Coach Mahetab Nour El Din

كل عام و انتم بخير و يا رب تكون سنه سعيدة علينا جميعا
Happy New year 🎊🎉
#2026

أكمل العبارة الآتية:-
لقد كان عام مليئا ب.........
يلا منتظره اجابتكم
ملحوظة: هصحح الإجابات بنفسى 😉

التواضع والاحترام والشغف والثقة بالنفس… وفلسفة نجاح حقيقية.
باختصار: ده كان عنوان لقاء الدكتور مجدى يعقوب ومحمد صلاح.

لقاء الدكتور مجدى يعقوب ومحمد صلاح كان من أكتر اللقاءات اللى شدّتنى.
حوار بسيط بين اتنين بني آدمين بيحكّوا عن رحلتهم… كله تواضع واحترام.

اتكلموا إزاى اللى وصلوا ليه بدأ بحلم اتحول لهدف، ودور أهاليهم اللى دعمهم وكانوا ممتنين ليهم جدًا.
شاركوا شغفهم، وطريقة تعاملهم مع الإحباط والتحديات، وإزاى الوعى والنضج ساعدوهم يعرفوا نقاط قوتهم وضعفهم ويشتغلوا عليهم.

أهمية تغيير الموروثات والمعتقدات اللى بتقف قدام حلمك… وإن التغيير ده كان سبب كبير فى تطور رحلتهم.

حكوا عن رؤيتهم للنجاح، والتوازن بين الشغل والحياة، وقيمة الإنسانية وحب الناس.
ومبادئهم وصدقهم مع نفسهم كان ليه دور كبير فى تكوينهم.

نضجهم خلاهم يوصلوا لحقيقة بسيطة: أنا بنى آدم… وبس.
ونصايحهم للجيل الجديد كانت واضحة: اكتشف موهبتك، اتبع شغفك، اثبت، تواضع، وثق فى حلمك.
وللأهالى: ساعدوا أولادكم يلاقوا شغفهم… وصدقوا فيهم.

عمرك حسّيت إنك متعلقة بحاجة… مع إنك عقليًا عارفة إنها مش حقيقية؟
شخص… صوت… خيال… أو حتى شيء؟🤔

ليه بيحصل كده؟ وإزاى ممكن نكون فى علاقات وهمية…

لو السؤال لمس جواك حاجة ، متفوتيش اللايف ده على الفيسبوك
هتفهم نفسك والعلاقات حواليك بطريقة مختلفة وواقعية

#اعتمادية

برنامج دولة التلاوة .... برنامج رائع بكل ما تحمله الكلمة
اصوات ممتازة و فكرة رائعة
أدعوكم جميعا لمشاهدته
و اتمنى التوفيق لجميع المتسابقين اللى بالنسبة ليا كلهم فائزين

النهارده 11/11
إنت/إنتي من الناس اللي بتركّز في الأيام اللي بتاريخ مميز؟
ولا الأيام كلها عندكم زي بعض؟

وبغض النظر عن الإجابة…
اللي بيفرق بجد مش شكل التاريخ،
اللي بيفرق إحنا داخل اليوم ده حاسّين بإيه؟
مطمّنين؟ مشحونين؟ تايهين؟ راضيين؟

اليوم مش اللي بيميزنا…
إحنا اللي بنميز اليوم.

الفرق بين العلاقات الحقيقه و الوهمية
❤️ #