام لحباب مع انه لا يوجد تفاعل و لو بكلمة او دعوى و لكن انا ابقى وفية و انشر لكم كل جديد الوصفات
صحا فطوركم

الحاجة اللي تخلي الصابلي هشيش هي أولا لازم تحترمي المقادير تاعو باسكو عجينة السابلي عندها مقادير مضبوطة حيث أنه دايما كمية المرغرين تكون نصف كمية الفرينة و كمية السكر هي نص كمية المرغرين يعني اذا درتي باكي مرغرين تاع 250 غ يعني تستعملي 500 غ فرينة و 125 غ سكر هاذي مقادير ستوندار ممكن تزيد و لا تنقصي شوية الفرينة علي حساب واش تاكلك لابات بصح هذا هو المبدا تاع السابلي
ثاني حاجة هي البيض...في القاطو صفار البيض يهشش لعجينة و البياض ييبسها... هاذي معلومة لازم تحفضيها... علي هذا و اذا حبيتي يجيك هشيش بزاف استعملي صفار البيض باش اطمي لعجينة احسن ما تستعملي بيضة كومبلي يعني.. 250 غ مرغرين لازملها 2 حبات بيض... أنت في عوض أديري 2 حبات كومبلي... ديري 2 صفار و حبة كومبلي...
السر الثالث هو في المايزينة.... تقدري أطمي العجينة بالفرينة وحدها و تجي مليحة بصح كي تزيديلها شوية مايزينة تحي هشيشة بزاف... يعني اذا حبيتي الصابلي تاعك يجي يقرمش شوية ديري الفرينة وحدها و اذا حبيتيها تجي مرملة كيما الغريبية زيديلها مايزينة...هاذي مسالة ذوق انا مرات نديرو بالفرينة وحدها و مرات نزيدلها مايزينة يعني القوام أللي يتبدل برك
رابع سر هو ...كي تلمي العجينة ما تعجنيهاش لميها برك.و لازم تخليها طرية ...هذا ثاني مبدا في القاطو... عجينة تلميها طرية مي تطيب تجيك طرية و اذا لميتيها يابسة سي نرمال في الفور تيبس أكثر ...علي هاذي قلتلك في السابلي ديما كيلي الفرينة تكون دوبل كمية ليدام سيريها مليح و حطيها قدامك باش ما تفوتيش هاذ الكمية .
ثاني كي تحلي العجينة تاعك من الاحسن تحليها فوق ساشي باش ما أديريش الفرينة باسكو كيما قلتلك كمية ليدام في السابلي محسوبة لوكان تحليها بفرينة بزاف قادرة تنشفي لعجينة و تجيك يابسة و كي تلميها حطيها في الفريجيدار مدة بسيطة حوالي 15 د باش تشد روحها و تجيك ساهلة في الحلان باسكو فيها ليدام بزاف لو مان تحليها تم تم تتقطعلك.
بالنسبة للتحضير...كاين طريقتين....
كاين أللي يخلط المرغرين مقطعة مكعبات مع الفرينة و يبسسهم بيدو و لا بالروبو حتي تدخل المرغرين في الفرينة و تتحصلي علي خليط يشبه للرمل و نزيدولو السكر قلاص نخلطو مليح ثم نلموها بالبيض اما بيض كامل او نستعملو صفار بيض مع بيضة كاملة... هاذ الطريقة أستعملتها دليلة تونسي تاع قناة سميرة و أنا شخصيا جربتها... و نقولكم بلي القاطو يجي مبسس بزاف بصح الذوق تاعو ماشي حاجة ...
الطريقة ثانية و هي الأفضل بالتجربة .... تبداي بالمرغرين تكون طرية ماشي ذايبة تخلطيها مع السكر قلاص بالباتور حتي تولي كريمة من بعد تزيديلهم البيض و تخلطيهم مليح باش يجيك القاطو بنين في الآخر تلميها بفرينة و مايزينية و تخلي العجينة طرية تغلفيها و تخليها ترتاح شوية في الثلاجة هنا القاطو يجيك بنين أحسن لان السكر تاعنا دخلناه في البيض و السكر مليح...
بالنسبة لليدام في السابلي نستعملو مرغرين وحدو يكفي و يجيك القاطو يهبل و طبعا أللي تقدر أدير الزبدة في عوض المرغرين ولا تخلطها مع المرغرين يجيك.القاطو شهيي باسكو الزبدة بنينة و ريحتها زاكية علابيها سومتها غالية 😝😝😝
و كاين ناس ضافو مكون جديد ألا و هو الزيت يعني يديرو كمية تاع مرغرين كاملة و يزيدو شوية زيت زيادة قيس فنجان صغير ...أنا نقولكم بلي مرغرين وحدو يعطيك سابلي هاايل مي ممكن أتبعي هاذ الناس و أضيفي شوية زيت ...ما يخفالكمش بلي الزيت يهشش الحاجة هاذي حاجة معروفة يعني زيادة الهشاشة ...هشاشتين 😂
بالنسبة للخميرة من الاحسن أديري كمية قليلة قرصة برك باش القاطو يحافظ علي الشكل تاعو باش كي تلصقيهم تجي كل حبة قد ختها و تقدري ما أديريش الخميرة واشنو اذا ما درتيش الخميرة ديري في بالك بلي الحبة تاع القاطو ما راحش تتنفخ يعني السمك أللي قطعتيه بيها راح يبقي هو هو بعد ما أطيبيها .. يعني اذا فيها خميرة اكيد تحليها رقيقة اكثر باسكو حتتنفخ و اذا ما درتيش الخميرة خشنيها اكثر....
و طبعا كي أطيبوها ما تحمروهاش لازم تقعد بيضة باش تجي شابة
دعوة قلبية الى حبيتو

⬇
⬇
⬇
💛-المقروط من الاحسن يبات ليله كاملا بش تخدمي بيه 😉ويتعسل 2 مرتين وثالثا عند تقديم
💛_حشو البقلاوه زيدياو جلجلان مرحي رح يمدلك بنة روووووعه 😉
💛-لي صابلي متكثريش الفرينة ومتعجنيهاش لمي برك استعملي صفار لبيض فقط البباض يقسحها ومن الاحسن تخليها تريح نص ساعه ف الفريجيدار من بعد اخدمي
💛-استعمال المايزينه (النشاء) لحل العجينة احسن من الفرينة
💛-عقدة العرايش متكثريلهاش السكر لانو رح تقلاصيه ولميها بالزبدة ذايبه او سمن بش تبقا طريه اياكي تلميها بالمزهر خطأ❌
💛-قلاصاج الشوكولا السوداء ديمن زيدلو مغرف زبدة للمعان او زيت اما الشوكولا البيضاء ممنووووع تزيدلها اي حاجة ⚠
💛-القريوش اقليه ف زيت جديدة ومباشرة فعسيله خفيفه عند تقديم ديري شوي عسل من فوق وشبحيه بجلجلان
💛-اذا جاتك الحلوى يابسا حطيها في علبه محكمة الاغلاق وحطي معاها طرف خبز يابس 😉
💛-حشوة القنيدلات او دزيريات زيديلها الخميرة بش تنتفخ والحشو (كوكاو او لوز ) غربليه
دعوة برك من القلب

سلام زوار الصفحة
انا نسرق من وقتي و نعطيكم و نتوما كلمة ما تخسروهاش عليا
يا لوكان ملصق الا القلييييل الاقلية اظن اني لم افيدكم ، يجو يشوفو و يروحو بدون اي تقدير لمجهودات الناشر😢😢😢
هادا اخر منشور
الى صبت تفاعل و حبيتوني نكمل اللهم بارك الى ما صبت حتي واحد يقيمني الله يفرقنا بلا ذنوب

ملف حلويات العيد
دعواتكم لي بالذرية الصالحة تفاعلو حبابي