Khaled Yasser

ليه ناس بتسيب اشخاص بتحبهم فعلا ؟!

فرق كبير بين التعلق و الحب !!

النضج مش بالسن… النضج إنك تبقى واعي بنفسك، فاهم مشاعرك، ومستعد تشتغل على نفسك علشان العلاقة تكبر وتنجح.

العلاقة الصحية مش محتاجة حد كامل…
محتاجة حد مسؤول ❤️

انت فعلا مع الشخص الصح ؟

مش اى علاقة بتكمل .. دى ٥ قواعد لعلاقة صحية 🩵

احتفلوا بعيد الحب في البيت ،
راعوا مشاعر الأسعار برّه …

"حاسس إني محفظة فلوس… مش بني آدم"
في رجالة كتير مش قادرة تقول الجملة دي بصوت عالي:

بيبتدي الموضوع من قبل الجواز:
ادفع شبكة، وقايمة، وفرش، وفرح، وشهر عسل…
وبعد الجواز: إيجار / قسط، مدارس، مصاريف، طلبات…
ومفيش مشكلة في ده…
المشكلة بتبدأ لما تحس إن وجودك اتلخّص في الفلوس بس.

❌ لما حد يفتكرك في البيت بس وقت:
– "إحنا محتاجين كذا"
– "إلحق الكهربا قبل ما تقطع"
– "صاحبتى فلانة جوزها جاب لها مش عارف ايه !!"

❌ لما أي تقصير صغير يتحوّل لحُكم عليك كأنك فاشل:
– "هو أنت مش راجل ولا ايه؟"
– "فلانة عايشة أحسن مني ليه؟"

❌ ولما تتعب، أو تزهق، أو تتهز، وتقول:
"أنا مضغوط"
تسمع ردود من نوع:
"كلنا مضغوطين… قوم اشتغل بس."

هنا بتحس إنك:
مسؤول عن الكل…
بس محدش مسؤول عنك.

خد بالك…
المشكلة مش إنك بتصرف.
ده جزء من رجولتك ومسؤوليتك.
المشكلة إن:
– مفيش تقدير لمجهودك
– مفيش حوار عن حدودك
– مفيش شراكة حقيقية في حمل البيت

في فرق كبير بين:
✅ إنك راجل مسؤول: بتسعى، وبتتعب، وبتعمل اللي تقدر عليه.
و
❌ إنك ماكينة فلوس: مطلوب تدفع فلوس وبس، من غير تقدير، ومن غير مراعاة لطاقة ولا لصحة.

لو إنت راجل وحاسس إنك بقيت "محفظة":
1️⃣ اسأل نفسك: أنا وافقت من الأول على مستوى مصاريف فوق طاقتي عشان أرضي مين؟
2️⃣ إبدأ اتكلم بهدوء عن حدودك:
"أقدر على كذا… ومش هقدر على كذا، من غير ما احس انى جبت اخرى"
3️⃣ افتكر إنك مش غلطان لما تقول: أنا محتاج تقدير ودعم، مش مجرد فلوس بس اللي مطلوبه مني.

ولو انتى ست ووصلك البوست ده:
أكتر حاجة بتكبّر الراجل مش المقارنات…
أكتر حاجة بتكبّره كلمة:
"أنا شايفه تعبك… ومقدّراه حتى لو لسه موصلناش لكل اللي بنحلم بيه."

اكتبلي في الكومنت:
حاسس نفسك "مسؤول" ولا "محفظة"؟
وإيه أكتر حاجة تعبّاك في حتة الفلوس دي دلوقتي؟

الثبات قوة.. حتى لو محدش شايفها

كل رحلة ليها نهاية علشان تبدأ بداية جديدة و هنفضل طول عمرنا نتعلم
رحلة بدأت من ٤ شهور واكتر تعبنا فيها وقابلنا تحديات كنا قدها واخيرا جه وقت الحصاد اليوم اللي حاربنا عشانه يوم ما هنتخرج وننفع الناس بكل حرف اتعلمناه
شكرا لكل واحد كان شريك وسبب في انها تكون رحلة ممتعه وساعدنا نكمل ونوصل لنهاية الحصاد

أكبر مشكلة بتقابل أي اتنين في علاقة… بس محدش بياخد باله منها هى سوء الظن

مش قصدى هنا ان لما تحصل خناقة أو اختلاف كبير… لا، ده ممكن يبدأ من حاجات صغيرة أوي.
يعنى مثلا كلمة اتقالت بطريقة غلط.
او نظرة من شريكك فى العلاقة و انت فسرتها بمعنى مختلف.
او شريك حياتك كان ساكت في وقت كنت محتاج تسمع فيه كلمة واحدة تطمنك.

المشكلة الحقيقية إننا ساعات بنفترض إن اللي قدامنا فاهمنا، أو إنه عارف إحنا بنفكر إزاي.
لكن الحقيقة إن مفيش حد بيقدر “يقرا أفكارك” مهما كان قريب منك.

و عشان تحل المشكله دى محتاج تعمل خطوات بسيطة اوى
اول حاجه اسمع قبل ما ترد.
تانى حاجه اتكلم بوضوح عن اللي جواك، حتى لو كنت شايفه بسيط.
و اهم حاجه لو حسيت إنك مش فاهم حاجة… اسأل بدل ما تفترض.

العلاقات الناجحة مش العلاقات اللى مفيهاش مشاكل و خناقات، لكنها مليانة تفاهم ورغبة من كل طرف انه يبقى أفضل نسخة من نفسه.
لو علاقتك فيها مشكلة دلوقتي، اسأل نفسك: آخر مرة حاولت تسمع بجد كانت إمتى؟

شارك رأيك… إيه أكتر حاجة بتحس إنها بتعمل سوء فهم بينك وبين شريكك ؟

#علاقات