Newcastle Sarcasm

ياه هي دي الاخبار اللي تفتح النفس ولا بلاش 🥰
الأسطورة تريبير باقي ويتمدد حتي 2025 ✅

بما انك لسه جديد في تشجيع نيوكاسل احب اعرفك بأسطورة النادي وأسطورة الدوري الانجليزي كله علي مر التاريخ الأسطورة الآن شيرر
الآن شيرر هو اعظم لاعب مر علي الدوري الانجليزي طول تاريخه وهو الهداف التاريخي ليه كمان كان من افضل اللاعبين في العالم في فترة التسعينيات وانتقل لنادي نيوكاسل سنة 1996 ولعب مع النادي عشر سنين محققش فيهم أي بطولة لكنه كان بيقدم مستويات عالية كل سنة وخد لقب هداف الدوري اكتر من تلات مرات وبقا الهداف التاريخي للنادي وللدوري الانجليزي كله علي مر التاريخ.

باختصار كده عايز تتكلم عن الدوري الانجليزي يبقا تتكلم عن الأسطورة الآن شيرر 🫶❤️

بسم الله الرحمن الرحيم وبه نستعين وعليه نتوكل ❤️
في البداية أحب اعرفكم بالبيدج والمحتوي اللي هيبقا عليها..

اولا احنا بيدج مختصة بالتطبيل لأعظم نادي في الكون نيوكاسل يونايتد وكل نجوم الفريق زي تريبير وايزاك ⚫⚪
محتوي البيدج هيبقا ترول علي كل الفرق وعلي اي حدث كروي هيعمل ضجه في عالم الكورة فمتزعلش لو لقيتنا بنترول علي الفريق اللي انت بتشجعه احنا في الاول وفالاخر بنترول يعني 😅
قواعد البيدج زي اي بيدج اكيد معروفة بس نعيدها تاني:

1- اي شتيمة أو أي غلط فأي حد هتاخد ميوت اسبوع ولو اتكرر تاني هتاخد بان نهائي

2- ممنوع الترول علي فريق نيوكاسل احنا بس اللي بنترول علي نادينا براحتنا 😆

3- ممنوع نشر أي لينكات أو روابط من خارج الصفحه علشان متاخدش بان

4- نتمني أن محتوانا يعجبكم وياريت تشيروا البيدج بين اصحابكم علشان نكبر مع بعض ونواصل للعالميه 💘

لفت لأعظم لاعب في الدوري الانجليزي 🫶