07/03/2023
فضيحه ف الانفيلد
برغم من أخطاء تين هاج الفنيه ف بدء المباراه إلى أن ده مش سبب الخساره تين هاج دخل الانفيلد وهو مش عارف انه رايح ملعب غير اى ملعب ف أوروبا وانا الصراحه مش مقتنع بكلامه ع ان لاعيبته ملعبتش بالخطه اللى قايلهم عليها لان لحد ٢ صفر كانت دى خطه تين هاج اللى بيلعب بيها ل الفتره الاخيره طب ايه اللى حصل
اللى حصل يعزيزى باختصار ان لاعيبه ليفربول نجحت ف تحويل المباراه لمباراه نفسيه يعنى خرجت لاعيبه اليوناتيد بره تركيزهم بانهم خلو الجمهور يلعب معاهم وحظ تين هاج الأسود ان فرقته فيها برونو وشاو ليتشا وفريد لاعيبه سهل فشخ انك تضحك عليهم وتطلعهم بره الماتش وده اللى يورجن لعب عليه بالظبط
فAll or nothing Arsenal قبل موقعه الانفيلد ارتيتا فضل يهيئ ف لاعيبته انهم داخلين ملعب غير اى ملعب ف أوروبا وحكلهم تجربته انه ف إحدى مبارياته ف الانفيلد فقد تركيزه وخرج بره الماتش ومبقاش شايف قدامه حرفيا وانه مينفعش نهائيا تفقد تركيزك ف الانفيلد عشان هتتلب وبالفعل ق المباراه لاعيبه ليفربول بدأت تستفز ف لاعيبه ارسنال بس لاعيبه ارسنال متقادتش للى لاعيبه ليفربول عاوزه تخدهم ليه guess what ارتيتا هو اللى اتعصب وفقد تركيزه واتخانق مع كلوب وحول الماتش لمعركه مع جمهور الانفيلد وخسر 4 ف شوط واحد عادى جدا
الفرقه الوحيده اللى بتخش الانفيلد وتطلع سليمه هيا ريال مدريد باختصار عشان الشخصيه بتاعت الفريق وانك مش سهل تضحك عليهم خصوصا ف الماتش الاخير كارلو كان مفهم لاعيبته هما داخلين على ايه بعيدا عن شخصيه الفريق اصلا وطبعا البايرن عشان طبيعه الجمهور ف المانيا
فى النهايه درس قاسي لتين هاج ولكنه يستفاد منه ف بناء شخصيه لفرقه اليوناتيد
باختصار معركه الانفيلد نفسيه اكتر ما هيا تكتيكيه مينفعش تفقد تركيزك ولو للحظه ف الانفيلد عشان هتندم .
11/12/2022
07/11/2022
03/11/2022