Ahmed Salim - احمد سالم

في لحظات، كلمة واحدة ممكن تفك زرار كان مقفول جواك من سنين.👌

Unmute ماكانش مجرد Webinar عن التحدث أمام الجمهور. 🤎

كان مساحة نفهم فيها:
ليه بنسكت؟
ليه بنأجل؟
وليه أوقات كتير بنعرف نقول كل حاجة… بعد ما اللحظة تخلص.

دلوقتي دورك أنت.

**إيه أكتر فكرة، تمرين، أو لحظة في Unmute حسّيت إنها لمستك أو غيّرت نظرتك لصوتك؟**

اكتبها في الكومنت، حتى لو في جملة واحدة.

يمكن تجربتك تكون هي الرسالة اللي شخص تاني محتاج يسمعها.

**شاركنا: الويبنار فرّق معاك إزاي؟** 🎙️

صدق الله العظيم

عند حدوث الزلازل، يُستحب الإكثار من التضرع والدعاء، ومن أبرز الأدعية المأثورة الجامعة:
"اللهم لا تقتلنا بغضبك ولا تهلكنا بعذابك وعافنا قبل ذلك"، و"اللهم إني أسألك العفو والعافية"و"اللهم ادفع عنا البلاء والزلازل والمحن"

لما الإنسان بيفقد قيمة الأمان بيبقى عامل زي الموبايل اللي بطاريته 5% وخلاص ع الحركرك

فكل ما يفتح أبلكيشن هيبقى قلقان وكل مكالمة هتبقى بحساب وكل لحظة هيبقى خايف ان الجهاز يفصل منه
مش لأنه ضعيف لكن لأنه حاسس إن الطاقة اللي جواه مش مكفية

وقيس ده بقي على حياتنا …

في الشغل…
أي ملاحظة بنحس إنها تهديد
وأي تغيير يقلقنا
وأي غلطة صغيرة بنحس إنها نهاية الدنيا

في العلاقات…
بنفكر ألف مرة قبل ما نتكلم
ونحلل كل كلمة اتقالت
ونخاف نعبّر عن نفسنا
لأننا خايفين نخسر اللي قدامنا

وفي حياتنا بشكل عام …
نعيش مستنزفين
نفكر زيادة
ونتوقع الأسوأ
ونفضل في حالة استعداد للخطر
حتى في اللحظات اللي المفروض نرتاح فيها

عشان كده الأمان من أعظم النعم والقيم اللي ممكن يمتلكها الإنسان
ويا بخت اللي ربنا رزقه بقلب آمن مُطمئن
ويا بخت اللي وجوده بيخلي اللي حواليه يحسوا بالأمان
سواء في كلمه او نظرة او احتواء او حتي في شعور إنك مش محتاج تلبس قناع علشان تكون مقبول

وده رزق .. رزق كبير اوي مش أي حد بيملكه

وأعظم أمان هو الأمان اللي بيملي بيه ربنا قلب الإنسان
لما تعرف إن ربنا دايما معاك وتستشعر ده بنهدي اوي في رحلة الحياة
وإن ما أخطأك لم يكن ليصيبك، وما أصابك لم يكن ليخطئك
بيهدي جواك شيء حتى لو الدنيا حواليك لسه مضطربة

والنبي ﷺ قال لنا
من اصبح منكم آمناً في سربه ، معافي في جسده ، عنده قوت يومه ، فكأنما حيزت له الدنيا بحذافيرها

تفتكروا كام واحد فينا حيزت له الدنيا بحذافيرها وهو مش آمناً مطمئنا

اللهم ارزقنا طمأنينة لا تهزها الظروف، وأمانا لا ينقطع، واجعلنا سببا في أن يشعر من حولنا بالأمان

يومكم جميل
الحمد لله 🙏

‎فيه فرق بين “أنا عارف” و“أنا قادر”

‎“أنا عارف” بتتكون من محتوى ومعلومات.
“أنا قادر” بتتكون من ممارسة ومواجهة وتكرار

‎اخرج من المدرجات شوية
انزل الملعب