الدكتور والكورة

- الحقيقة انا مش شايف إن فيرمين لوبيز لاعب أندريتيد زي ما الناس بتتكلم عنه

بأحس الناس بتتعامل مع كلمة أندريتيد و أوفريتيد على تقييم الجودة أو الأداء و معناهم غير كدا خالص

معنى إني أقول عن اللاعب دا أندريتيد يبقا هو بيعمل أداء جامد بمدح و تطبيل أقل

هل دا موجود عند فيرمين؟ الحقيقة لأ ، الراجل بياخد حقه من المديح و الكلام الكويس عادي

حتى يامال و بيدري و رودري و رافا بياخدوا حقهم في المديح ومش أندريتيد

صعب فشخ تلاقي لاعيبة أندريتيد في برشلونة و الريال
هو إما ياخد حقه كامل من المديح أو التقييم و المديح يقلب الوضع ل أوفريتيد و الأمثلة كتير

#الدكتورفيالكورة #برشلونة #فيرمين #بيدري #رودري #رافينيا

- أي مواجهة بين الرباعي دا هتكون مواجهة سينمائية مجنونة لمدة 90 دقيقة

برشلونة مع فليك بإسكواد أقوى و حركية أعلى و ذكاء أكبر في التعامُل مع الماتشات و بيقدموا أعلى كورة ف العالم

أرسنال وصل للقمة الفنية و البدنية و الذهنية مع أرتيتا حاليا و أصبح فريق أقوى و أشمل عن الموسم الماضي

بايرن مع كومباني هو أقلهم كإسكواد ولكنه يظل فريق و منظومة مرعبة و قوية جدا ولا ننسى العامل البدني

باريس مش محتاج اتكلم : فريق مستقر مدرب متنوع اسكواد جبار ، دوري مساعدهم على كل حاجة

قرعة الأبطال كانت كريمة بمتابعين اللعبة وعملت مواجهة بين برشلونة و باريس و بايرن و أرسنال ، هتكون مدعكة 🔥

#الدكتورفيالكورة #برشلونة #فليك #أرسنال #أرتيتا #باريسسانجيرمان #كومباني

- اتفرجت على أوليس و دوي و كفارا و ساكا و ديمبيلي و مفيش حد قدر يقرب له

هو نجم جيله و أخطر و أشمل جناح بل أخطر و أشمل لاعب في خط الهجوم كله

أنا أتحدى أتحدى أي لاعب يتحط في نفس مواقف يامال بالاثنين و التلاتة عليه و يصنع الفرق دا كله

يراجل دا أوليس لما أربيلوا رمى ناحيته فالفيردي مع الباك الشمال لمدريد في العودة كان شبه عاجز على خلق خطورة

عموما كل اللي اتكلمت عنهم ملوك ولكن يامال فشيخ أوي

عودة يامال للفورمة بتاعته حاجة كدا زي السلاح النووي في الكورة ، أتمنى باقي التيم يكون جبار معاه ف ايام الحسم

#الدكتورفيالكورة #برشلونة

- انت عارف الحيرة ؟ اهي في شكل صورة بجد ، بين أولمو و فيرمين

انتو عارفين الكلام اللي كنت بقوله إن فيرمين مع فرق الميد بلوك و ماتشات الهجمة ب هجمة و المساحات هيبقا أولى

و أولمو ضد التكتلات و الماتشات المحتاجة ربط و لاعب سم بين الخطوط و محتاج لاعب يصنع كتير فشخ لخط هجومك

حتى في دي هتلاقي الاتنين عندهم جودة واضحة، يعني اولمو هينفعك في كل السياقات وهيبقا فاجر عادي

فيرمين حاليا تطور بين الخطوط و على مستوى صناعة الفرص و الذكاء التكتيكي

اولمو بينزل ياكل النجيلة ، فيرمين بينزل ياكل النجيلة
الاتنين بينهم تنافس ولكن حبايب ، برشلونة الكسبانة في كل الاحوال

#الدكتورفيالكورة #برشلونة #أولمو #فيرمين

- عُمرك سمعت عن صفقة قلبت ميركاتو كامل و قلبت حال فريق كامل و ركبت فريق ثاني ؟!

طير كدا و ارمي نظرة على خريطة تمريرات برشلونة و دقق النظر على اللاعب رقم 16 كدا

النوع دا بنسميه ف الكورة ال ( Pressing escape option ) يعني اللاعب اللي زمايله بتهرب من الضغط لما تسند عليه

رودري ضاف لنا كتير أوي ، مش هكلمك عن هندسته جوا الملعب يباشا ، مش انا اللي هتكلم عن النقطة دي عن رودري

شوف ازاي بيدري ارتاح من مهام خارج الحيازة و
شوف اتحرر ازاي ، دا غير التدخلات الأسطورية اللي كان بيعملها رودري

احنا مكناش عايشن ، دي النضافة اللي بجد ، و ب 60 مليون بس !!!!

فولو للبيدج لو بتحب الكورة يملك

#الدكتورفيالكورة #برشلونة #رودري #بيدري

- عاوزين نقف وقفة هنا ، ركز لي على ريتم الفريق على مدار الماتش و ازاي كسبت بنتيجة كبيرة بتقسيم مجهود عادي

انهاردة بنشوف رودري بيتسحب عند الدقيقة 60 و بيتم إدارة دقائقه بشكل ممتاز

بيدري بيتسحب في الدقيقة 80 حتى لو اللي هيلعب مكانه رافا في ماتش خلصان

الفريق بيستحوذ استحواذ سلبي معظم الشوط الثاني و عنده عمق إسكواد كويس واللي بينزل بيأدي

فليك بيغير من أخطاء الماضي و فهم وضع الدوري اللي بيلعب فيه و موضوع إدارة المجهود و الدقائق أكتر شئ مفرحني الحقيقة

فولو للصفحة لو بتحب الكورة يملك
#الدكتورفيالكورة #برشلونة #فليك

- برشلونة مع فليك قلبوا الليجا ل دوري ألماني و دوري فرنسي و حاجة آخر تنمر

على الرغم من ضعف فالنسيا الواضح إلا إن المستايا لازال ملعب صعب عادي

فالنسيا طوال موسم كامل أكبر نتيجة خسروها على المستايا كانت 2/0

برشلونة نازلة بترقع فالنسيا في قلب المستايا بخماسية نظيفة مع الرأفة

6 فرص كبيرة ، 18 تسديدة من داخل البوكس ، كورتين في العارضة، وجمال و دلال

برشلونة في مكان و باقي فرق الليجا في مكان بعيد اوي عن برشلونة، لأ بعيد أوي فعلا

فولو للبيدج لو بتحب الكورة يملك

#الدكتورفيالكورة #برشلونة #فليك #فيرمين

- فيه تساؤلات عند جمهور برشلونة قبل ماتش فالنسيا و منتظرين يشوفوا إجاباتها

هل فعلا فليك هيجرب كانسيلو ك ظهير أيمن زي ما بتقول التسريبات ؟

فليك بيحب يكون الظهير الأيمن ثالث مع الدفاع علشان يأمن لامين و يعالج التراك باك بتاعته و يعمل قوة أكتر ف الدفاع الوقائي

اعتقد كانسيلو مش هيقدر يوفر له دا ، فهنشوف هل فيه حاجة جديدة هنجربها ولا اي

ثانيا : هل رودري أصبح جاهز بدنيا ل اللعب كأساسي و لمدة 90 دقيقة ولا لسه

كمان هل هنشوف غابرييل جيسوس لأول مرة مع الفريق
و بداية أخذه للدقائق بالتدريج

فالنسيا خصم مش صعب ، فريق يُعتبر من أسوء الفرق من حيث تحويل الفرص لأهداف و من أكتر الفرق اللي بتسمح بتمريرات ضدها بدون ضغط حقيقي

إن شاء الله ٣ نقط و مكسب مُريح

#الدكتورفيالكورة #برشلونة #رودري #فليك #كانسيلو #فالنسيا

- لعب نص ساعة كاملة قدر يلمس فيها الكورة 7 مرات فقط ضد موناكو !!!

كنت بشتغل على ماتش باريس و موناكو حرفيا فريق باريس كله القديم بالصفقات الجديدة عندهم مرونة في الحركية و اللامركزية و الربط

نزل الباشا كان تايه و حصل له لاج

لا هو عارف يواكب زمايله في التحركات بدون الكورة
ولا هو عارف يربط كويس معاهم

على الأقل عثمان ديمبيلي لاعب احتفل أمام برشلونة و على الأقل لاعب كبير و من أفضل اللاعيبة ف العالم

أما دا لاعب مش عارف يواكب زمايله و مش جامد و عنده عيوب الدنيا و طلع في تصريحات يخبط في نادي أعرق من كرة القدم الموجودة في فرنسا كلها

#الدكتورفيالكورة #برشلونة #باريسسانجيرمان

- هقول كلمتين دلوقتي و احفظوهم و هنرجع للبوست دا على آخر الموسم

مفيش فريق في العالم كله كامل و شامل و معندوش مشاكل
كل الفرق عندها ثغرات و مشاكل

طيب اي اللي هيفرق بين فريق و التاني من الفرق الكبيرة في الأبطال؟

من الآخر اي فريقين كبار هيدرسوا ثغرات بعض و هيشتغلوا عليها ، اللي هيفرق هو التوفيق و القوة ف الحسم

لو ترجع لماتش باريس و تشيلسي في الذهاب الموسم اللي فات هتلاقي بالمر مضيع هدف اترد بهدف من ديمبيلي
والماتش اتقلب على الرغم إن تشيلسي كان عامل ماتش جبار

برشلونة، باريس ، بايرن،أرسنال هم أكثر رباعي مرشح
والرباعي عندهم ثغرات بس هتفرق على تفاصيل بسيطة اوي : ثغرات مذاكرها كل مدرب ، جودة أفراد تترجم دا

#الدكتورفيالكورة #برشلونة #فليك #باريسسانجيرمان #أرسنال