Marwa Nasser

هحكي لكم قصة ...

زمان اووي من سنين طويلة كنت مسافرة رحلة لمدينة ساحلية انا و بابا الله يرحمه ..كان عمري ٦ سنين بس
في فبراير سنة ١٩٨١ يعني قبل وفاة الرئيس السادات ب ٨ شهور

و كان وسيلة النقل هى باصات الشركة اللي كان بيشتغل فيها بابا

يشاء الله ان احد الباصات يحصل فيه مشكلة و احنا راجعين القاهرة و يضطر السائق يمشي ببطء لعدم وجود حل آخر لإصلاح الباص

احنا مكانا كان في الباص السليم اللي ماشي بسرعة عادية و مفيش فيه اى مشكلة

وقف الباص في الطريق للإستراحة و انا طلبت من بابا ينزل يجيب لي اكل علشان جعانة و فعلا نزلنا من الباص علشان كده

بالصدفة الباص بتاعنا سابنا و مشي و بابا قال مش مشكلة نركب الباص اللي وراه ((اللي فيه المشكلة و مضطر يمشي ببطء))

و فعلا انتظرنا لبعض الوقت لحد الباص ما وصل و ركبناه

و لأنه كان مكتمل العدد ف اضطرينا نقف انا بجانب السائق و بابا الله يرحمه بجانبي بالقرب من باب الباص

و لم يمر إلا دقائق معدودة و تغير الوضع و اذا بالسائق يضرب سور كوبري فوق مياه و انظر حولي فلا اجد بابا

و اذا به يرد عليا بعد ندائي عليه بلهفة ..يرد من مكانه ممددا بين سور الكوبري و الباص و هو مغطى بالدماء في معظم جسده

بابا كان الشخص الوحيد الذي توفاه الله بسبب هذا الحادث و انا لم اصب بخدش رغم وقوفي بجانبه ...و اقصى اصابة كانت كسر ذراع احد الركاب .

بحكي لكم ليه ؟؟

لما عدت الأيام و اتقفل الباب عليا انا و اختي الصغيرة مع ماما و بدأت اشتكي لها و اسألها ليه انا اللي بابا يموت ؟؟ليه سابني و مشي ؟؟
كان رد أمي ساعتها اكيد ربنا بيعمله و بيعملنا الخير

طبعا ده كان بالنسبة لطفلة في مثل سني هو شئ من العبث
يعني ايه موت بابا خير .. يعني ايه فقد اعز مخلوق في الكون عليا في الوقت ده خير !!!

و ده اللي قولته لأمي ..خير ازاي يا ماما انتي بتضحكي عليا

نسيت اقولكم ان بابا قبل ما يموت كان بدأ يقرأ في الدين كتير و كان بدأ يتشدد فيه و عايز يطلق لحيته وماما اتحجبت و لبست خمار و كان عايزها تسيب شغلها ..كانت الشركة اللي بيعمل فيها أحد معاقل الإخوان و الجماعات الإسلامية في الوقت ده

مع تكرار حزني و افتقادي لبابا فضلت اسأل ماما اشمعنى انا بابا يموت...و في يوم بعد شهور كتير عدت لقيتها ردت عليا برد غريب عليا اوي .. بابا مات علشان ربنا بيحبه و بيحبنا ..بابا مات علشان تفضلي بتحبيه و تفتخري به .. بابا مات علشان احنا كان ممكن اذا عاش نتبهدل و نتمرمط..ليه كل ده يا ماما ؟ ازاى يعني نتبهدل و بابا عايش ؟!!

حكت لي ان كتير من زملاء بابا في شركته اتقبض عليهم بعد موت السادات و بابا لو كان عايش كان ممكن اوي يكون منهم ..و طبعا ده كان كارثي لمعظم العائلات اللي مرت بظروف زي كده .. و حياتهم حتى بعد خروجهم كانت مختلفة عن قبل كده ...يعني بابا كان ممكن يبقى بصورة تانية غير اللي مات و كلنا شايلينها في عنينا عنه ..ربنا اختاره علشان مصير مختلف لينا في الدنيا ...

كان رد امي ده هو اول درس ليا في اليقين بإن كل اللي يجيبه ربنا خير و درس في التقبل و تغيير نظرتنا للأمور للشكل اللي يهدي عقولنا و قلوبنا .. قدرت بالشكل ده تعمل إطار جديد اشوف به ميزة في موت بابا ..قدرت تلبسني نضارة تانية اشوف بيها ان في أصعب المواقف و أكثرها ألم في حياتنا أكيد في خير جاي معاها و ربنا وحده اللي يعلمه في وقتها

يقيننا بربنا و تسليمنا له في أصعب المواقف في حياتنا هو مدخلنا لتهدئة توترنا وخوفنا من المجهول ..الحمد لله دائما وابدا


#اليقين

حظك في وعيك 😍 #علاقات #انياجرام

Waiting your inquiry

ابدأي يومك و انتي بتقولي لنفسك ::

* انتي موجودة هنا و انا شايفاكي و بحبك
*انتي غالية و مهمة
*انتي مميزة و متفردة
*انتي جزء من هذا الكون الواسع و في مكانك الصحيح
*انتي مؤثرة و عندك اللي تساهمي به في الحياة

#علاقات #انياجرام

مروة ناصر..
• مهندسة ديكور ولايف كوتش معتمدة
• معالجة بالبرمجة اللغوية العصبية
• أساعدك على تخطي الصدمات وتحسين علاقتك بنفسك وبالآخرين

#علاقات