ملك الترسو

ما تحن بقي يا نجم و بطّل قسوة،،
الناس شارية و مستحملة،،
اقولك، اتقل علي راحتك، خدلك سنة أجازة و ارجع، هيستنوك صدقني،،

4 شهور في ال PREMIER LEAGUE ما سجلش و لا هدف,,
مالك يا حاج ,,
هي متقفله في وشك كده ليه؟؟

صفقات هجومية.. كيف يستعد طرابزون سبور لتقديم الدعم لمحمد صلاح,,

-فرانكولينو دجو، مهاجم ميدتييلاند الدنماركي، ضمن أبرز الصفقات الجديدة التي أبرمها طرابزون سبور
-كما تعاقد طرابزون سبور مع آرال شيمشير قادمًا من ميتييلاند مقابل ما يقرب من 13 إلى 15 مليون يورو وفقًا للتقارير
-الجناح الأيسر نواه سافيولو، قادمًا من فيتوريا جيماريش البرتغالي مقابل نحو 11.5 مليون يورو
-علي هابيش أوغلو قادمًا من بودروم مقابل نحو 1.65 مليون يورو.
-وأكمل طرابزون سبور تدعيماته الهجومية بالتعاقد مع ميتهان ميمار أوغلو في صفقة انتقال حر

شوبير: مفاوضات تجديد عقدي كانت مريحة.. ولا أستطع فرض شروط على الأهلي,,
وأعلن النادي الأهلي، في وقت سابق، تجديد عقد شوبير حتى 2029.

وقال شوبير في تصريحات عبر موقع ناديه الرسمي: "شعور جيد للغاية أن تكمل مسيرتك في بيتك، منذ تواجدي في قطاع الناشئين وأنا هدفي الوصول للفريق الأول"

صداع يفرتكلك دماغك يا اخي
😡😡😡

سؤال بيطرح نفسه,,
ليه مستوي الاهلي وحش لحد دلوقتي؟؟
ليه رغم الدعم الكبير من الادارة بتعاقدات كويسة و استقدام مدرب علي مستوي فني كبير لا زال الاداء علي غير المطلوب تماما؟؟
ياريت تفيدونا بآرائكم,,
رأي جمهور الاهلي في مشاكل فنية كتير المواسم اللي فاتت ثبت بالتجربه و مع مرور الوقت انه الراي الصحيح رغم عِندْ الادراة في بعض الملفات,,

تلكس إلي:

🚨🚨🚨🚨
-ياسر إبراهيم: انت ياسر قلب الأسد، تستاهل تُقلك دهبك، عملت الحسنة الوحيدة فماتش النهاردة، جون بتلت نقط

—حسين عموته: مش ممكن ماتش متقفل ذي ده و تأخر التغيير لحد الدقيقة ٦٧، لا زال الآداء تحت المتوسط، التشكيل لا زال فيه أخطاء، فيه لاعيبة لازم تتركن شوية، مافيش ربط بين الخطوط، بطء شديد في نقل الكرة، بطء شديد في نقل الهجمة من الدفاع للهجوم، ما تزعلش مني خمس ماتشات كمان و هاقول محتاجين مدير فني أجنبي،

-منصف بقرار: آداء رائع رغم الوقت الضيق اللي بتلعب فيه،
كل لمسة فيها ريحة خطورة، سيطرة جيدة علي الكرة، مراوغات ناجحة، تقريباً الوحيد اللي بيعدي من لاعب وان تو وان مع بنشرقي،

-عمرو الجزار: آداء جيد جداً بيعلي من ماتش للتاني، أفضل لاعيب فالفرقة فالشوط الأول،

-سفيان بنجديدة: فانتظار الهدف الأول يا صاحب ال ٢،٥ مليون دولار،

—إمام عاشور: بيتهيألي وجودك أصبح أساسي و مافيش لاعيب ممكن يعوض غيابك، خط النص عندنا بيشكو الي الله ظلم اللاعبين

-أفشه: باحسك مستأنس كده و ما عندكش شراسة هجومية، شد حيلك شوية، دي ماتشات رسمية مش حِبّية،،

-حسين الشحات: باحس نزولك ممكن يفرق كتير عن لاعيبة تانية، لكن نقول ايه، وجهات نظر،

قلب الأسد يا ياسر و الله🌹🌹🌹
خد قلبي يابني
تستاهل ١٠٠ مليون مش ٣٠
🔥🔥🔥🔥🔥🔥🔥🔥

و في الليلة الظلماء يُفتقد البدر

الجينات الزملكاوية تقبل كده🥹
دي ميزة إنك تكون لاعب في الزمالك،،
الحمد لله علي نعمة الأهلي،،