18/01/2026
إدارة نادي أسوان،
سنين من الوعود، ومفيش غير تراجع،
وسنين من الكلام، ومفيش غير تخبط.
قرارات بدون رؤية،
وتغيير بدون خطة،
والنتيجة دايمًا واحدة: النادي هو اللي بيدفع التمن.
الجمهور عارف كل اللي بيحصل في النادي،
عارف مصادر العبث،
وشايف التخبط والقرارات اللي بتطلع من غير حساب.
ونحب نفكر جد شرقكم:
الجمهور مش نايم،
ولا ناسي،
ولا هيزهق.
الجمهور هيفضل وراكم،
وراء كل قرار غلط،
وكل إهمال،
وكل محاولة لتجميل الفشل…
لحد ما تمشوا.
وهتمشوا يعني هتمشوا.
نادي أسوان مش حقل تجارب،
ولا عزبة حد،
ولا وسيلة لمصالح شخصية.
النادي أكبر من أي إدارة،
وأكبر من أي كرسي،
واللي مش قد المسؤولية
يسيبها ويمشي.
16/01/2026