Bra Elsandok _ برا الصندوق

Bra Elsandok _ برا الصندوق برا الصندوق تقدم لك تحليلات ومتابعه لكره القدم المحليه والعالميه

متنساش تتابع أولى حلقات البريمير ليجا 🥱❤️و لو عجبتك الحلقة متنساش تعمل لايك و سبسكرايب و انت معدى 🔥الحلقة تحضير : MaMaze...
24/09/2024

متنساش تتابع أولى حلقات البريمير ليجا 🥱❤️

و لو عجبتك الحلقة متنساش تعمل لايك و سبسكرايب و انت معدى 🔥

الحلقة تحضير : MaMazen Wagde AbAbdelrahman Helmy

Link : https://youtu.be/RzVUR3mLxhU?si=2xhC5s2GmkE-u2Ia

أولى حلقات صندوق الأبطال دلوقتى على اليوتيوب متنساش اللايك 👍🏻 و الأشتراك المتين لو عجبتك الحلقة 🫵🏻♥️اللينك : https://you...
20/09/2024

أولى حلقات صندوق الأبطال دلوقتى على اليوتيوب

متنساش اللايك 👍🏻 و الأشتراك المتين لو عجبتك الحلقة 🫵🏻♥️

اللينك : https://youtu.be/xPjhn2dj7pA?si=1WelPV-EVXO-vLTs

بدايه غير مبشرة إطلاقاً للمنتخب الاولمبي في افتتاحية الأولمبياد.كلنا امبارح كنا بنتفرج علي ماتش مصر والدومنيكان وكان عند...
25/07/2024

بدايه غير مبشرة إطلاقاً للمنتخب الاولمبي في افتتاحية الأولمبياد.

كلنا امبارح كنا بنتفرج علي ماتش مصر والدومنيكان وكان عندنا امل نفوز ونحقق أداء جيد يليق بالمنتخب مع منافس يعتبر علي الورق هو أسهل منتخبات المجموعة.

لكن للاسف المنتخب مقدرش يحقق الفوز وكمان الأداء كان سئ جدا تعالى اكلمك شوية عن طريقه ميكالي مع الفراعنة وهي 433 بالاعتماد على التدرج بالكورة من خط الدفاع لقدام المشكلة أن امبارح منتخبنا معرفش يطلع بالكورة فبالتالي مشوفناش المنتخب بيحضر هجمه صح من الالف الى الياء.

اول 35 دقيقه كانو عبارة عن تمريرات مقطوعة من منتخبنا اللي مش عارف يطلع بالكورة من نص ملعبه والاعتماد كله علي التمريرات الطويلة علي الاجناب من الدبيس لابراهيم عادل أو من احمد عيد لزيزو غير كده مكنش فيه وصول .

وغريبه جدا وغير مبررة حالة الخضة والخوف اللي كانت عند اللاعيبه منتخب الدومينيكان اللي يعتبر أقل منتخبات المجموعة وبيشارك لأول مرة في الأولمبياد كان بيلعب بكل ثقة وشوفناه بيهدد المنتخب كتير طول الماتش وقدر يوصل بجماعية يشكروا عليها لمرمى حمزه علاء اكتر من مره.

اه منتخبنا وصل بأكثر من كورة وكان يقدر يخطف لكن السؤال هنا ليه مضغطناش ضغط عالي علي منتخب ممكن يغلط ؟؟!اخطر كورة جت للمنتخب في الشوط الأول هي اللعبة اللي ضغطنا فيها صح وغلطنا الدفاع وجت الكورة لابراهيم عادل وأساء التصرف فيها ده غير أن التبديلات اتأخرت التبديلات ممكن تتأخر لو الشكل كويس انما لما يبقا الأداء سئ والنتيجة مش لمصلحتي يبقا لية تأخير التبديلات للدرجة دي ؟؟

كل دي كانت اسباب للتعادل السلبي والأداء الغير مبشر للمنتخب اكيد ميكالي قدامه فرصة يصلح الأوضاع ولازم اللاعيبه تعرف أنه لا بديل عن الفوز في الماتش الجاي لو أراد المنتخب الصعود إلى دور ال 8 ومنسمعش مقوله الظهور المشرف زي كل نسخة

الحقيقة البوست ده من أصعب البوستات اللي عملناها ويمكن من أصعب البوستات اللي حتقراها عن لاعبك المفضل (ميسي أو كريستيانو) ...
15/07/2024

الحقيقة البوست ده من أصعب البوستات اللي عملناها ويمكن من أصعب البوستات اللي حتقراها عن لاعبك المفضل (ميسي أو كريستيانو) اللاعب اللي كان سبب في حبك للكورة وسبب حبك لفريقك اقترب من مشهد النهاية.

ميسي وكريستيانو اللي قدموا أمتع واشرس قصة تنافسية في الكورة واللي أكيد صعب ان تاتي الايام بمثلهم أصبحوا الآن هوامش وصور خفيه من ميسي ورونالدو المعروفين لينا كلنا.

تعالي اكلمك عن ميسي وانا في البوست ده مش حكلمك عن تاريخ ميسي ورونالدو عشان أنت عارف الكلام ده كله أنا عايز اكلمك عن لاعب كان سبب في عشق الكتير للعبه كورة القدم ميسي حرفيا كان السبب الرئيسي للكثير من عشاق برشلونه اخر 15 سنه في عشق النادي الكتالوني ومن أبرز مميزات ميسي انك تلاقيه لما يكسب اي بطولة يبقا هو الهداف والاكثر صناعة للفرص وكل حاجه.

لكن للاسف سنه الحياه قاسية يا ميسي الان ميسي رغم فوزه بالكوبا الثانية علي التوالي واضافه لقب قاري جديد لمسيرته الا أن المفاجأة هي غياب تأثير ميسي فهو سجل هدفين بس ومكنش افضل لاعبي البطولة ولا افضل لاعبي منتخبه حتي والدليل على كده أنه لما غاب محسناش بغيابه في حين كلنا نعلم أن الارجنتين كان يطلق عليها منتخب ميسي لأن كان حرفياً ميسي هو كل حاجه.

اما الدون فهو صاروخ ماديرا هداف كل حاجه واي حاجه مكناش نتوقع أن دي تبقى النهاية من مشاكل مع اليونايتد والانتقال إلى السعودية.

كمحبين ومشجعين رونالدو محدش كان يتخيل أن بطل الرواية تقفل معاه كده رونالدو في اخر يورو يشارك فيه لم يسجل وتالت اكتر لاعب اهدارا للفرص الكبيرة ال xg لرونالدو 3.6 العمر له احكام وطبعا طبيعه رتم الدوري السعودي كل دي اسباب أدت لكده.

في النهاية تعالي نتفق أن دول اكبر وافضل 2 لاعبيه في تاريخ اللعبة وأنهم امتعونا على مدار 15 سنه ودلوقتي احنا في اللحظة اللي طول عمرنا بنهرب منها ولكن لا مفر فهي سنه الحياه والقصة الامتع في تاريخ الكورة انتهت 😪❤️

صعود ولكن يستمر الاداء المخيب للأمال " المنتخب الفرنسي برغم الوفره ف جوده الافراد مفيش حلول داخل ارضيه الملعب. ثلاثيه تش...
01/07/2024

صعود ولكن يستمر الاداء المخيب للأمال "

المنتخب الفرنسي برغم الوفره ف جوده الافراد مفيش حلول داخل ارضيه الملعب.

ثلاثيه تشاوميني كانتي رابيو ثلاثيه انتاجيتها للحلول والتصرف داخل الحيازه مش احسن حاجه بس الكارثه ان ديشامب معاه كامافينجا يجماعه ده ميقعدش لحد مستمر انه يدي رابيو فرص بشكل غريب ليه يلعب 90 دقيقه.

منتخب فرنسا ماسك كوره و ضغط عالي واسترداد سريع من كانتي وتشاوميني ولكن انت عامل big chance واحده بس طول ال 90 دقيقه ده يدل ع مدي فقر حلولك وافكارك داخل الملعب و كل محاولاتك انك تعتمد فرديا ع مبابي او تسديدات من برا المنطقه هيبقي صعب جدا قدام منتخب اتقل من بلجيكا الا لو تمت تصحيح الامور.

"لاروخا جميل" 🇪🇦احنا كان سبق لينا إننا اتكلمنا عم اللاروخا منتخب إسبانيا في ماتشهم قدام ايطاليا في دور المجموعات بس في ا...
30/06/2024

"لاروخا جميل" 🇪🇦

احنا كان سبق لينا إننا اتكلمنا عم اللاروخا منتخب إسبانيا في ماتشهم قدام ايطاليا في دور المجموعات بس في الواقع هما أجبرونا نتكلم عنهم تاني و تالت و رابع لأنهم مش بس المنتخب الوحيد الي تفوق فنياً رقمياً علي كل خصومه لحد دلوقتي بل إن دي لافونتي خلق من جيل جديد صاعد فريق مرعب فنياً يمين تلاقي يامين شمال تلاقي ويلايمز في النص تلاقي بيدري و رودريبل إنهم المرشح الأول و الأقرب للبطولة طب دا حصل إزاي ؟ تعالي أما اقولك

عارف انت دائما بيقولك خاف من الخبيث الى بيجي من غير دوشة دا و دا الي بظبط حصل مع دي لافونتي مدرب جه في صمت تام علي عكس لويس انريكي إلا إنه خلق من اسماء صغيرة سنا منتخب يحتذي بيه في الضغط العالي طول أطوار اللقاء لدرجة إنك كمنتخب حاسم ماتشك بفارق جولين و مازلت بتضغط و بتسجل الرابع كمان تكتيكيا الراجل بينزل علي الورق 4-3-3 العادية جدا إلا إنه في حالة الضغط الفريق بيبقى 4-1-4-1 بحيث إن بيدري و فابيان بيدخلوا للعمق و لامين و ويليامز علي الأطراف.

و بما إننا جبنا سيرة الأطراف فلازم اذكر دور كوكوريلا الكبير علي الجناح الشمال سواء فإنه بيخلق راحة لويليامز للدخول للعمق او المثلث الي بيعمله مع ويليامز و بيدري حرفياً ضغط من جميع ممرات الملعب داخلية و خارجية و ليه نكتفي بالاستحواذ احنا نضرب الخصم بالطولية لو سمحتلما الفرصة إسبانيا فعليا أكلت كل خصومها لحد الأن بلغة الكورة .

من أجمل الحاجات كمان اللي عملها دي لافونتي هو اختيارة للاعيبه تؤدي الوظيفه اللي هو عايزها في الملعب تفضيله موراتا علي خوسيلو و ويليامز عن اويارزبال وكوكوريلا علي جريمالدو وغيرها لأن ببساطة شديدة واقعية دي لافونتي هي اللي تملي علية حاجات زي كده لذلك لقينا كل لاعيب عنده وظيفة محددة في الملعب بيعملها بشكل رائع جدا.

اسبانيا ينتظرها مباراة قوية مع ألمانيا صاحبة الأرض يجب علي دي لافونتي تصحيح الأحوال الدفاعية الشكل الدفاعي اللي ظهر النهاردة اظن لو حصل قدام المانيا الموضوع حيبقا صعب لذلك أعتقد أن دي لافونتي حيسيب الاستحواذ بنسبة كبيرة لألمانيا ويحاول يلعب علي التحولات والانتلاقات عن طريق لامين ووليامز علي العموم حنشوف هل اسبانيا تؤكد قوتها وتتاهل ولا البطاقة محجوزة للالمان.

تأهل مستحق لمنتخب سويسرا ❤️احيانا في منتخبات مش بتاخد حقها من الثناء والمدح في البطولات القارية بس المرة دي لازم ندي منت...
29/06/2024

تأهل مستحق لمنتخب سويسرا ❤️

احيانا في منتخبات مش بتاخد حقها من الثناء والمدح في البطولات القارية بس المرة دي لازم ندي منتخب سويسرا حقهم وزيادة لأنهم بجد منتخب منظم واستحق التأهل إلي دور ال 8 عن جدارة واستحقاق.

سويسرا طريقة لعبهم 3421 ولكن في الحالة الدفاعية تتحول الطريقة الي 541 وكمان في إعتماد علي الضغط العالي المنظم جدا اللي يغلط اي حد شوفنا النهاردة الطليان مش عارفين يطلعو بالكورة علي غير العادة وده كله بفضل تنظيم المنتخب السويسري.

سويسرا وهي معاها الكورة ممتعه في سرعة في الأداء واللاعيبه قريبه من بعض ونفسيا المنتخب السويسري في ماتشين صعبين قدام المانيا وايطاليا اثبتلنا أنه مش اقل من اي منتخب بالعكس هو قادر أنه يحرج اي منتخب بفضل تنظيمه وإمكانيات الاعبيين.

أما عن كلامنا عن حامل البطولة المستبعد المنتخب الإيطالي فأنا وانت نقدر نشوف كم اللغط التكتيكي في أسلوب اسباليتي المنتخب اللي كان يملك اقوي الكوادر الدفاعية في العالم من مالديني وكنافارو الي بونوشي وكيليني أصبح منتخب مخوخ جدا دفاعيا وأي منتخب يجيد الهجوم حيتعبهم جدا ومتبقاش ليهم في الجهة دي الا دوناروما ده فضلا طبعا عن اختفاء نجوم الفريق كييزا وباريلا وباستوني وكل دي عوامل سببت خروج ايطاليا من دور ال 16.

في النهاية احب اقولك أن النتيجة دي بسبب قوة منتخب سويسرا وتنظيمهم وإيمانهم بقدراتهم واللي اعتقد حيبقو منافس صعب في الأدوار القادمة.

مشاركه اولي للتاريخ "❤الكوره علمتنا ان ملهاش كبير ومفيهاش مستحيل البلد الصغير جورجيا كان اكبر احلامها انها تشارك في بطول...
28/06/2024

مشاركه اولي للتاريخ "❤
الكوره علمتنا ان ملهاش كبير ومفيهاش مستحيل

البلد الصغير جورجيا كان اكبر احلامها انها تشارك في بطوله اليورو
وقدرت تصعد للبطوله لاول مره ومكنتش مجرد ضيف شرف ع البطوله واللاعيبه قدرت تظهر اسمها واسم بلدهم للعالم

وعلي راسهم كفارا (يا سلااام) احد اهم لاعيبه موسم نابولي التاريخي

حابب اقولك ان هداف اليورو حتي الان هو ميكاتدزي مهاجم جورجيا لاعب نادي اياكس المعار ل ميتز مساهم ف كل اهداف جورجيا 4 اهداف مسجل 3 و صنع واحد ميكاتدزي مسجل اهداف اكتر من منتخبات تقيله صعدت زي انجلترا وبلجيكا اللي معاهم كوكبه نجوم مثلا وقدر ان يساعد منتخبه انه يصعد من المجموعات

من اللاعيبه المؤثره اللي ظهرت مع جورجيا ايضا حارس المرمي مامارداشفيلي حارس فالنسيا ال xg انه يستقبل اهداف 8 هو استقبل 4 بس وقدر انه يخرج ب ب كلين شيت في ماتش البرتغال

ب امكانيات بسيطه ب جوده محدوده مع 2 لاعيبه شباب ليهم مستقبل قدروا انهم يظهروا ويعبروا عن نفسهم احسن من منتخبات كانت مرشحه للبطوله ولكن سوء حظهم انهم وقعوا مع اسبانيا اللي يمكن هو من افضل منتخبات البطوله ولكن هذا الانجاز ف المشاركه الاولي لن ينسي في تاريخهم"

#

Address

Alexandria

Website

Alerts

Be the first to know and let us send you an email when Bra Elsandok _ برا الصندوق posts news and promotions. Your email address will not be used for any other purpose, and you can unsubscribe at any time.

Shortcuts

Share

Category