Yoga Diet

فيه جملة بتقول :
Healing is about not letting those who hurt you find you where they left you .
التعافي هو إلا تسمح لمن تسببوا في إيذاءك ان يجدوك حيث تركوك.

. بالرغم من حماسية الجملة و انها بتتكلم عن فكرة ان الانسان ميفضلش مشلول و يكمل في حياته و يتقدم ، بس في وجهة نظري التعافي الحقيقي هو لما الانسان يستوعب اهم درس في حياته و هو انه بيعمل اي حاجة عشان نفسه و لنفسه ! .. ففكره ان الانسان يتقدم او يحسن مستوي حياته عشان يثبت حاجة لحد او ينقل رسالة لشخص ما انه قوي ، ده اكبر دليل انه لسه محبوس في ماضي ما مش قادر يتعافي منه ..

فالتعافي الحقيقي هو ان الانسان يتحرر من هوس الماضي .. انه يتخطي ذكريات بتاكل من طاقته و وقته .. انه يتصالح مع نفسه و ضعفاته .. انه يقدر يعيد ثقته بحقيقته و امكانياته بغض النظر عن نظرات او ادراكات الغير ... انه يبقي زي القطر ماشي بخطوات واضحة و واعي تماما هو عاوز يوصل لايه و عشان ايه ..

في النهاية فيه مقولة منسوبة لـ ألبير كامو بتقول :

هُناك أشخاصٌ يجِب ألّا نمنحهُم أكبَر مِن حجمِهمْ كيْ لا نخسر الكثِير مِن حجمِنا ..

في ناس عندها القدرة تشتري منتجات دقيق سيمولينا عادي زي المكرونة مثلاً وللأسف بتشتري النوع العادي عشان معندهاش وعي كافي، فانا بس حابب أوضح الآتي:

مكرونة السيمولينا مش مجرد اختيار “أغلى شوية”، لكن هي فعلاً أفضل من ناحية القيمة الغذائية والجودة. دقيق السيمولينا بيكون غني بالبروتين مقارنة بالدقيق الأبيض العادي.

كمان السيمولينا بيتميز إنه بيتهضم بشكل أبطأ، وده بسبب طبيعة القمح الصلب (Durum wheat) وتركيبته، وده بيخلي مستوى السكر في الدم أكثر استقرار.د، وبيكون افضل للصحة العامة ولمرضى السكر(مع التحفظ لمرضى السكر طبعا).

من ناحية القوام، مكرونة السيمولينا بتكون متماسكة ومش بتتعجن بسهولة أثناء السلق، وبتدي إحساس أفضل في الأكل زي المكرونة الإيطالي الأصلية، وده فرق واضح جداً في الطعم والتجربة بشكل عام.

غير كده، السيمولينا بيحتفظ بالعناصر الغذائية بشكل أفضل، خصوصاً لو المنتج جودته كويسة، وده بيخلي كل وجبة ليها قيمة حقيقية مش مجرد سعرات وخلاص.

طيب تعرف إزاي المكرونة أو الشعرية من دقيق سيمولينا؟
ببساطة بص على العبوة وهتلاقي مكتوب:
"سيمولينا قمح الديورم"
او
"سميد قمح الديورم"
"Durum wheat semolina"
وأحيانًا بيكون مكتوب "100% Semolina"

لو مش مكتوب الكلام ده، غالباً المنتج معمول من دقيق أبيض عادي، لان دي نقطة بتوضح فرق السعر والجودة وغالبا لازم تتكتب.
طبعا السعر اعلى شوية من منتجات الدقيق العادي لكن لأجل صحتك يستحق طبعا.

باختصار: لما تختار مكرونة السيمولينا، انت بتختار جودة أعلى، هضم أبطأ، شبع أطول، وطعم وقوام أحسن… فرق بسيط في السعر، لكن تأثيره كبير على صحتك.

مفيش نوع معين هيتم ذكره عشان دا مش دعاية
دا هدفه صحتك

بيقولك Privacy Is Power
يعني الخصوصية قوة.. ليه بقى؟

قالك People Cant Ruin What They Dont Know
يعني الناس مش هتحاول تبوظ حاجة هما أساسًا مش عارفينها.

10 نصائح اتعلمتهم وفادوني جدا جدا

١- لو مشحنتش موبايلك قبل ما تنام، هتندم تاني يوم طول اليوم لانه هيفضل يفصل.

٢- لو انت مدمن قهوة.. بعد ما تخلص شرب فنجان القهوة بتاعك متسيبهوش ف اوضتك، وروح اغسله.
طول ما الاوضة ريحتها قهوة هتشرب تاني وتالت.

٣- لما تقوم من علي الاكل ~ بتشبع.
فلو عايز تقلل اكلك قوم متطولش ف القعدة.

٤- الشاور قادر يطلعك من اي mood وحش.. فلما تحس ببوادر مشاعر سلبية، قوم خد شاور.

٥- الاهتمام الزائد بأي حاجة بيبوظها، زي مثلا:
الاهتمام الزائد بعلاقتك مع حد ييخليه يزهق
الاهتمام الزائد ببشرتك بيخليها تبوظ اكتر.
الاهتمام الزائد بالضوافر بيكسرها.
الاهتمام الزائد بمستقبلك بيضيع الحاضر بتاعك.

٦- لو مخططتش ليومك بكرة من باليل او اول ما تصحي .. اعرف انه ضاع من قبل ما يبتدي.

٧- (اي حاجة بتجيب اي حاجة)
يعني اي؟
يعني مثلا:
الانجاز بيجيب انجاز
الكسل بيجيب كسل
التوتر بيجيب توتر
النجاح بيجيب نجاح
النوم بيجيب نوم
وهكذا..

٨- لما تركز ف حاجة واحدة بس بتفشل فيها.
زي مثلا لو انت طالب وقررت تركز ف المذاكرة وبس وتنعزل عن السوشيال وتمتنع عن القراءة وعن صحابك.
مش هتذاكر اصلا.
خلي يومك فيه كذا اوبشن..
وقتها هتنجز ف الحاجة الاساسية.
زي مثلا:
- القراءة اليومية
- حفظ القران الكريم
- تكلم حد من صحابك او عيلتك
- تهتم بنفسك، وبالمكان المحيط بيك.
- تاخد بريكات حلوة ومكافآت
- تتمرن و تلعب يوجا لمدة 10 دقائق

٩- النوم مش ضغطة زرار.
في حاجة اسمها "التمهيد"
ودي عن طريق تكوين روتين قبل النوم بسيط وسلس، ولكنك لما بتتقنه، بتنام تلقائي.
زي مثلا:
- هشوف عملت اي النهاردة واكتب يومياتي
- هقفل الداتا بتاعت النت واظبط المنبه واسيب الموبايل بعيد عشان اصحي اول ما يرن.
- هغسل سناني واتوضي واصلي
- هشرب كوباية ماية
- هقرأ ف الكتاب الورقي اللي سايبه علي السرير لغاية ما اروح ف النوم.

بعد كده، مجرد ما تبدأ السلسلة المترابطة دي.. مخك بيهيأ نفسه للنوم، ومجرد ما توصل لاخر خطوة وهي القراءة، هتلاقي نفسك روحت ف نوم عميق جدا من غير over thinking.

١٠- اللي بتعمله مع الناس بيتردلك بشكل او بآخر.
هتساعد حد هتلاقي اللي يساعدك.
هتسمع حد وقت حزنه هتلاقي اللي يسمعك.
هتشجع حد هتلاقي اللي يشجعك.
هتدعي لحد هتلاقي اللي بيدعيلك.
اينعم مش لازم الاحسان يجيلك من الشخص اللي احسنت اليه.. ولكن اكيد اكيد هتلاقي الاحسان حتي لو من حد تاني.
(اعمل الخير وارمي البحر)

لا يا استاذ أنت مش ADHD عشان بتفرك كتير...
ولا انت برضة borderline personality عشان بتخاف من العلاقات وان حد يسيبك...
ولا برضة يا استاذ أنت مش bipolar عشان مزاجك بيتغير كل شوية...
يا استاذة انتي مش عشان خطيب مقالش صباح الخير يبقي نرجسي...
يا ابني افهمني انت معندكش social phobia عشان مش بتحب تقعد مع الناس...
مش لازم يبقي عندك depression عشان مزاجك وحش طول اليوم انت تمام...
ياجدع أنت antisocial ايه بس عشان مدفعتش أجرة الميكروباص لا طبعا...

الإضطرابات النفسية مكانها في العيادة

و الوحيدين المسموح باستخدام مصطلحات الطب النفسي المعالج او الطبيب النفسي فقط...
الاضطرابات النفسية مش موضة ، ولا المنظرة ، ولا جلب التعاطف ، ولا عشان تعرف نفسك بيها ، ولا روشنة ...
دي اضطرابات بتسبب معاناة وتؤثر علي حياة صاحبها ويتكون محتاجة علاج...
إستخدام مصطلحات مهمة زي دي بتحولها لشئ فاقد قيمته وعادي وهي مش حاجة عادية...

فهمت 🩵

انت مش بائس اكتر من واحد بيشرب مياه بنمل

✨ كان نفسي أقولكم ان ده وضع طبيعي بعد صيام رمضان
بس للأسف لا.. مع اننا فى صيف كمان بس المشكلة فى جودة كل حاجة بناكلها حالياً.. مافيش منتج سواء اكل او شرب طبيعي.. كلها بدائل

بجد حاولوا متاكلوش اي حاجة مصنعة بره البيت ولا فاست فود.. كمية الزيوت و السكر هاتزود الجوع اكتر بسبب انعدام الجودة.. بقالنا سنتين او اكتر الناس بقت بتفرح بإنتهاء رمضان بس الضغط و الجوع المستمر و مع انتهاء رمضان بقينا بناكل كتير مع اننا كنا بنتدرب على الصيام

✨ السبب التاني هو إن سوق الفاست فود بقى كبير اوي
كل الناس بتستثمر فلوسها فى الأكل و المطاعم عشان هي اللي بتكسب او هما ماشافوش نماذج مشاريع افضل

السوشيال ميديا كلها فيديوهات مطاعم و فودبلوجر بياكلو بشراهة و بسلوك غير ادمي و اقل واحد فيهم ممكن يطلب و ياكل المنيو كله لغاية ما حسينا انه طبيعي

مخنا بقى متحاوط بالصور و الفيديوهات دي طول الوقت و ده بيحفز إحساس الجوع دايماً

حد واخد باله ان الفترة دي بنحس فيها بجوع اكتر من الأول و دايماً فيه شراهة للسكر؟ حتى الناس اللي مظبطة أكلها بدأت تحس ان شعور الجوع بقى اكتر من الأول؟

Before you fall asleep, hit the strawberry.

🍓

مين يحب يجي يقضي يوم بسيط و سط الطبيعة معانا ؟

مين يحب يشاركنا اليوم ده ؟