Active Clubs

لما يقفشونا في التمرين فاتحين بعد الساعة ٩
😂😂🫣

_وأنت مسجل المدرب coach ولا captain

=لأ أنا مسميه أبو لهـ،ـب اللى بيجيب الدهب 😂😂😂😂

بوست النهارده عن سماسيمو ♥️🫂
البوست متاخر شويه بس كان لازم ينزل
عن ميداليه فضة حقيقي اغلى من الدهب ♥️😍
في ناس بتلعب عشان تكسب، وفي أبطال بيلعبوا عشان يثبتوا إن مفيش حاجة في الدنيا تقدر تكسرهم.. وبطلتنا النهاردة عملت المستحيل! 🥈✨
​قبل البطولة بيوم واحد، حصل اصابة و بعد الكشف
عرفنا إن عندها "شرخ" في رجلها 🦴⚠️
وكان القرار إنها مش هتقدر تسافر و لحد تاني يوم قبل السفر بساعتين بنحاول نشوف هتسافر ولا لا...
و كان راي والدتها انه لا واتصلت بيا الصبح قولتلها هي عايزه ايه لو تعبانه ولو ١٪ بلاااش
، لكن هي كان عندها رأي تاني خالص.. صممت وقالت: "أنا هربطها وهحط بنج وهنزل ألعب و ان شاء الله خير " 🩹.
​وفعلاً، رغم الألم ورغم إنها بتنافس في مرحلة سنية صعبة ( جمباز أيروبيك مرحلة تحت 12 ) 🤸‍♀️ وسط مشاركات قوية جداً، قدرت بفضل الله وبإصرارها إنها تحقق ميدالية فضة (مركز تاني) 🥈
​لولا الإصابة دي كان أكيد ترتيبها اختلف والدهب كان بقى من نصيبها كالعادة 🥇 زي بطولات فاتت ، بس الميدالية دي بالذات غالية وليها طعم مختلف لأنها جات بـ "عزيمة" وتحدي كبير للوجع 💪🔥.
بعد رجوعها من السفر وهي قاعده شهور ف الجبس😥💔
​نسأل الله العفو والعافية عنها 🤲، وترجع تنورنا قريب في التمرين وهي في كامل صحتها وبأحسن حال ❤️.