Coach Rasha Diab

Call

Coach Rasha Diab Contact information, map and directions, contact form, opening hours, services, ratings, photos, videos and announcements from Coach Rasha Diab, Coach, Cairo.

Self-Relationship Coach
باساعدك علاقتك بنفسك تبقى مُتزنة وتقدري تتعاملي مع علاقاتك بطريقة مريحة ومناسبة ليكي
Online sessions for ladies only
WhatsApp 01225054494 * Resolve Coach

* Meta Coach

* Meta NLP practitioner

* Trauma and Phobia Therapist

* Peat practitioner

* EFT practitioner

*Relationship Coach

* Chromatic Healer Level 3

* Chromatic Relationship
Healer

بتحلمي تُقعدي مع ولادك قعدة مريحة؟تتفرجوا على فيلم وتضحكوا سوا ومستمتعين بوقتكمنفسك انهم يقولوا حاضر يا ماما من أول مرة ...
11/10/2026

بتحلمي تُقعدي مع ولادك قعدة مريحة؟
تتفرجوا على فيلم وتضحكوا سوا ومستمتعين بوقتكم

نفسك انهم يقولوا حاضر يا ماما من أول مرة بس الحقيقة انهم مش بيسمعوا الكلام وانتي بتبقي متوقعة ان كل حاجة تمشي صح من غير ولا غلطة وده بيخليكي تتعصبي عليهم

طيب ايه رأيك نتكلم الاول عن صورة الأم المثالية وجايزة الأم المثالية اللي اتربينا عليها... واقنعونا ان الأم الشاطرة لازم تبقى perfect ...

بس احنا بشر مش آلات، يعني أوقات بنتعب وأوقات بنزهق وكمان أوقات بنكسل ونبقى مش عايزين نعمل حاجة


والأطفال كمان طبيعتهم انهم بيتحركوا، بينسوا...

بيجربوا ويغلطوا عشان يتعلموا.. دي الطريقة الوحيدة اللي بيتعلموا بيها واحنا كمان زمان لو تفتكروا لما كنا أطفال كنا كده....

وده مش عيب فيهم ولا تقصير مننا....

فمش لازم أكون أم مثالية عشان أكون أم كويسة وأستمتع بوقتي مع ولادي 🤍

انتي كمان قوليلي رأيك:
هل فعلا لازم كل حاجة تبقى perfect ولازم تبقى 100% عشان أبقى أم شاطرة ؟

#علاقات








كل يوم بتصحي من النوم واخدة قرار ان النهارده هيبقى يوم مختلف هيبقى يوم هادي....هتتكلمي مع أولادك وتسمعي منهم حكاياتهم وه...
09/10/2026

كل يوم بتصحي من النوم واخدة قرار ان النهارده هيبقى يوم مختلف هيبقى يوم هادي....

هتتكلمي مع أولادك وتسمعي منهم حكاياتهم وهتتناقشي مع زوجك في الحاجات اللي متفقين تتكلموا فيها وتأخذوا فيها قرار

وغصب عنك مع كتر الطلبات
بتلاقي الهدوء اللي بدأتي بيه اليوم بيقل واحدة واحدة
وصوتك بدأ يعلى شويه....
وردودك بقى فيها شدة

وترجعي لنفس النقطة اللي كنتي مقررة انك هتبعدي عنها

بس هأقولك على سر أنا كنت كده زمان 🥰

لحد ما بدأت أفهم ان أول خطوة عشان أحافظ على هدوئي مش اني أجبر نفسي اني أهدى....

إنما اني أبدأ أراقب نفسي
وأشوف ايه اللي بيحصلي بيغيرني كده

وايه الحاجة اللي بتخرجني برا هدوئي

واكتشفت اني لما عرفت النقطة دي قدرت أخد بالي منها
وقدرت أغير رد فعلي قبل ما أرجع لنفس الموقف تاني

فلو يومك شبه يومي زمان ف أنا جايلك من المستقبل وباقولك: جربي النهارده بس تراقبي نفسك
ولو حسيتي ان هدوئك بدأ يقل...

اسألي نفسك:
ايه الحاجة اللي بتحصل قبلها مباشرة؟

عايزة ترجعي تثقي في حكمك على الأُمور؟​لو حاسة انك بقيتي بتشكي في نفسك، وفي تقييمك للأُمور بسبب علاقة مؤذية في حياتك...اع...
06/10/2026

عايزة ترجعي تثقي في حكمك على الأُمور؟

​لو حاسة انك بقيتي بتشكي في نفسك، وفي تقييمك للأُمور بسبب علاقة مؤذية في حياتك...
اعرفي ان العلاقة دي بتلخبط البوصلة النفسية، انتي مش ساذجة ولا ضعيفة.. انتي بس كنتي بتتعاملي بصدق في مكان مش أمان

والجاني دايما بيدور على ضحية يُمارس ألاعيبه عليها فلو خرجنا من دور الضحية واتحملنا مسئولية رجوعنا لنفسنا الحقيقية....

البوصلة هترجع تظبط تاني بس اديها شويه وقت 💚

ولو تحبي تفهمي أكتر ابعتيلي وهأرد عليكي بنفسي🌷

#علاقات








تخيلي تصحي الصبح تلاقي نفسك ارتحتي.... ووجع شايلاه اختفى تماما ومش مصدقة نفسك من الفرحة 🤩ده مش حلم.....دي اللحظة الحقيقي...
03/10/2026

تخيلي تصحي الصبح تلاقي نفسك ارتحتي....
ووجع شايلاه اختفى تماما ومش مصدقة نفسك من الفرحة 🤩

ده مش حلم.....
دي اللحظة الحقيقية اللي عاشتها كلاينت عندي بعد ما قررت انها تبدأ معايا جلسات، وكانت مشكلتها مع زميلتها في انها بتروح تفتري عليها عند مديرها وده كان مخليها في حالة غضب وعصبية

ولما سألتها الموقف ده بيحسسك بايه؟ كانت مستغربة من سؤالي وردت عليا بسؤال منطقي ايه العلاقة؟

ومعاها حق لاننا بنكون لسه مش عارفين ان اللي بيحصل في حياتنا إنعكاس لمشاعرنا وأفكارنا وبعدها جاوبت على سؤالي: انها حاسة بالظلم

وده شعور صعب جدا وممكن يتكرر في مواقف كتير في حياتنا

لكن الحمد لله بعد الجلسات بعتتلي تفرحني بالفيدباك الجميل ده 😍🎉

فإذا اتعرضتي لظلم في حياتك......

مش ذنبك انك اتظلمتي... بس مسئوليتك انك متسيبيش الظلم ده يوّقف مستقبلك 💚

ولو اخدتي القرار انك تتشافي من ظلم اتعرضتيله وعايزة تبدئي أول خطوة

ابعتي كلمة healing عشان تعرفي التفاصيل🌷

#علاقات








5 حاجات لو بطلتي تعمليها هتبعدي كل الأشخاص المؤذية من حياتك....1.متوافقيش على كل حاجه يطلبها منك الشخص اللى ادامك على حس...
30/09/2026

5 حاجات لو بطلتي تعمليها هتبعدي كل الأشخاص المؤذية من حياتك....

1.متوافقيش على كل حاجه يطلبها منك الشخص اللى ادامك على حساب طاقتك ومشاعرك

2.متحكيش لكل شخص تقابليه عن ضعفك وتبيني ادامه إحتياجك للحب والتقدير

3.كل شخص في حياتك له جزء من وقتك وتفكيرك..
مش يأخد كل وقتك وتفكيرك ويبقى محور حياتك

4.متعليش توقعاتك أوى في أي شخص عشان تحمي نفسك من الخذلان

5.وقفي عطائك اللي مالوش حدود واسمحي لنفسك انك تستقبلي زي ما بتدي ليهم

ولو بيتكرر في حياتك وجود أشخاص مؤذية احجزي استشارة مجانية لمدة 15 دقيقة عشان تفهمي الأسباب أكتر 💚

#علاقات









ازاي تحمي نفسك عشان محدش يخذلك ؟ليا صاحبة حكتلي مرة وقالت: مفيش حاجة أثرت في نفسيتي وهزتني من جوه اد الناس اللي كانوا ال...
23/09/2026

ازاي تحمي نفسك عشان محدش يخذلك ؟

ليا صاحبة حكتلي مرة وقالت: مفيش حاجة أثرت في نفسيتي وهزتني من جوه اد الناس اللي كانوا السبب في اني اقف قدام نفسي واسألها:

هو انا عملت ايه غلط؟
طب ايه اللي كان ممكن اعمله صح ومعملتوش؟

أنا ليه وثقت فيهم؟ أنا ليه اديت زيادة عن اللزوم؟

وده كتير بيحصل لما بنتخذل من حد عزيز علينا، أول حاجة بنعملها اننا نلوم نفسنا😔

بس الحقيقة ان كرم مشاعرنا مش ضعف ولاا عبط مننا عشان نلوم نفسنا عليها...

إنما التوقعات الزيادة هي اللي ممكن تسبب الشعور بالخذلان

والخذلان بالرغم من قسوته بييجي عشان يغير جوانا حاجات ونتعلم منها عشان ميتكررش في حياتنا تاني

* بينور بصيرتنا ويشيل الغشاوة عشان نكتشف حاجات كانت غايبة عننا

* بيعلمنا الحدود فنتعلم ازاي نحب وندي بس من غير ما نلغي نفسنا أو نحملها فوق طاقتنا

* بيرجعنا لذاتنا لما نكتشف ان السند الحقيقي والأمان مش من البشر واننا منعليش سقف توقعاتنا

ونعرف ان الأمان من ربنا سبحانه وبيتوجد جوانا احنا مش من بره

ونفهم ان كل تجربة صعبة عدينا بيها كانت مجرد محطة بتجهزنا لنسخة جديدة ثابتة وواعية أكتر

قولولي اتعلمتوا ايه تاني من الخذلان؟ ❤

#علاقات









تعملي ايه إذا كان ما يؤذيكي هو من أقرب الناس ليكي و كل ما تحطي حدود يزيد الأذى رفضا لحدودك؟عملتي بمقولة: اعتزل ما يؤذيكو...
17/09/2026

تعملي ايه إذا كان ما يؤذيكي هو من أقرب الناس ليكي و كل ما تحطي حدود يزيد الأذى رفضا لحدودك؟

عملتي بمقولة: اعتزل ما يؤذيك
واعتزلتي بهدوء ورحمة لكن الأذى مستمر...تعبتي وعايزة حل

أهم حاجة انك تكوني فعلا قابلة حدودك.... وعارفة ومؤمنة تماما انها حقك ومش مستنية انه يوافق ولاا مستنية تأكيد من حد انها حقك....

وما تدخليش في معركة لإثبات انه مؤذي، إنما ركزي على: هأعمل ايه لما يحصل السلوك ده؟

ممكن تقللي الاحتكاك بالتدريج وتحطي نتيجة واضحة للحد بتاعك من غير أي جدال: لو حصل كده تاني هأقفل المكالمة/هأنهي النقاش/ هأمشي
والمهم تنفذي النتيجة

أحيانا بيكون صعب انه شخص قريب وله مكانة كبيرة عندنا، فنحس ان وضع الحدود معناه اننا بنخسره، لكن ممكن نحب شخص أو نحترمه، وفي نفس الوقت نرفض سلوك مؤذي منه

وحاولي تكّوني دايرة تانية قريبة منك تكون قابلة حدودك زي ما هي❤

وكل ما مشاعرك وأفكارك اتزنت، كل ما قدرتي تطبقي الآية الكريمة: وأهجرهم هجرا جميلا

ابعتيلي كلمة (حدود) في رسالة وهأقولك على خطوة صغيرة تبدئي بيها النهارده 🌷


نفسي أوي التوتر والاسترس وقفشة المعدة اللي بقالها حوالي سنة عندي وبحس بيها حتى وأنا نايمة نفسي أوي تروح نفسي ارجع أتعامل...
14/09/2026

نفسي أوي التوتر والاسترس وقفشة المعدة اللي بقالها حوالي سنة عندي وبحس بيها حتى وأنا نايمة نفسي أوي تروح

نفسي ارجع أتعامل في المواقف وابقى شاطرة وباواجه زي الأول سواء في الشغل أو خارج الشغل

دي كانت الشكوى بتاعة عميلتي
وبدأت اسمع منها وأفهم الأسباب بتاعتها ولقينا ان المشاعر متخزنة في معدتها بسبب مواقف قديمة لدرجة انها بقت أي موقف بسيط يوترها ويأثر على ردود أفعالها وبقت عايزة تسيب شغلها اللي بتحبه لانها مش عارفة تُدير المواقف مع بعض الناس

وأول مااشتغلنا السشن بدأت المشاعر وقفشة المعدة تقل بالتدريج

واللي انعكس على مشكلتها اللي كانت بينها وبين حد تاني
ودي الفيدباك بتاعها بعد سشن واحدة 😍

مع ملاحظة ان أي إحساس أو وجع جسدي زي ما بيظهر بعد وقت طويل من تخزين وكبت المشاعر بيحتاج وقت أطول مقارنة بأي شعور نفسي عشان يروح فبيكون عدد الجلسات أكتر عشان كده نزلت برضه الفيدباك بتاعها بعد 3 أيام عشان نعرف الفرق بين الشعور النفسي والإحساس الجسدي

1: بعد السشن بيوم واحد

2: بعد السشن ب 3 أيام تحسن كبير بالنسبة لقفشة المعدة واللي لسه محتاجة نكمل شغل عليها عشان تختفي تماما

وأكيد عدد الجلسات بيختلف من شخص للتاني 🥰

ولو عايزة تستفسري اكتر ابعتيلي🌷




3 خطوات بسيطة تساعدك تتخلصي من الخوف من الزواجنفسك في الخطوبة والجواز وتكوني أم زي كل البنات، بس خايفة من الجواز والارتب...
04/10/2025

3 خطوات بسيطة تساعدك تتخلصي من الخوف من الزواج

نفسك في الخطوبة والجواز وتكوني أم زي كل البنات، بس خايفة من الجواز والارتباط، أوقات بتلاقي نفسك بتهربي من الموضوع أو تحاولي تبوظيه، تلاقي نفسك بتتلككي على حاجات تافهة عشان ميكملش، وأوقات تانية بتبقي مرعوبة أنه يكمل وتسألي نفسك
"هو أنا لو اتجوزت هاكون مبسوطة؟ ولاا حياتي هتبوظ زي فلانة؟"
السؤال ده يمكن بيطاردك كل ما تسمعي كلمة جواز

الخوف من الزواج مش ضعف ولاا هيفضل موجود لو قررتي تتعاملي معاه لانه رسالة من جواكي ان فيه معتقدات أو مشاعر محتاجة تتحرر
يمكن شوفتي علاقات حواليكي كلها مشاكل وخناقات
لكن الحقيقة ان الجواز في حد ذاته مش المشكلة، المشكلة في الحاجات اللي شايلاها جواكي ولسه متحلّتش
لما تشتغلي على صدماتك القديمة ومعتقداتك السلبية، هتعرفي تختاري شريك مناسب ليكي وتدخلي علاقة صحية، تشوفي نفسك مرتاحة ومطمنة وتحسي بالسعادة والرضا جواها🤗

🌱ودي خطوات عملية بسيطة تساعدك:

1. اكتبي كل المخاوف والمعتقدات اللي عندك عن الجواز على ورق
2. اسألي نفسك: "المخاوف والمعتقدات دي بتاعتي أنا ولاا متوارثة من أهلي والمجتمع؟"
3. ابدأي اشتغلي على تغييرها واحدة واحدة
ولو لسه مش عارفة تتعاملي مع أي معتقدات أو مخاوف ابعتيلي رسالة عشان تبدأي رحلتك في اكتشاف
نفسك وتحلي اللغز اللي جواكي 💖

#علاقات




#الكويت #السعودية
#دبي #الامارات




Address

Cairo

Telephone

+201225054494

Website

Alerts

Be the first to know and let us send you an email when Coach Rasha Diab posts news and promotions. Your email address will not be used for any other purpose, and you can unsubscribe at any time.

Shortcuts

Share

Category