22/05/2026
المشهد اللي حصل امبارح من أعظم المشاهد اللي ممكن أي حد يشوفها في عالم كرة القدم حرفيًا! ❤️
النصر دخل مباراة ضمك وهو متصدر الدوري بفارق نقطتين عن الهلال، وكان متقدم بهدفين والجمهور بدأ يحلم باللقب… لكن فجأة ضمك سجل هدف وبدأ القلق يرجع من جديد، لأن أي تعثر كان ممكن يضيع الدوري بالكامل!
وهنا ظهر البطل الحقيقي…
كريستيانو رونالدو قرر يلبس عباءة الحسم في الدقيقة 63، وسجل هدف عالمي من ركلة حرة بطريقة أسطورية أعلن بيها إن الدوري مش هيضيع من إيده!
ولأن الأساطير دايمًا بتحب تحسمها بنفسها، رجع رونالدو في الدقيقة 81 وسجل الهدف الرابع، وبعدها انفجر بالبكاء من الفرحة، لأنه أخيرًا قدر يحقق أول دوري سعودي في مسيرته مع النصر بعد 3 سنين من المحاولات والمعاناة.
تخيل إن راجل عنده 41 سنة لسه بيقرر البطولات وبيحسم أصعب اللحظات بالشخصية دي… عقلية وجبروت واستمرارية مستحيل تتكرر بسهولة!
مشهد تاريخي يُحترم… يا لك من لاعب عظيم يا رونالدو ❤️
