الكويرة Al-Kowayra

تعالي نحط كل المشاعر السلبيه علي جنب

احنا باللي عملناه ده شيئ يستحق أننا نبني عليه ، مينفعش نرجع عن المستوي دا تاني

المفروض الفتره الجايه يتم دراسه انك تنزل اعمار اللعيبه المنضمه للمنتخب ، لان خلاص اغلب اللعيبه اللي معاك هتعدي ال 30 كاس العالم الجاي ولازم تقدر خلال الفتره دي تخرج مواهب جديده

الاتحاد حاليا داخلاله ميزانيه حوالي 27 مليون دولار ودي تقدر تستفيد منها في انك تعمل اكاديميه وطنيه وتهيئ كوادر اداريه وتعرف من خلالها تخرج لاعيبه علي اعلي مستوي وكمان ارضيه الملاعب لازم تبقي كويسه و انديه الشركات مينفعش يكون ملعبها اكتر من 5000 آلاف متفرج

يعني من تخلي الاهلي والزمالك وابنك الأهلي وسراميكا كلهم يلعبوا في استاد القاهره

المفروض انك تستفيد من أن عندك لاعب اسمه زيكو كان مغمور ف الدوري وبقي نجم عالمي

اخيرا ، حط كل واحد مكانه هتلاقي كل حاجه تمشي صح

ما أنا مش فاهم السبب ف أن الاداره تعمل كدا

انت لو تم اختيارك هتنسحب برضو زي ماتش الزمالك ؟

فانت لو فزت بالبطوله ليك مبلغ مالي أنت أحق انك تاخده ولو انسحبت انت بتضيع مال النادي

انتظرونا 🔥

#فيفا

مانشستر يونايتد عنده احتماليه كبيره السنه دي يكون ف التوب 5 بس الفريق عنده مشكله واضحه ف وسط الملعب ومحتاج لاعب كويس وعنده قدره عاليه علي افتكاك الكره بيجمع بين القوه وخلق الفرص ودي مواصفات ف لاعب زي كاسادو ممكن تدفع فيه 30 أو 40 مليون ف ظل ازمه برشلونه الحاليه وهيدهولك وكدا كدا 30 مليون دي شويه فكه بالنسبه للي كان بيصرفه اليونايتد

# # # مباريات دور ال 16 بكأس العالم للأندية # # #

1️⃣ بالميراس × بوتافوجو - السبت 28 يونيو (7 مساء)

2️⃣ بنفيكا × تشيلسي - السبت 28 يونيو (11 مساء)

3️⃣ باريس سان جيرمان × إنتر ميامي - الأحد 29 يونيو (7 مساء)

4️⃣ فلامنجو × بايرن ميونيخ - الأحد 29 يونيو (11 مساء)

5️⃣ إنتر × فلومينسي - الاثنين 30 يونيو (10 مساء)

6️⃣ مانشستر سيتي × الهلال - الثلاثاء 1 يوليو (4 فجرا)

7️⃣ ريال مدريد × يوفنتوس - الثلاثاء 1 يوليو (10 مساء)

8️⃣ بوروسيا دورتموند × مونتيري - الأربعاء 2 يوليو (4 فجرا)

#امريكا

🎙️ الكوِّيرة – أول صوت كروي من الشباب ليكم

🗓️ المباراة: الأهلي المصري 🇪🇬 × بورتو البرتغالي 🇵🇹
🏟️ الملعب: ميتلايف– إيست راذرفورد، نيو جيرسي
🕓 التوقيت: الساعة 4:00 فجراً بتوقيت القاهرة
📆 التاريخ: الثلاثاء 24 يونيو 2025
🌍 البطولة: كأس العالم للأندية – المجموعة A

رغم إن الأهلي بيقدّم أداء "يسد النفس" ومفيش روح من الفرقة كلها ولا مهارات ولا فنيات من النجوم والمليونيرات… لكن لسه الأمل موجود في التأهل.

بس يا جماعة، دلوقتي مش التأهل هو الغاية ولا أننا نكسب الماتش…
المفروض اللاعيبة تدخل تلعب ماتش كويس، بروح، وبفنيات…
وفنيات مش من المدرب لانه بالمنظر ده احنا مش معانا مدرب فعلا

وقبل كل شيء

📿 لو هتسهر تستنى الماتش او هتنام و تصحى ، متنساش صلاة الفجر
صلاة الفجر أهم من أي ماتش في الدنيا، والمداومة عليها

🔴 التشكيلة الأقرب للأهلي:

🧤 الشناوي

🛡️ محمد هاني – بيكهام – ياسر إبراهيم – يحيى عطية الله

⚙️ ديانج – حمدي فتحي – بن رمضان

🎯 بن شرقي – وسام أبو علي – تريزيجيه

ده توقع ولكن
🎯 ملاحظات مهمة:

مفيش بديل حقيقي لهاني دلوقتي.

الأفضل: تريزيجيه يلعب 8 بدل حمدي، وديانج يرجع 6.

كده عندك وسط قوي فيه تريزيجيه + بن رمضان + ديانج.

الهجوم المثالي: زيزو – وسام – بن شرقي، وكل واحد على عدلته.

📌 في النهاية:
لو مش هتكسب… العب برجولة
سامع يا محمد هاني

شايف لعيبه الكوره ي بني ادم ، مدرب بتاعنا داخل يلعب علي تحول هجومي ومش عامل حساب أنه ممكن يدخل فيه هدف

2/0 ولسه

🎙️ الكوِّيرة – أول صوت كروي من الشباب ليكم.

🟥🆚🟢 | الأهلي المصري × بالميراس البرازيلي
🏆 كأس العالم للأندية 2025 – الجولة الثانية
📅 الخميس 19 يونيو 2025
🕖 7:00 مساءً بتوقيت القاهرة
🏟️ ملعب ميتلايف – نيوجيرسي
🌍 المجموعة الأولى
---
🔴 التشكيلة الأقرب للأهلي مع ريبييرو:

محمد الشناوي

محمد هاني – أشرف داري – ياسر إبراهيم – مصطفى العش

مروان عطية – أليو ديانج – محمد علي بن رمضان

زيزو – وسام أبو علي – تريزيجيه

🛑 الأهلي هيلعب بتحفّظ أكتر، والمبدأ واضح:

1. الأهلي مش لازم يكسب، بس الأهم ما يخسرش.

2. بالميراس لازم يكسب، وده هيخليه يفتح الخطوط أكتر.

⚡ الأهلي هيلعب على المرتدة، معتمدًا على مهارة وسرعة تريزيجيه، وسرعة زيزو ووسام.

❌ الغيابات: كوكا وطاهر للإصابة.
👟 مصطفى العش الأقرب يلعب مكان كوكا.

🔁 سبب تفضيل ديانج إنه مش رقم 6 دفاعي بحت، لكن محتاجينه في التحول السريع من الدفاع للهجوم والعكس، وكمان قوته البدنية مهمة.
💡 عشان كده لازم يلعب في مركز 8 جنب بن رمضان، ويبقى مروان هو رقم 6 الدفاعي، خاصة بعد أداءه الجيد ضد إنتر ميامي.

⚠️ نقاط ضعف الأهلي:

مصطفى العش لسه قليل خبرة على المستوى العالي، ودي نقطة ممكن بالميراس يستغلها.

ياسر إبراهيم وأشرف داري تحت ضغط السرعة والضغط العالي بيغلطوا، خاصة في التمركز.

محمد هاني أوقات بيسيب مساحات وراه في التحولات، وده خطر قدام أطراف بالميراس.

خط الدفاع عمومًا لو اتساب من غير تغطية من وسط الملعب، بيبان فيه البطء في الارتداد.