Abdelrahman Salama - عبدالرحمن سلامه

ما تيجي احكيلك قصة حد بيحاول يكافح وبيفكر يستفيد من الامكانيات اللي معاه وخد القرار انه ينزل و يشتغل و يحسن من دخله 💰🙂
الموضوع جه وانا ماشي بالعجلة على ممشى اهل مصر و لاقيت عجله منوره و عليها يافطة فقولت اروح اشوف الدنيا فيها ايه لاقيت صاحب المشروع ده بنت فإستأذنتها إني اصورها و انزل حكايتها ويمكن انا وانت نكون سبب في باب رزق لحد 🙂💪🏼

يلااا نساعد بعض ❤️

بداية القصة من عجلة من الوزارة المجانية تحت مبادرة "دراجتك دخلك" عشان تاخدها وتبدأ تشتغل ويبقى ليك دخل خاص، وبعد إجراءات وسيشن مجاني بردو بيقدمو عن إدارة المشاريع الصغيرة.. بستلمها وببدأ أفكر ممكن أعمل بيها اي؟

لقيت الحلويات فكرة مناسبة لكورنيش النيل لكل الحبيبة والعائلات والي راجع من الجامعه وخاصة حبايبنا الرياضيين راكبين الدراجات والسكيت

ومن هنا جيت أحلي بوقك بـ البان كيك، حلوى أشبه للقطايف الكبيرة زي ما البعض بيفتكر😂 لكنها علميًا زي الكيكه الخفيفة بتتعمل من دقيق وبيض وزبدة وسكر وفانيليا وبكينج بودر مع اختلاف شكلها المميز الدائري والسمك

ومن وقتها وهتلاقيني على كورنيش التحرير في وش ماسبيرو وفندق رمسيس هيلتون ببقا رايحه جاية🚲

لكني خلال رمضان نازلة بـ حلوى جديدة معايا وشكل جديد
مستنياكم في نفس المكان.. 👀😋

حبيبنا عم الشباب و الرياضة ❤️🚴
صباح الفل عليك
AbdelFattah Elsisi - عبد الفتاح السيسي

Success is not final; failure is not fatal: It is the courage to continue that counts.