Coach Nada Mahmoud

✨️في البدايات:

الشخص بيكون غالبًا في أفضل نسخة منه: متحمس، مشتاق، بيبادر، وعايز يكسبك.

الكلام سهل جدًا: "أنا عمري ما هسيبك"، "أنتِ مختلفة"، "أنا عايزك في حياتي"… لكن الحقيقة بتظهر لما تحصل مسؤولية، خلاف، ضغط، أو اختلاف احتياجات.

أحيانًا الشخص نفسه يكون صادق جدًا في اللحظة، لكن مش قادر يحافظ على نفس المشاعر أو السلوك مع الوقت.

وإحنا كمان في البداية بنشوف الشخص من خلال الانبهار والأمل، فممكن نملأ الفراغات بصورة مثالية عنه.

✨️ والأهم: الاهتمام لا يساوي الأمان. ممكن حد يكون شديد الاهتمام بيكي في البداية، لكنه غير قادر على الاستمرارية أو التواصل الصحي.
الأصح مش إنك تقولي:
"أنا مش هصدق حد في البداية."

لكن:
"هستمتع بالاهتمام، وهصدق الأفعال المتكررة مع الوقت."
يعني بدل ما تسألي:
"هو بيحبني قد إيه؟"
راقبي:
هل كلامه متوافق مع أفعاله؟
هل ثابت ولا متقلب؟
هل بيحترم حدودي؟
هل موجود وقت الاختلاف زي وقت الانبهار؟
هل أقدر أكون نفسي معاه؟
هل اهتمامه بيزيد مع المعرفة الحقيقية بيا ولا يقل؟
لأن البداية بتكشف الانجذاب، لكن الاستمرارية بتكشف الشخصية.

وأجمل قاعدة هنا:
ما تحكميش على العلاقة من أعلى نقطة فيها؛ احكمي عليها من طريقة الشخص في التعامل لما الحماس الأول يهدأ.

قبل ما تفكر انك لو سبت البيت مشاكلك هتخلص 🤝

الطريقه اللي بنكلم بيها نفسنا بتفرق في كل حاجه ...

في الطريقه اللي بنشوف بيها المواقف الصعبه ،، في الابتلاءات او الظروف اللي بنحاول نتحملها رغم انها مرهقه ورغم اننا بنكون تعبنا ومش قاردين ،،

في الوقت ده بفضل أقول لنفسي " أكيد في حكمه ، أكيد في سبب ، في حاجه انا لسه بجهز لها عشان أعدي بالضغط ده او بالموقف ده "

المهم وسط كل ده " الصوت اللي جوايا يبقى رحيم " عشان مش هيبقى برا وجوا 🙃🙂

Green Flags ♥️

نعرف الراجل الآمن إزاي ؟

اكتبولي في الكومنتات شايفين ايه كمان ؟🤝

خلى بالك من الطريقه اللي بتتكلم بيها عن نفسك مع نفسك
او قدام الناس
حافظ على طاقتك من البؤس 🙂 متتكلمش فيه كتير 🤝