عراب التسعين

🚨اللاعب دا كل مرة يدخل الماتش … شكل الأهلي بيتغير! ومتفهمش هو بيقعد دكه ليه 👀

🔥 اللاعب الوحيد في الخط الأمامي اللي عنده حِمّية وشراسة حقيقية في الضغط… هو بن جديدة!
وأنا للأمانة مش فاهم إزاي اللاعب ده يقعد دكة؟! 🤦‍♂️

بن جديدة نزل امبارح وعمل إنعاش كامل لخط الهجوم ⚡️🔥
لاعب عنده ثقة كبيرة في نفسه 💪، بيلعب مع زمايله ومش أناني 🤝، بيعرف يتمركز، وبيعرف يهاجم المساحة بشكل يخليك كمدافع متتمناش تواجهه أصلًا! 😤

والأهم؟ 👀
كل مرة بينزل فيها من الدكة بتحس بتغيير حقيقي في شكل الأهلي.

⬅️ نزل قدام إنبي = عمل أسيست 🎯
⬅️ نزل امبارح = نشّط الهجوم بالكامل 🔥
⬅️ والأخطر إنه تقريبًا كان موجود في كل هجمة وبيتحرك طول الوقت وبيعمل ضغط مستمر على دفاع الخصم 💥

وده يخليني أسأل بصراحة:
هو إيه اللي ناقص عشان بن جديدة يبدأ أساسي؟! 🤔

اللاعب عنده شخصية، شراسة، حركة، ضغط، وبيخلق مساحات لزمايله…
ودي كلها حاجات الأهلي محتاجها جدًا في الخط الأمامي حاليًا. 🚨

النقطة الوحيدة اللي ممكن تتاخد عليه؟
إنه محتاج يخس شوية من وزنه ويشتغل أكتر على سرعته ⚠️

ولو ظبط النقطتين دول تحديدًا…
إحنا بنتكلم عن مهاجم ممكن يبقى مرعب بالمعنى الحرفي. 👹🔥

والسؤال لحضراتكم
ياتري ايه السبب اللي مخلي عموتة ركنه دكه ؟! 😳

اللقطة اللي قدامك دي خلت الجمهور كله يدخل في نوبة ضحك هيستيرية 😂😂
(كوكا بيدي تعليمات لمروان عطية) 🤦‍♂️🤣

وبمناسبة الصورة دي 👀
حوار إن كوكا دا أساسي كل ماتش مش قادر أبلعه والله 🤦‍♂️، وفجأة بلاقي نفسي عاجز عن إجابة السؤال:

هو إيه اللي كوكا بيقدمه ومخلي المدرب مقتنع أوي كدا بيه؟! 🤔❓

وبعدين أنا عندي 2 باك ليفت ومركزهم أهو 👈
ألعب لاعب نص ملعب أساسي عليهم ليه؟! 🤦‍♂️

طب الدبيس لو هو مش مقنع ليك ❌
إنت جددت معاه ليه؟! 🤷‍♂️
فسرهالي بقى؟!

طب سيبك من الدبيس ❌
الباك التاني توفيق محمد بردو مش مقنع ليك؟! 🤔

أومال جبتوه ليه يا جدعان؟! 🤦‍♂️

أنا المفروض ما ألجأش لحل الترقيع دا أصلًا 🔧
(أجيب لاعب من مركزه وأخليه يلعب في مركز مش بتاعه)

إلا لو كل الأساسيين في المركز دا اتصابوا ومبقاش موجود منهم ولا بديل 🚑❌

إنما إحنا بنعمل حاجة ضد العقل وضد المنطق كمان 🤦‍♂️

لما أخلي لاعب نص ملعب يلعب باك ليفت على حساب كل الأساسيين في المركز دا، وياريته مثلًا بيعمل الشيء المبهر اللي يخليك تلعبه كل ماتش 😳🔥

بالعكس... إنت بتعتبر حرفيًا بتلعب من غير باك ليفت! 🤷‍♂️

وسؤالي لحضراتكم بقى 👇

إيه اللي بيقدمه كوكا في الملعب وأنا مش شايفه؟! 👀

🚨 الـ3 نقط أنقذت الموقف... لكن المشكلة لسه موجودة! 👀

أهم ما في الماتش هو الـ3 نقط ✅
لأن زي ما قولت لحضراتكم امبارح، قطر بيراميدز مش هيقف ولازم نفضل بالتساوي معاه لحد ما الأمور تتظبط. 🔥

لكن معضلة الأهلي واضحة وضوح الشمس ☀️
ولا هي محتاجة محلل ولا جهبز...

المشكلة كلها في الخط الأمامي.
ببساطة شديدة: ملوش ملامح حرفيًا! ❌

اللاعب الوحيد اللي بيلعب في مكانه الصح هو بن شرقي، وما دون ذلك عجن كتير ومراكز مش طبيعية، وده في رأيي سهل جدًا يتظبط.

أولًا: بكرار مش مهاجم، ولا عنده حساسية المركز أصلًا. ❌
نزوله كمهاجم بيخلي الأهلي فاقد وجوده الحقيقي جوه المنطقة.

ثانيًا: زيزو في وسط الملعب بيقدم لا شيء.
حرّ فيا وحاجة مؤذية للعين بصراحة 😅
الأفضل ليه جناح يمين يستفيد من سرعته وتحركاته وقدرته على صناعة الخطورة.

ثالثًا: بن جديدة يبقى مهاجم صريح 🎯
وتحته بكرار كمهاجم وهمي يتحرك بحرية ويستغل المساحات.

رابعًا: عودة إمام عاشور هتظبط نص الملعب حرفيًا. 💥
وجوده هيضيف شخصية وحركة وقوة أكبر للوسط.

خامسًا: طاهر؟
نريحه دكة شوية بقى 😂
الواد تعب معانا الماتشين اللي فاتوا ويستحق ياخد نفسه.

الخلاصة؟ 👇

الأهلي مش محتاج معجزة... محتاج بس كل لاعب يلعب في مكانه.
وساعتها هتشوف فريق مختلف تمامًا. 🔴🦅

ياتري تقييمك ايه لاداء الاهلي ف ماتش النهاردا.؟

شوط اول بينتهى بتقدم الاهلي بهدف رايق وجميل اوي من بنشرقي..
الهدف عبارة ركنة واحد لابس بدلة و كرافتة يابنى والله مش تيشرت و كورة ابدا ♥️

ما عدا ذلك
الاهلي بيلعب بدون مهاجم وبدون خط دفاع وانا مش فاهم ايه سر اصرار عموتة علي طاهر وكوكا
لو حد عنده تفسير ياريت يقول ف التعليقات

عدي قدامي خبر غريب كدا 🤔🔥

دورت ورا الخبر عشان أتأكد، لقيت كذا صحفي موثوق كاتبه، فقولت أشوف الحكاية وصلت لفين 👀

الخبر بيقولك إيه بقى؟! 😳

هاني يطلب من الأهلي 40 مليون جنيه في الموسم للتجديد! 💰

مع العلم إن الأهلي عارض عليه نفس عرض إمام عاشور بالظبط:
25 مليون + 10 مليون بونص مرتبط بالأداء والبطولات + 5 مليون منحة تجديد 💰

هاني قالهم: لأ.. أنا عاوز الـ40 مليون ثابتة ومش مرتبطة بأي متغيرات! 🫠

أنا بصراحة مستغرب لكذا نقطة جدًا:

🔴 أولًا: هو هاني بأنهى منطق تعرض عليه أعلى فئة في الفريق؟! 🤔
هل هو في التأثير والأهمية زي إمام مثلًا؟! ❓

🔴 ثانيًا: اللي فكر يحط عرض زي دا لهاني شاف أرقامه أو يعرف عنها حاجة؟! 📊
أرقام هاني طوال مسيرته، لاعب زي الشيبي بيعملها في سيزون واحد! 😶

🔴 ثالثًا بقى: هاني جايب الثقة دي منين بجد عشان يتمرع كدا ويطلب ويتشرط؟! 😳💰

وعشان متجيش تقولي: "أصل مفيش باك يمين أحسن منه" 🙄

هقولك: دا فشل وكسل وعين مبتعرفش تدور! 👀

هو الشيبي دا جاي من كوكب تاني مثلًا؟! 🛸😂
دور كويس جوا مصر أو برا، هتلاقي اللي يفصل من هاني دا 100 لاعب! 🔥

أنا لو في الإدارة؟
مستحيل أدفع في لاعب زي هاني دا نص مليون حتى!

ف الختام سؤالي ليك:
هل هاني يستحق الارقام ال بيطلبها دي؟!

🔥🇪🇬 هتصدقني لو قولتلك إن الموهبة اللي قالبة الدنيا دلوقتي في البرازيل… لاعب مصري؟! 😳🇧🇷

أنا كنت زيك والله كده، مش مصدق الموضوع 🤯 لحد ما بحثت ورا الحكاية وجبتلك كل تفصيلة عنه 👀👇

اللاعب اللي قدامك في الصورة اسمه جهاد العدوي 🇪🇬⭐
مولود في البرازيل لأب وأم مصريين، وعنده 15 سنة، ومركزه مهاجم / جناح أيسر ⚡️🎯

والأهم؟ 👇
بيلعب في فريق الشباب بنادي سانتوس البرازيلي 🇧🇷⚽️، وعامل هناك ضجة كبيرة جدًا 🔥🔥

والأرقام هي اللي بتتكلم:
⚽️ 22 هدف
🎯 14 أسيست
⏱️ في 8 شهور بس! 😱

طيب ليه لازم نتابع الولد ده بالتحديد؟ 🤔👇

🔷 أولًا: جهاد بيتعلم في أكاديمية سانتوس، النادي اللي خرّج نجوم كبار في تاريخ الكرة البرازيلية والعالمية 🌟🇧🇷
والأهم إن النادي وصلته بالفعل عروض أوروبية للاعب، لكن فيه إصرار على التمسك بيه عشان يكمل تطوره وياخدوا منه مبلغ خرافي مستقبلًا 💰🔥

🔷 ثانيًا: اللاعب يحق له تمثيل منتخب مصر أو منتخب البرازيل 🇪🇬🇧🇷
يعني لازم من دلوقتي يكون فيه متابعة وفتح خط تواصل مع والده 👀📞

والخبر المفرح بقى ❤️🇪🇬
إن اليوم السابع عمل حوار مع اللاعب، والولد عبّر بوضوح عن حلمه بتمثيل منتخب مصر، وقال إنه يتمنى إن حد من الاتحاد المصري يتواصل معاه 🦅❤️

جهاد عنده 15 سنة، وأقرب منتخب سني ليه هو منتخب 2009 اللي ماسكه كابتن حسين عبداللطيف 👌⚽️

فالسؤال هنا:
هل البوست ده ممكن يوصل للاتحاد المصري؟ 👀🇪🇬

عن نفسي… أتمنى جدًا أشوف لاعب مصري متأسس في أكاديميات البرازيل وهو لابس قميص منتخب مصر يومًا ما ❤️🦅

احفظوا اسم جهاد العدوي كويس… يمكن بعد كام سنة نفتكر البوست ده ونقول: إحنا كنا عارفينه من البداية! 🔥🇪🇬

بين 4 لعيبة بيستلم وبيلف جسمه وبيحطها شومة ف التسعين ، دا ابسط وصف للهدف اللي جابة عودة الفاخوري من شوية مع بيراميدز في مرمى ابوقير للاسمدة...

عودة الفاخوري الصفقة اللي كان بينها وبين الاهلي رتوش صغيرة جدا وشوية دلع وتراخى وتباطؤ خلو بيراميدز يخطفوها مننا
انا وقتها قولت بالنص( انت خسرت بنشرقي جديد ف عز توهجه )

الفاخوري بادىء الموسم بفورمة كبيرة اوي ولاعب مؤثر جدا ف تشكيلة بيراميدز وللمباراة التانية ع التوالي بيسجل وبيتألق وشكله هيكون موسم كبير اوي له، ف المجمل بيراميدز مع موكوينا فريق تقيل اوي ومرعب وعنده عمق اسكواد ضخم، بيراميدز عنده تشكيلتين ياخدوا الدوري مرتاح عشان كدا لازم لعيبتنا تفهم ان مفيش اى مجال للتفريط ف اى نقاط لأن دا لو حصل قطار بيراميدز مش هيسمى علي حد وأولهم احنا...

ف الختام السؤال مطروح

مين يتحمل ضياع موهبة زي دي من الاهلي؟!

لو أنت مكان مدرب الأهلي "عموتة" وعندك قرار واحد بس تعمله قبل الماتش بكرا قدام "زد" … هتغيّر إيه؟ 👀🔴

تشكيل؟
خطة؟
لاعب أساسي تستبعده؟
لاعب احتياطى انزله اساسي؟
ولا المشكلة أكبر من كده؟

عايز أشوف رأيك لأنه يهمنى 👇🔥

اللي فاكرها مجرد إمضا وتجديد… يبقى مش واخد باله من اللي بيحصل! 👀

الأهلي أعلن رسميًا تجديد عقد مروان عطية حتى 2030 ✅🔴

بعد إمام عاشور، الإدارة بتقفل ملف نص الملعب بدري وتحافظ على قوام الفريق الأساسي.
لكن السؤال المطروح
ليه الاهلي متمسك بالحفاظ علي مروان؟ 🤔

لأنه مش مجرد لاعب ارتكاز… ده رمانة ميزان الفريق حرفيا :

- 🛡️ قوي في الاستخلاص والاعتراض وقراءة اللعب.
- ⚽ بيعرف يطلع بالكورة تحت الضغط ويمرر بسرعة.
- 💪 ثابت المستوى وبيظهر في الماتشات الكبيرة.
- 🧠 مرن تكتيكيًا؛ يقدر يلعب 6 أو 8 حسب احتياج الفريق.

تجديده لحد 2030 مش مجرد مكافأة…
دي رسالة إن الأهلي عايز يحافظ على عموده الفقري ويبني عليه للسنين الجاية. 🔥

موقف مروان اثناء التجديد عمر الجمهور ما هينساه ابدا وانها تكون اسرع عملية تجديد تمت واللاعب يقولهم انا سايب الارقام لتقدير النادي ، دا موقف مش لعيبة كتير بتعمله والجمهور مبينساش 🏆❤️

سؤال غريب للجمهور 👇
شايف انهو اهم بالنسبالك تجديد امام ولا مروان 🤔

البوست دا هنتكلم فيه عن موضوع الكل تقريبًا بيخاف يفتحه ويتكلم فيه… 👀
فأرجوك مزيد من العقل 🧠، مزيد من الهدوء، وقليل من العاطفة ❤️‍🔥 وإنت بتقرأ.

البوست هيكون عن علاقة امام عاشور بجمهور الاهلي...
خلينا نبسط الموضوع وناخده سؤال وجواب 👇

❓ هل الجمهور كله راضي عن تجديد إمام عاشور؟

بالتأكيد لا ❌
وجزء مش قليل من جمهور الأهلي كان يفضل بيع اللاعب أو التخلص منه بأي شكل.

❓ هل إمام يتحمل مسؤولية انقلاب جزء من جمهور الأهلي عليه؟

بالتأكيد يتحمل.
وقولناها ألف مرة قبل كده… إمام موهبة كبيرة جدًا، لكن بعقلية صغيرة جدًا. ⚽🧠

❓ هل فيه أطراف خارجية بتستغل التوتر ده؟

بالتأكيد فيه.
أطراف طول الوقت مصلحتها إن العلاقة بين اللاعب والجمهور تكون أسوأ ما يمكن، وللأسف جزء من جمهور الأهلي بينجرف ورا القصة دي. 👀

🔥 السؤال الأخطر بقى…

❓ هل جمهور الأهلي مش هيغفر لإمام الواقعة الشهيرة إياها؟

دي إجابة صعبة جدًا، لأنها مرتبطة بكل الإجابات اللي فوق.
لأن ببساطة الجمهور بقي بيربط اى تصرف ليه بالواقعه دي ، ع الرغم ان تصرف زي دا ممكن يقبلوه للعيبة تانية عادي...

لكن اللي أقدر أقوله إن إمام مش أول لاعب يغلط… واللاعب اعترف بخطئه واعتذر.
طب ليه ما نتعاملش مع الموقف إنه صفحة واتقفلت؟ 📖

ليه ما نديش للاعب العذر إنه وقتها كان صغير في السن، وعقليته مش ناضجة، وكان شايف إن التصرف ده هو اللي هيكسبه حب الجمهور؟

إبراهيم سعيد قال عن الأهلي ما ف الخمر والإدارة سامحته، وبعد كده اشتغل كمان في أكاديميات النادي عادي .

وصالح جمعة اسوأ عقلية دخلت الاهلي …
فهل عقلية إمام هتكون أسوأ منه؟ 🤔

أشمعنى جت عند إمام ومش عاوزه تتبلع ؟!

المفروض المسطرة تبقى واحدة مع الكل. ⚖️

🎯 الخلاصة:

إمام كده كده مكمل معانا لغاية 2030، فلازم إحنا كجمهور نتقبل ده عن قناعة.

ومتسمحش لأي طرف من بره إنه يفضل ينفخ في الخلاف بينك وبين اللاعب لحد ما العلاقة تتحول لحر، ب مستمرة. 🔥

وفي النهاية…
إنت عاوز إيه من اللاعب أكتر من إنه يكون مؤثر وفعال مع الفريق ويكسب معاك البطولات؟ 🏆

👇 ف الختام سؤالي ليك:
مين ورا توتر العلاقة بين اللاعب والجمهور بصراحة ؟!