Coach Mariana AlAkaat كوتش ماريانا

في العلاقات الصحية مبنحاولش نغير بعض
بنحاول نغير نفسنا علشان نريح بعض
#أوبس

معاكي حق 👌
أنا عارفة لمعانها وبريقها مُغريين ازاي
ومُقدرة جدا احتياجك للشعور بنموك
واحتياجك انك تكوني متشافة ويتصقفلك
واحتياجك انك تثبتي نفسك وشطارتك
احتياجك انك تكوني أد ثقة الناس فيكِ
واحتياجك انك تعملي اسم وكارير ومستقبل

بل واحيانا

احتياجك انك تعوضي قصور ما
احتياجك النفسي والمادي الحقيقي
احتياجك انك تلهي نفسك عن مشاكلك

بعد سنين جلسات مع سيدات فضليات حققوا نجاحات وانجازات في العديد من المجالات
احب أسيب كلمة في ودنك

انتي تقدري
تقدري تكوني إنسانة ناجحة
جوا بيتك وبره بيتك

اكتشفي هويتك
رسخي قيَّمك
رتبي أولاوياتك
نظمي وقتك
وخدي بالك أن في حاجات تتعوض وفي حاجات مبتتعوضش

إذا محتاجة مساعدة في دا ابعتيلنا احنا هنا علشانك 👌

#عائلة

أنت مش سجين باباك ومامتك.

أنت مين ؟

إذا عاوز تعيش حياتك كلها متعذب اسجن نفسك جوا معتقدات أهلك.
❌صدق كل كلامهم عنك بدون نقاش

❌خاف من كل حاجة خوفوك منها
❌متسافرش متصاحبش متعملش
❌اللي تعرفه أحسن من اللي مانعرفوش
❌اِفضل كرر جوا مخك انك عندي أنت عصبي أنت فاشل وغبي ومش بتقدر تعمل كذا… وعبيط مش هتعرف تتعامل مع كذا وكذا…
زي مقالولك زمان بالظبط
❌أوعى تراجع وراهم

❌عيش دور الضحية كويس
❌ولِف في نفس الدوامة
❌وكرر نفس الأخطاء

أنت مين؟
لا تساوي هم قالولك إيه عن نفسك

لكن طول مانت مستسلم هتفضل سجين أفكارهم ومخاوفهم

أنت مين؟
لا تساوي أنت عاوز تبقى مين

أنت مين النهاردة تساوي انت عاداتك ايه النهاردة
مش امبارح ومش بكرة

اقنع نفسك
💚أنت إنسان عاقل
💚ليك إرادتك
💚ليك أحلامك
💚ليك مستقبلك
💚كرر على عقلك ومسامعك الكلام الصحي اللي تحب تكونه
💚افحص دواخلك وجدد عاداتك تغير حياتك

أنت إنسان إذاً أنت مسئول عن تغييرك 👌

#تربيةايجابية
#عائلة

عيشي مش بس علشان ولادك👌

أبسط حاجة تتمنيها بينك وبين زوجك الانسجام

المجتمع وعاداته ومسلسلاته
ومشاكل السوشيال ميديا
وقضايا محاكمه
كل دا بنا جواكي شكل علاقة مشوه بين الراجل ومراته

فلما يا روحي تحاربي علشان بيتك يبقى فيه شوية مشاعر دافية يتقالك دا مش مهم

ولما تجاهدي علشان تبنوا علاقة فيها تعاطف وطبطبة يتقالك المهم انه محترم وابن ناس

ولما تتعبي من الجفاف العاطفي وتنشفي وتدبلي من قلة الكلمة الحلوة والطبطبة يتقالك دي تفاهة

الأصعب من كلام الناس
أن أحيانا تكوني انتي بتقولي دا لنفسك

لكل ست بتحارب سلبية المجتمع وجموده
ارجوكي متستسلميش
حبي وحبي وحبي واتدلعي وعيشي
مش علشان ولادك
لأ
علشان جوزك وعلشانك

وانت يا عم الجدع المحترم ابن الأصول كتر حنية وكلام حلو إلهي تنستر 😁



#علاقات
#كوتش

في حوار مفتوح كنت باتكلم عن حلم كبير من أحلامي
كان الكلام قدام بناتي
فردت وقالتلي الله يا ماما دا حلو أوي اعملي كده دلوقت

لقيتني بأرد تلقائي وأقولها لأني دلوقتي مهتمة بحلم أكبر يا بارثي

قالتلي حلم ايه دا بقى

قلتلها انتوا يا حبيبتي
عينيها نورت 🥰

أكون صادقة مع نفسي ومعاكم
في وقت في حياتي مكنتش شايفة ولادي حلم
كنت شايفاهم عبء 😔

التحول دا حصل بالتدريج
واللي ساعدني أوصله

1. اني بدأت ادرس أتعلم حاجة بحبها ودا فرق في وعي وفي علاقاتي
2. اني بدأت اندمج مع ولادي في حياتهم مش حياة الكبار اكل وشرب وتمارين ومذاكرة لأ
لعب وقراية وضحك وتنطيط وسنيما وفشار
3. اني لاحظت ان وجودهم معايا مش دايم دا يادوب كام سنة وكل واحد هايطير لعشه وهيوحشوني

مهما كان المجتمع بيصدرلك أفكار
ومهما كان تعبك في ولادك

شوفيهم حلم
مش عبء
الحكاية كلها هتختلف🩵

#تربيةايجابية


#عائلة

اتاريأوا عليكي
اتنمروا عليكي
اتودودوا كده وبصولك البصة اللي هيه ورنة سخرية ضحكتهم وجعتك

ناقصين
أه أمام الله صحيح

هم مش هيعملوا معاكي كده ألا لو ناقصين
أنتي بقى يا ست البنات تعملي ايه

اولا تشكري ربنا
ليه
أقولك
رقم واحد لأنه وهبك نعمة ومحبة وقبول ونجاح لولاهم ماكانت نفختهم الكدابة اتدشملت ياحرام

رقم اتنين تشكريه لأنك شوفتي دا واتوجعتي فيه
لأن لولا دا حصل مش هتجاهدي في الاتضاع وهتتغري في نفسك وتفتكري بقى أنك ياما هنا ياما هناك

وانا وانتي يا بنتي عبيد بطالون مهما بقينا وعملنا

ثانيا تطلعي الموقف متكتميهوش تكتبيه تحكيه مع حد أمين تصلي وتحطيه قدام الله في صلاتك
وتسامحيهم حتى لو لسه موجوعة اطلقي بس كلمة
مسامحة يارب وانت داويني

ثالثا لو عطلوكي يبقوا كسبوا يا عبيطة
انتي تكملي فلة شمعة منورة ولا كأن
تفرحي وتنجحي وتثمري وتكبري وتطولي السما
وهم يوم مايتعبوا يجوا تحتك يتضللوا بظلك ويأكلوا من ثمر الله فيكي يا بنت أبوكي 🩵


#كوتش
#علاقات

‎السيشنز الاونلاين متاحة أيام السبت والاتنين والأربع
‎سيشنز المكتب متاحة أيام الحد والتلات والجمعة

‎الحجز بميعاد مسبق من خلال الصفحة هنا
‎
أو من خلال رسائل الواتساب على رقم
01550529526

صباحكم جميل 🩵

#تربيةايجابية
#علاقات

اجازتنا ممتدة ليوم الأحد 31/5
ونرجع نكمل جلساتنا يوم الاتنين 1/6
بإذن الله
اجازة سعيدة 🌼
Have fun 🩵

عيد أضحى مبارك 🤍😇