الفارس الصحي

جدول غذائي مجاني لنظام الطيبات
⚠️ الميزان بينزل بشكل مرعب، عضلاتك بتختفي، والميه بتنشف من جسمك وإنت بتطبق نظام الطيبات؟
النظام عالج قولونك ومعدتك، بس خلاك تخسر وزنك وتدخل في جفاف؟ ده طبيعي جداً، لأن مفيش حاجة اسمها "كتالوج واحد" يمشي على كوكب الأرض كله! التطبيق الأعمى من غير فهم لطبيعة المجهود وجسمك هيدمر عضلاتك.وجسمك
وبصفتي الوحيد اللي بفضل الله قدرت أدمج (دراستي في الرعاية الطبية) مع (13 سنة خبرة في كمال الأجسام) وفلسفة الطيبات.. قررت أعملكم معادلة مفيش حد عملها قبل كده: (نظام الطيبات المرن للضخامة والقوة)!
شيلنا السكر المصنع، وظبطنا طاقة الجليكوجين، وعملتلكم (جدولين دايت مجانيين بالكامل) لزيادة الوزن، وبناء العضلات، وتقوية الأعصاب:
✅ جدول الأسبوع الأول: هتلاقوه في صور البوست ده.
✅ جدول الأسبوع التاني: حطيتهولكم في "أول كومنت مثبت" علشان ماتتوهوش.
(الجدول فيه مرونة تبدل وتاكل حسب ميزانيتك وظروفك).
كلمتين من القلب بقى يا فرسان:
في ناس بتفتكر إني بستغل "تريند الطيبات" علشان أعمل بيزنس! الحقيقة إن شغلي والبيزنس بتاعي قايمين بفضل الله من قبل التريند ما يظهر. الجداول العامة اللي بنزلها دي، والاستشارات المجانية، دي (زكاة علم) وصدقة جارية عن فكرة دكتور ضياء العوضي الله يرحمه.
لكن تصميم الجداول (المخصوصة) لكل حالة لوحدها والمتابعة الأونلاين، ده (شغلي وأكل عيشي) اللي بياخد نص يومي ومجهودي.. زيه زي كشف أي دكتور تروحله العيادة. 🤍
اللي يقدر يطبق المجاني أنا في ضهره، واللي حابب يكتبلي مشكلته (نحافة، تكيس مبايض، قولون) في الكومنتات يكتبها، وأكتر حالة هتتطلب منكم هعملها جدول عام مجاني الأسبوع الجاي!
مين من الجيش مكنته بتخسر وزن ومحتاج يدخل معسكر الضخامة؟ أثبتوا حضوركم! ⚔️🦅

#تغذية

كل سنة وأنتم طيبين وعزوة وسند يا فرسان! 🦅🤍
في اليوم عيد الاضحى المبارك دكاترة الدايت والمافيا بيطلعوا يخوفوكم من اللحمة الملبسة والدهون، ويقولولكم كوليسترول وتتخنوا! وهتموتوا بانسداد شرايين القلب
وأنا طالع لكم بالجلابية علشان أقولكم: كلوا دهون وماتخافوش.. افرحوا بأكل ربنا اللي أجدادنا عاشوا عليه بصحة وعافية!
الدهون الحيوانية دي مش بتسد الشرايين
الدهون دي هي (الوقود الخام) للمكنة!
للرجالة: الضاني والسمين وسنام الجمل هو المصنع الأساسي لـهرمون (التستوستيرون) الرجولة ودي اللي بتديك قوة غاشمة في الجيم، وبتزيت مفاصلك علشان ماتفرقعش.
وللستات (الفارسات اللي معانا): إياكي تخافي من دهون اللحمة
! فالدهون دي هي اللي بتظبط هرموناتك، وبتعالج تكيسات المبايض، وبتديكي نضارة للبشرة.. اللي بيتخنك وبيدمرك بجد هو الزيت المهدرج والدقيق الأبيض والمعجنات
اللي المافيا بتبيعهولك فده ، مش أكل الطيبات!
فا علشان كده.. ارموا ورقة الدايت التقليدي في الزبالة النهارده، وكلوا لحمة، وكلوا ضاني، وكلوا دهون.. واشحنوا المكنة بطاقة نظيفة!
أنا لبست الجلابية مستعد لصلاة العيد باذن الله ومستعد للفتة واللحمة الملبسة.. مين فيكم جاهز، وهتفطروا إيه النهارده من الطيبات؟
😄⚔️

بكره مش يوم عادي يا فرسان.. بكره يوم عرفة 🦅🤍
أعظم يوم نغسل فيه أرواحنا.. وأقوى (Restart) للمكنة والهاردوير! 🔥
إحنا بنصوم علشان ربنا أولاً ❤️
بس اللي فاهم كيمياء جسمه هيلاحظ إن الصيام الصح بيعمل معجزة في: طاقة العضلات، قتل الالتهابات، وصفاء العقل 😄⚔️
المشكلة إن القطيع متبرمج يدخل الصيام غلط!
يفضل يبعبع قهوة وشاي أخضر وكركديه قبل الفجر علشان يركز.. ويدخل الصيام وجسمه معصور من الميه (لأن دي مدرات بول)!
النتيجة؟ صداع، تنميل، خمول، وجفاف 😵
ويفتكر إن ده "طبيعي" من الصيام.. لا يا صاحبي، المكنة بتاعتك داخلة الصيام "ناشفة" وبتصرخ! 🔥
علشان كده، الفارس بيصوم بذكاء.. ودي خطة الطوارئ من النهارده لحد فطار عرفة:
🟢 من دلوقتي للسحور: اشرب ميه بذكاء وقت العطش بس، واقطع كافيين ومدرات بول تماماً علشان جسمك يحتفظ بترطيبه.
🟢 سحور الطيبات (طاقة خام): بلاش فول وبيض ينفخوا القولون ويسحبوا ميه جسمك في الهضم! محتاجين سحور خفيف يديك طاقة وثبات ومايعطشكش.
🟢 فطار عرفة (كسر الصيام)“أخطر غلطة في صيام عرفة… بتخلي جسمك ينهار آخر اليوم 😳🔥” هنكسر صيامنا بذكاء على تمر وميه، وبعدها وجبة ترمم المكنة وتعبي الجليكوجين من غير ما ترفع الالتهابات.
الجدول الكامل بالتفصيل (هتتسحر إيه وهتفطر إيه بالظبط) نزلتهولكم مثبت في أول كومنت 👇
واضغطوا على اللينك وادخلوا قناة الواتساب علشان نتابع مع بعض خطوة بخطوة المعسكر بتاعنا.
مين صايم ومجهز المكنة لبكره يا فرسان؟ أثبت حضورك! 🦅🤍

#تغذية

“9 كيلو عضل… وآيس كريم فيتامين دال و200 الف وحدة ولسه ممتش؟
وعايش وصحتي بتتحسن كل يوم اللهم لك الحمد 😂⚔️

”أنا حابب أشكركم من كل قلبي على دعمكم ووقفتكم جنبي بعد الفيديو الأخير. كمية التعليقات الإيجابية اللي شفتها خلتني فرحان بجد، وحسستني إني اكتسبت عزوة وأهل وأصحاب بجد يعوضوني عن أي حد خسرته في طريقي علشان أقول كلمة الحق.
ولكل الناس الجديدة اللي دخلت ومستغربة وعقلها عمل (Error).. إنتوا نورتوا معسكر الفارس! 🔥
وعلشان إحنا كبرنا وبقينا عزوة، أنا قررت نطلع (لايف - بث مباشر) النهارده الساعة 9:30 بالليل.
هندردش مع بعض، نتعرف على بعض أكتر، وأجاوبكم على كل أسئلتكم اللي محيراكم (إزاي باكل سكر وحلويات، وإيه سر فيتامين دال، وإزاي المكنة اتصلحت)!
جهزوا المشروب الطيب بتاعكم واستنوني..
مين جاهز وهيحضر المعسكر النهارده بالليل؟ أثبت نفسك في الكومنت وقولي أنا معاك يا فارس! 👇⚔️🤍

مافيا المكملات والفيتامينات والهرمونات حولتنا لـ (مدمنين)!
ورحت وزدت 9 كيلو عضلات بـ (نظام الطيبات) من غير كل الكلام ده وعلشان أثبتلكم إن اللعبة كلها كدبة! 😂⚔️
الناس بتشوفني واقف على المسرح، عضلات 3D ناشفة، بيسقفوا ومبهورين باللقطة.. بس محدش كان عارف إني بدفع الضريبة من دمي ومن جسمي!
لعبة كمال الأجسام دي أكبر مكان متناقض في العالم.. جفاف قاتل، قلة دهون بتدمر الأعصاب، وتبقى حاطط إيدك على قلبك وتدعي الماتش وفترة (التحميل) تعدي على خير من غير ما تموت أو يجيلك جلطة!
أنا خايف أفتح الملفات دي علشان اللي ممكن يحصل لي، بس الحقيقة لازم تتقال. في لعيبة كتير ماتت، وناس انسحبت من البطولات وناس اتدمرت علشان فهموا اللعبة متأخر. المافيا دي خلتنا مدمنين.. إدمان هرمونات، إدمان أدوية، وإدمان بروتينات ومكملات بتسحب طاقتنا وفلوسنا، وكل ده علشان صورة! وعلشان بطولة مزيفة
أنا دفعت فاتورة قاسية من عمري التهابات في كل جسمي، ألم مفاصل مابيرحمش، وعضلات ضخمة بس (شايخة) وعجوزة من جوه.
لحد ما قررت أفهم اللعبة صح وأحافظ على صحتي، ودخلت تجربتي مع (نظام الطيبات).. وهنا كانت الصدمة والحقيقة بجد اللي زعلت ناس كتير! منهم صحابي وناس قريبين مني
تخيلوا إن الخراب والالتهابات اللي عملتهم في جسمي في (14 سنة) حديد وهرمونات. ومكملات وفيتامينات العبقري دكتور ضياء العوضي (الله يرحمه) ونظام الطيبات صلحوهم في (50 يوم) بس! 🤯
الالتهابات اختفت، المفاصل خفت، والعضلات الشايخة العجوزة رجعت شباب ومرنة.زي السوط او الكرباج السوداني يا اخوانا وطبعاً الضربة القاضية للمافيا دي؟ إني رميت كل علب البروتين، والمكملات، والفيتامينات، وحتى الـ (Pre-workout) اللي كنت بدفع فيهم دم قلبي في الزبالة!
50 يوم عملت فيهم عضلات وقوة وأداء مرعب في الجيم من غير أي سفنجة صناعية، وزدت 9 كيلو عضلات فيها روح وصحة، علشان المكنة اتصلحت من جوه واشتغلت على نظافة!
فا علشان كده، أنا قررت أكون طوق النجاة لأي حد غرقان في المستنقع ده أو جسمه بيصرخ من التعب.
عملتلكم (جدول غذائي يومي) مجاني، جدول هدفه الضخامة والقوة، وفي نفس الوقت بيعالج الالتهابات، وبيحارب شيخوخة العضلات، وبيرجع هرموناتك لطبيعتها من غير إدمان ومكملات.
أنا نزلت أول أسبوع من الجدول على جروب الواتساب بتاعي (عقل الفارس)، واليومين الجايين هنزل باقي الـ 14 يوم علشان تلحقوا.
لينك الجروب في أول كومنت.. ادخل وهات صاحبك اللي تعبان وبيلف حوالين نفسه.
خرجوا نفسكم من مستنقع الإدمان.. الكيمياء والبيولوجي مابيكدبوش يا فرسان! 👇🤍
#التغذية #هرمونات

يا فرسان الطيبات.. ويا وحوش الحديد! 🦅🔥
كنت فاكر إني ببني عضلات... واكتشفت إني بكبّر عضلة "مُرهقة" وملتهبة! وعجوزة
أنا لاعب حديد طبيعي بقالي سنين، وكنت فاكر إن القوة معناها: بروتين أكتر، وتمرين أعنف، وضغط أكتر على المكنة.
لكن بعد فترة، بدأت أحس إن عضلاتي رغم حجمها الضخم، فيها حاجة "عجوزة وشايخة". البامب (Pump) مش ثابت، الاستشفاء بطيء، الجسم ملتهب من جوه، والطاقة بتتبخر بسرعة.
وقتها أنا أصلاً كنت رافض كلام دكتور ضياء العوضي (الله يرحمه)، علشان كنت شايف إن عالم كمال الأجسام ليه قوانينه الخاصة. بس اللي فهمته بعد التجربة، إن الراجل ده ماكانش بيعمل نظام علشان يبني "لاعب مستر أوليمبيا".. هو كان بيصلّح (الهاردوير) نفسه ويعالج المكنة من جوه!
وهنا أنا سديت الفجوة.. دمجت نظام الطيبات مع خبرتي كلاعب حديد، وحصلت الصدمة!
لأول مرة أحس إن العضلة بقت أخف، أقوى، ومرونة عضلاتي مرنة زي السوط وأصغر سناً البامب رجع مرعب، والاستشفاء اختلف، وإحساس الجسم كله اتغير.
فا علشان كده، وعلشان نختصر الطريق على أي حد تايه من فرسان الطيبات
أنا صممت (جدول غذائي يومي لمدة 14 يوم) ⚔️
ف يا فارس14 يوم بس تجرب مش هتخسر حاجه هتريّح فيهم المكنة، وتنضف جسمك، وتشوف العضلات والصحة بعين جديدة.
الجدول ده (مجاني بالكامل). تمنه الوحيد هو دعوة حلوة من قلبك ليا ولأبويا وأمي، وللدكتور ضياء، ولأمواتنا جميعاً ومشاركه للبوست لانه مضيقين الخناق علينا اووي
ورجاء ولو مقتدر، تطلع صدقة لو بسيطه بنية الشفاء لأي حد محتاج. 🤍
إزاي تستلم الجدول؟
عملتلكم جروب واتساب خاص اسمها عقل الفارس و هرفع عليه الجدول الغذائي كامل وكل التفاصيل . دوس على اللينك اللي في أول كومنت وانضم للكتيبة فوراً!
ولو عندك صاحب جسمه مرهق، أو بيلف بين أنظمة الدايت والمكملات ومش فاهم جسمه.. اعمله منشن هنا وخليه يبدأ معاك الرحلة من النهاردة. 🛡️
الكيمياء مابتكدبش يا فرسان.. مستنيكم في الجروب! 👇🔥