FIT HOUSE GYM

هنتكلم انهردة عن عملية الايض و معدل الحرق
طيب يلا نبدا
يعنى ايه عملية ايض !؟
- هو جميع العمليات الكميائية التى تحدث داخل الجسم للمحافظة على العمليات الحيوية زى الهضم و التنفس و تحتاج عملية الايض دى طاقة كبيرة عشان تتم و دة ياخدنا لمصطلح اسمو (Basal Metabolic Rate-BMR ) و هوة الحد الأدنى من الطاقة التي يحتاجها الجسم للقيام بهذه العلمليات الكيميائية المختلفة. وعادة ما تستخدم نسبة 40%-70% من الطاقة اليومية في أداء هذه العمليات، وهي نسبة تختلف تبعاً لعمرك وجنسك ونمط حياتك، و كل متزيد عملية الايض كل مزاد معدل حرق الدهون و تحويلها لطاقه
ايه الحجات الى ممكن اعملها عشان ازود معدل الايض و معدل الحرق !؟
١- الرياضة الهوائية طبعا زى المشى و الجرى و العجلة و السباحة، معاك ٣٠ دقيقه فاليوم او ١٥٠ دقيقة فالاسبوع
٢- تمارين القوة فى الچيم العشان الأنسجة العضلية عموماً بتحرق سعرات حرارية أكثر من الأنسجة الدهنية، وبالتالي فان زيادة كتلة العضلات هيساعدك على زيادة حرق الدهون، على الاقل يومين فالاسبوع هتحس بفرق
٣- الاكل بقي .. هنا بيجيلى ناس بتقلى انا مش بفطر ولا بتغدا ولا بتعشى و مش بخس 😂.. طيب السر هنا فالايض, الجسم لما بيقعد فترة كبيرة من غير اكل بيخش فمرحله اسمها catabolism يعنى مش بيحرق اصلا عشان حس ان الجسم فحالة طوارئ فبيحاول يحتفظ بكمية الدهون الموجدة فالجسم عشان دى مصدرة الاساسى للحياه دة غير انى لو كلت وجبة واحدة عباره عن بروتين بس ممكن يحولها لدهون كمان.. الحل طبعا انى اقسم الوجبات الكبيرة لوجبتين و انى محرمش جسمى من الغذا المطلوب، كمان فى اكل بيزود معدل الحرق هيساعدك كتير زى زبدة جوز الهند و زى الشاى الاخضر و القهوة
"هنبقى نتكلم فبوست لوحده عن الاكل الى بيزود معدل الحرق"
٤- تقليل نسبة السكر, بتشير الدراسات أنّ (السكريات) تبطئ الأيض ممّا يؤدي إلى زيادة الوزن، كفاية معلقتين سكر فاليوم او نستبدلوه بالعسل الابيض
طيب
٥- طبعا النوم، ينظم النوم حجات كثيرة في الجسم بما فيها إفرازات الهورمونات والشهية وعملية الأيض
و بكدة نكون خلصنا
منشنولى يا جماعة الناس الى مش بتاكل و عايزة تخس و شير للبوست دة لو قريته 🤍

يعني ايه #ضخامة عضلية ؟ .. 🙁
المفروض اعمل ايه عشان جسمي ييبتدي يعلي ويزيد كتلة #عضلية ؟ ..
ايه الي بيحصل عشان الكتلة العضلية عندي تزيد ؟ 🤔
شرح مبسط للموضوع ف كلمتين
.
◼ اول حاجة #التمرين 30% من عملية البناء العضلي 💪🏻🏋🏻
حركات وتكنيكات مختلفة تخلي العضلة يحصل فيها #بامب "ضغط دم شديد "ويحصلها تلف و تكسير لالياف وانسجة العضلة
.
◼ تاني حاجة #التغذية الصح 🥩🥦 30%
جسمك محتاج ف اليوم ضعف وزنه جرامات #بروتين عشان يحصله هنتكلم عليه ف الجزئية الجاية ..
بمعني انك لو وزنك مثلا 70K هتضرب الوزن ×2 هيطلعلك 140 جرام بروتين في اليوم عشان وقت الراحل الي هو النوم يبتدي الجسم يمتصه ويعمل Upgrade للعضلات والانسجة التالفة من التمرين 🔥
طبعا انت هتحتتاج الڤيتامينات بانواعها واكترها ب ١٢ عشان الاعصاب وهتكلم ف بوست لوحده عن مصادر الغذاء الي محتاجينها 🥕🥚🥩
.
◼ تالت مرحلة #الاستشفاء 🔄 40%
العضلة بعد ما حصلها تلف وباظت من التمرين اكيد هتقولك اكلني بقي يبشة 😢
اكلها بقي هو البروتين الي بيخليها تتجدد وتزيد ..
والي بيخليها تزيد انها بدل م بتجدد خليه واحدة بتتجدد الضعف وكل يوم ضعف الخلايا بيتجدد عن الي قبله ..
كل ده طبعا وقت #النوم الي هو مش اقل من ٨ ساعات يوميا ويستحسن انه يبقي بليل عشان النوم بالنهار بيزود نسبة افراز هيرمون الكورتيزون المسؤول عن الهدم العضلي وده احنا مش عاوزينه اكيد 😂
.
دلوقتي انت فهمت يعني ايه چيم .. انزل ومتكسلش 💪🏻

🤣😂

انا كان مالي ومال كل ده 🤦🤦

جروب خاص بالفتنس والتغذية ⏪ Gym S Society

ليه معدل الحرق بيقل أو بيكون بطئ أثناء فترة الدايت ؟؟
ليه لما بمشي ع دايت ممكن مخسش و ممكن ازيد ؟؟🔴🔴🔴

في اسباب للقصة دي
اول حاجة
1-انك بتاخد سعرات قليلة جدا جدا جدا و ده غلط كبييييير بمعني واحد معدل الايض عنده مثلا 1500 و تلاقيه بيدخل 800 او 900 كالوري ع اعتقاد انه كده عامل عجز في السعرات calorie deficit و العجز ده هيخسسه للاسف العجز بيخلي الجسم يوصل لمرحلة اسمها
Starvation mode
بمعني ان الجسم بيحس انه ف حالة مجاعة و بيخزن الاكل اللي بياكله عشان يستخدمه لما يحتاجه ف وقت الشغل او المجهود العالي..

2-بتمشي علي نظام غذائي قليل ف كمية البروتين في حين ان الابحاث و الدراسات بتقول ان عشان تخس دهون محتاج تزود البروتين عشان البروتين بيساعد في بناء العضلات و بناء العضلات بيساعد لانه بيساعد ف ستهلاك سعرات اكتر عشان الهضم و بالتالي جسمك هيحرق سعرات من ضمنها الدهون و لذلك هتخس .

الدراسة الجاية دي بتقول ان ⬅⬅⬅
التأثير الحراري للبروتين أعلى بكثير من تأثير الكربوهيدرات أو الدهون و تشير الدراسات إلى أن تناول البروتين يزيد الأيض بشكل مؤقت بحوالي 20-30 ٪ مقارنة مع 5-10 ٪ للكربوهيدرات و 3 ٪ أو أقل للدهون

3-نمط الحياة المستقر بمعني ناس مثلا شغلها يوميا فيه جلوس ع المكتب من 6 الي 8 ساعات او 10 ساعات يوميا
ده سبب مهم من الاسباب اللي بتؤدي الي ضعف او بطئ معدل الحرق و بالتالي صعوبة ف خسارة الوزن او زيادة ف الوزن رغم انك عامل دايت.

4-عدم النوم بقدر كافي يقلل معدل الحرق يعني حضرتك مش بتنام كويس بالليل او مش بتدي جسمك القدر الكافي من الراحة و النوم الكافي بيقلل من الحرق او بيخليه بطئ

5-الاستهلاك العالي للسكريات يعني ممكن تكون منتظم ع دايت بس بتشرب شاي بسكر او قهوة بسكر كتير ده بيقلل من معدل الحرق او بيخليه بطئ و كمان بتزود من معدل السمنه و ممكن تسبب مرض السكر .

ممكن تقولي سبب واحد يخليك متتمرنش رجل ؟
عشان يعني رجلك مبتبقاش باينه من البنطلون خلاص ؟

مش مهم تناسق قوة جسمك ؟
مش مهم رجلك تبقي شايلاك وقوية ؟
مش مهم يكون جسمك من تحت قوي وكفاأ زي من فوق ؟

لو حد جه اداك خبطة ع رجلك هتنخ وهتقع وال فوق مش هيفيدك ف حاجة ساعتها !

رجلك نص قوة جسمك واكتر كمان , اهتم بتمرين رجلك وبطل دلع ,!

,,,
تمرين رجل باستمرار = رجل قوية ومرنة = تكافوء وتناسق ف جسمك فوق وتحت
=
ان كمان تمرين الرجل بيخلي باقي جسمك يتحسن ويتطور اكتر واكتر
=
يعني تمرين رجل باستمرار هيكون فيه زيادة قوة وكتلة عضلية ف نصك ال فوق كمان مش ف رجلك بس !

,,,,
مينشن لصاحبك ال بيتدلع ومبيتمرنش رجل وقوله عيب عليك يا صحبي متصغرناش

وعاش العاش ع الدبابات ال مبتنساش تمرينة الرجل 💪💪💪💪💪

صباح الفلللللل ع الناس الكللللل 😍😍
نصيحه انهارده .. القهوه ☕
في ناس كتير بتقولك القهوه مضره .. طبعا القهوه مضره لو شربت ٥ أو ٦ كوبايات في اليوم ..
لكن لو شربت كوبايه واحده من ساعه لإتنين قبل التمرين الكافيين اللي فيها مش بس هيديني طاقه في التمرين دا كمان هيساعدني أن أحرق سعرات حراريه خلال التمرين
القهوه مش مضره لو شربتها صح ☕⁦❤️⁩

لو بتتمرن اي تمرينة..
فجأة حسيت ب #وجع جامد ..
حسيت بحاجة طرقعت..💥
حسيت ب كهربا جوا العضم ..
حسيت ب اي وجع مش طبيعي وغير وجع #العضلات المعتاد
وقف #التمرين حالا !! 🚫
وروح البيت خد دش ساقع وتركز المياه على مكان الوجع ولازم ترتاح..لو لقيت الوجع بدأ يروح ويهدى متتسرعش وتقول انزل التمرين بقى تاني يوم ، لازم ترتاح اقل حاجة ٣ ايام..
.
ادي جسمك الوقت الكافي عشان يعمل ريكافاري و #استشفاء للاصابة الي حصلتله
و يبتدي يعالج نفسه بدل م تدوس على نفسك ويحصل مضاعفات و هتتسوّح جامد 😁
.
اما لو الوجع استمر بعد رجوعك من نفس يوم #الاصابة او حصل اي حاجة مش طبيعية لازم تروح #لدكتور كويس ويكون فاهم في
.
عاندت نفسك واتصرفت غلط ممكن حاجة بسيطة تتحول لحاجة كبيرة بسبب عِندك الغلط وانك كدا فاكر انك بطل وهو دا الصح ...
والمشكلة البسيطة ال كان ممكن تاخد علاج بسيط ومدة ابسط ممكن تتحول لحاجة كبيرة وتقعدك ف البيت لشهور من غير تمرين ...

C.Ahmed Adel

كتاب التشريح #العضلي وتكنيكات #التمارين الصح ..
دوس علي وعيش 🖤💪🏻

Strength Training Anatomy 2nd Edition MediaFire is a simple to use free service that lets you put all your photos, documents, music, and video in a single place so you can access them anywhere and share them everywhere.

🏋️🏋️💪