El Red M

رحلة جديدة، اهداف جديدة
رسميآ: كاريك مدربآ لمانشستر يونايتد لموسمين.

انتهى الجدل رسمياً : كاريك مديراً فنياً دايماً لمانشستر يونايتد لمدة موسمين مع خيار التمديد لموسم اضافي.

إقالة روسنيور مسألة وقت.......⌛

ليه أنشيلوتي وزيدان معاهم القاب شامبيونز ليج اكتر من #بيب و #كلوب و #فليك ؟
رغم ان التلاتة ارقامهم الهجومية اعلى بكتييييير من السابقين، ورغم ان وقت ما كان التلاتة معاهم تشكيلة تكاد تكون تشكيلة الأحلام ؟

لو عندك استعداد تقرأ كتير خد نفس وكوباية الشاي وتعالا اخدك فى رحلة قصيرة هنلف فيها لفة حلوة تجاوب على اسئلتنا.
---------------------------------------------------

فى اخر 10 سنين تحديداً من 2016 📆
⭐️الريال حقق اللقب 5 مرات
⭐️ ليفربول - تشيلسي - السيتي - بايرن - باريس لقب لكل واحد منهم

5 القاب الريال كانت مع ( زيدان - انشيلوتي ) مجموع اهداف 153 بنسبة 27 هدف للبطولة الواحدة
ليفربول ( كلوب ) مجموع الأهداف فى البطولة 24 هدف
تشيلسى ( توخيل ) مجموع الأهداف فى البطولة 23 هدف
السيتي ( جواردويلا ) مجموع الأهداف فى البطولة 32 هدف
بايرن ( هانز فليك ) مجموع الأهداف فى البطولة 43 هدف
باريس ( لويس إنريكي ) مجموع الأهداف فى البطولة 40 هدف

بص ثواني على الأرقام دي وقولي شايف منها ايه ؟
انا هقولك شايف منها ايه، شايف نوعين من المدربين.

نوع عنده استمرارية ........ نوع عنده انجاز مرحلة

انشيلوتي اتفقت او اختلفت معاه فى نمط لعبه قدر يحقق الإستمرارية
زيدان نفس الفكرة

جوارديولا - كلوب - هانز فليك رغم انهم من توب المدربين فى العالم
الا انهم على المستوى الأوروبي فاقدين للإستمرارية

هتلاقى كلوب اتأهل ل2 نهائي قصاد الريال ولعب بنفس الأسلوب وخسرهم
هتلاقي السيتى بيتأهل لنص النهائي اكتر من مرة بس بيفشل انه يوصل للنهائى اكتر من مرة
هتلاقي هانز فليك حتى الان مش عارف يوصل ببرشلونة للنهائي

اعتقد ان التغيير المستمر فى فلسفات التدريب والمرونة فى التكتيك هي دي المدرسة اللي هتسود الفترة الجاية فى كرة القدم

والمدرب اللي بيعتمد على طريقة لعب واحدة هيندثر بمرور الوقت
لأن التجربة بتثبت ان مش كفاية تكون قوى محلياً فقط عشان تبقى مدرب قوى وليك أسم فى عالم كرة القدم ....

بس ياسيدي خلصت هنا رحلتنا القصيرة
متنسانيش من اللايك والشير
وتشترك على قناتي على اليوتيوب : https://www.youtube.com/channel/UCjrKLry7etXUXzU3iW_PsTQ

يعني تأثير فعلي ؟
يعني مدير فني يجي مؤقت.
بتشكيلة متدخلش فى انتدابها نهائياً
مطلوب منه ياخد الفرقة ويعيدلها توازنها من اول وجديد
اقوى عناصر فى التشكيلة خرجت وفي اخبار قوية عن خروج اخرين.
==============================
بعد 31 جولة بريميرليج ........ وبعد 11 ماتش تحت قيادته
الفوز على المتصدر والفوز على الوصيف
الفوز فى 9 ماتشات
23 هدف
رجوع شخصية الفرقة
اقتراب التأهل لدوري الأبطال
المركز الثالث فى ترتيب الدوري
تأثير #كاريك وقتي وفعلي هل يستحق عقد جديد ؟

مايكل اوليفر حكماً لمباراه مانشستر يونايتد وتوتنهام فى الدوري !!
فى إنتظارنا مباراه كثيرة الجدل تحكيمياً 😁

احصائية تانية لموسم اليونايتد المتخبط😁 :
- اكتر نادي تم اختيار منه افضل لاعب فى الجولة حتى الأن 9 مرات.
- 6 لاعبين مختلفين فازوا بالجائزة كأكتر نادي يقدم لعيبة للجائزة
( 2 مدافعين - 2 لاعيبة خط وسط - 2 مهاجمين )
- اكتر لاعب فاز بالجائزة حتى الأن فى الدوري كله مانشستراوي
برونو فيرنانديز 3 مرات
باتريك دورجو مرتين
مبيمو 1
سيسكو 1
كاسميرو 1
مجواير 1

بنسبة كبيرة لاعب الشهر لن يخرج من مانشستر يونايتد عشان يكون كمان تاني لاعب شهر يتم اختياره من اليونايتد بعد مبيمو .........💪