Aya farouk - Balanced family

لو هتوصفي نفسك في كلمة واحدة..... ياترا هتكون ايه؟؟ 💚

الأذى بكل أشكاله لايمر على أطفالنا مرور الكرام..... وإنما يترك أثره على أدمغتهم مما يجعلهم أقرب إلى العنف واعادته إلى طبيعته ليس باليسير👌

الأشخاص الذين لا يعرفون قيمتهم يسهل التلاعب بهم......ليس لأنهم ضعفاء بل لأنهم يبحثون عن الاعتراف من الخارج......يبحثون عمن يخبرهم بأنهم جديرون....محبُّون....مستحقون القوة....لا تأتي من إعجاب الآخرين بك بل من اللحظة التي تتوقف فيها عن ملاحقة ذلك الإعجاب.

✍️روبرت جرين

نحن نكبر وتزدهر أجمل مناطق مخنا بسبب وجود علاقات ثرية ومغذية نفسياً.....ونملك القدرة على إعادة تشكيل مخنا......والتراحم يعلمنا كيف ندرب المخ ليعالج نفسه بنفسه!!!

خـلـي كـل عـلاقـة فـي مـكـانـهـا الـصـح🤗

الفيدباك اللي بيوصلني بعد الجلسات

بيفكرني بنيتي وليه بدأت 💜
خطوة وعي.... مساحة أمان..... وتغيير حقيقي من الداخل🥰
ممتنة لله أولاً ثم ليكم وعلى الثقة 💚

لما تكوني تعبانة نفسيًا ايه أول حاجة بتلجأي ليها🤗

هو العيان عاوز مني إيه؟

السؤال ده هو "المفتاح"، ولو مسكته غلط، يبقى كل اللي هتعمله بعد كده مالوش لازمة، حتى لو حافظ الكتب صم.
​العيان بيجيلك وفي بوقه طلب، وفي عينه طلب تاني، وفي تكوينه البيولوجي طلب تالت خالص.

​١. بلسانه:
بيطلب "الراحة" (التخدير)
هو جاي يقولك "شيل عني".
شيل الصوت اللي في ودني، شيل القبضة اللي على صدري، نيمّني عشان مافكرش.
هو هنا بيتعامل معاك كـ "ميكانيكي" أو "بقال" بيبيع مسكنات.
لو طاوعته بس، تبقى خنته؛ لأنك بتساعده يهرب من معركته بدل ما يخوضها.
الراحة مطلوبة آه، بس عشان ياخد نفسه ويكمل، مش عشان ينام في العسل ويموت وهو حي.

​٢. بعينه:
بيطلب "الشوفان" (الاعتراف)
هو عايز يحس إنه "موجود".
الجنون -يا ابني- هو قمة الوحدة.
المريض بيبقى مفصول عن الناس، وعن الزمن، وساعات عن جسمه. هو عايزك تبص له نظرة تقول: "أنا شايفك.. أنا لاقطك من وسط الركام ده".
عايز يحس إن فيه "بني آدم" تاني واقف قصاده مش خايف منه، ومش قرفان منه، ومش بيحكم عليه بمعايير المجتمع الظالمة.
عايزك تكون له "المراية" اللي تخليه يلملم أشلاؤه.

​٣. بكيانه (بيولوجيًا ووجوديًا):
بيطلب "الحق" (الواقع) وده أصعب طلب.
العيان (من غير ما يعرف) عايزك تكون "ممثل الواقع" اللي هو هرب منه.
​هو "مفكك"، فعايزك "صلب" عشان يتسند عليك ويتربط بيك.
​هو "تايه"، فعايزك "بوصلة" تشاور على الطريق، حتى لو الطريق وعر.
​هو عايزك تقول له "لأ" لما يحاول يجرجرك لعالمه الخاص، وتقول له "أيوه" لما يحاول يمد إيده للواقع.

​باختصار يا موجود..
العيان مش عايزك تبقى "أب طيب" يديله بونبوني، ولا "قاضي" يحكم عليه بالسجن في التشخيصات.
هو عايزك "شريك مسئول".

شريك في رحلة الألم، بس شريك "مفتح"، ماسك النور، وعارف السكة، ومش هيسيبه يقع في الحفرة، ولا هيسيبه يستسلم للضلمة.

​شغلانتنا يا ابني مش إننا "نعالج" المرض بس، شغلانتنا إننا نساعد البني آدم يرجع "ينمو" تاني بعد ما وقف.. والنمو بيوجع، فاستحمل معاه الوجع، وماتخافش.

منقول

الحمد لله الذي لا يُخيّب تعبًا ولا يضيع دعاء 🌿
اليوم أكتب وأنا مشاعري مختلطة بين فرحة....وارتياح.....وامتنان كبير…
بفضل الله أولًا وأخيرًا تم حصولي على درجة الماجستير بتقدير ممتاز مع تدوال الرسالة مع الجامعات المصرية ومراكز البحوث.... بتاريخ 22/12/2025
الطريق ماكانش سهل وكان مليان تحديات وابتلاءات وضغوط ولحظات شك أحيانًا....رحلة علمية وإنسانية مليئة بالتحديات والتعلّم والصبر.
لكن ربنا كان دايمًا كرمه ولطفه وجبره محاوط الواحد.
الحمد لله على كل خطوة.....وكل دمعة.....وكل صبر....
ممتنة لكل دعم....ولكل تجربة....ولكل خطوة قرّبتني للحظة دي والحلم أصبح حقيقة بفضله وكرمه يارب لك الحمد.
وبعد رحلة ماكنتش سهلة.....أقدر أقول👇
ربنا لا يخذل من صدق النية واجتهد.
الحمد لله على الوصول.....وعلى القوة.....وعلى الجبر
أسأل الله أن يجعل ما تعلمته علمًا نافعًا وأثرًا طيبًا 🤲
والقادم بإذن الله أجمل وأقرب لما يرضيه ودي كانت بداية لحلم أكبر 💚

الدرس رقم واحد في العلاقات الزوجية......الخلاف ليس ما يهدم البيوت…الذي يهدمها حقًا هو غياب الاهتمام.....فالبيوت لا تتصدّع من المشكلات.....بل من صمت التفاصيل حين تختفي تلك الهدايا الصغيرة..تلك المناسبات الخاصة..ذلك الاهتمام..تلك الضحكات..وفنجان القهوة الصباحي..الاهتمام هو ما يبقي المودة حيّة…وحين يغيب، يذبل كل شيء دون ضجيج.

✍️د. عبد الكريم بكار