نَبَاتًا حَسَنًا- دنيا عادل

27/08/2026

27/08/2026

بما إني متشخصه انا و ولادي ADHD بغض النظر عن تعريفه و النظريات المختلفه عنه بين الناس كلها، و بالتالي انا مهتمه بكل ما يخصه ..
سمعت واحده قالت جمله رائعه ... قالت الحضارات القديمه مكانش عندهم تشخيص توحد و ADHD و مسمعناش عنه قبل كده لأن هما مكانوش بيحاولوا يعالجوا المتباينين عصبيا لكن كان ليهم شغلهم او
" شغلانتهم" يعني ...
يعني ببساطه التشخيص جاي من إننا حصرنا الطبيعي في اللي يقدر يقعد ٨ ساعات علي ديسك أو كرسي و يوقف كلام و تفاعل و حركه سواء كتلميذ أو طالب أو موظف و ما غير ذلك فنعالجه علشان يقدر يعمل كده!
أعتقد إني موافقه علي الكلام ده.
الإنستجرام

https://www.instagram.com/coachdoniaadel?igsi=MTZmNHhoMzJoOHk4cg==

21/08/2026

هبه أم وحيده لأربع أبناء
زوجها شهيد أو مفقود من وقت الحرب
عندها مصاريف مدرسه متقدرش توفرها لوحدها
كانوا ٢٠ ألف جمعنا ٦ الالاف فاضل ١٤ ألف.

ما نقص مالا من صدقه ♥️♥️

21/08/2026

من بعد بابا اتغيرت علاقتي بالأكل تماما.
اللي يعرفني يعرف اني خسيت جدا من بعد بابا و ده الحقيقة كان ليه عوامل كتيره بس في حاجه مهمه اتغيرت و فرقت جدا فيا.
وهي علاقتي بالأكل... أو بمعني أصح علاقتي بالجوع...
كنت زمان الجوع بالنسبالي شعور محرك ... لما بجوع ابقي ب Panic كأني مثلا لو جعانه و مأكلتش ممكن اتأثر في شئ أو ممكن يحصل حاجة فبالتالي الجوع كان شعور يخليني اتحرك و مؤثر في سلوكي ... حتي فكره إني اخد اكل معايا الشغل علشان لو جعت !!!
بعد بابا عشت مشاعر كان المفروض تموت ... تأذي ... تهد الدنيا و لكن في الحقيقة أنا ممتش ولا حصلي حاجة!!!
مشاعر كانت تهد جبال لكن معملتش حاجة لأن مفيش حاجة كانت ممكن تتعمل ترجعه أو ترجع لحظه واحده من اللي فات !!!
من بعدها بقيت بشوف المشاعر علي حقيقتها!! مجرد مشاعر ... لا بتأذي و لا المفروض تكون محرك أساسي ... هي رسايل .. معلومات .. لغه ... مش اكتر
مجرد ما تقعد معاها هتروح لحالها و كانت أول مره أشوف الجوع كده ... شعور ..مجرد شعور ... مش إحتياج ولا صفاره إنذار ..
شعور ... لو استنيت عليه وقعدت معاه هيروح وبالتالي مبقتش باكل علشان الشعور بالجوع فقط لكن باكل نتيجه حاجات كتير .. توفر وقت مناسب ومكان مناسب واكل صحي نضيف وبعض الجوع علشان أكل... قبل كده كانت ممكن أقف اجيب أي كيس شيبسي ولا كيكه و أكلها علشان أسد جوعي أو بمعني أخر أسكت شعوري بالجوع ... لأني كنت بلا وعي معتقده إني لازم اتصرف بناء علي الشعور..
الحقيقة قبل بابا كنت عارفه ده عن المشاعر عموما بس عمري ما عاملت الجوع علي انه شعور ... مجرد شعور ...
مش عارفه حد فهمني ولا لأ!!!

15/08/2026

👮‍♀️👮‍♀️👮‍♀️ اللي مش هيربي عياله ميخلفش 🤣🤣🤣

ده اللي كان نفسي اقوله لكن بدل كده قلت
" والله ياجماعه اللي بيربي بالشبشب تعبان و اللي بيربي بوعي تعبان و اي حد بيربي تعبان بس إني اربي بوعي وبالتالي أفهم إني مش هاخد نتايج فوريه و ده يمكن يجرح الايجو بتاعي فأضطر أكون أوعي و اتعافي علشان اربيهم ان يبقي عندهم ضمير لما يكبروا و يفهموا بيعملوا ايه ليه و يعملوه مش خوفا من العقاب و لكن لأنه الفطره اللي فطرهم الله عليها والصح اللي ضميرهم عارفه و إني اخد نتايج متأخره شويه ولكن دائمه و عميقه الأثر بدل فوريه سطحيه و في خلال الرحله اتربي انا كمان واكتشف نفسي و ما نقصها واعمل عليه هو جوهر عباده الله و رضاه"

والسلام عليكم ورحمة الله وبركاته 😁😁😎

الإنستجرام ♥️♥️♥️
https://www.instagram.com/coachdoniaadel?igsh=MTZmNHhoMzJoOHk4cg==&igsi=MTZmNHhoMzJoOHk4cg==

13/08/2026

لسه الصور موصلتش ليا بس دي الصور اللي نورين صورتهالي ❤️❤️
النهاردة في معرض ساقية الصاوي للكتاب و ندوه عن الصحه النفسيه مع دار كُتُبنا - Kotobna للنشر.
مبسوطه أوي إني قدرت أدي لنورين ذكري زي دي و إنها تفتكر أمها كانت ماسكه المايك و بتتكلم عن الوعي و الصحه النفسية و الخير ❤️❤️
الحمد لله ... وعلي فكره الكتب كلها هناك بخصم ٥٠ % 💥💥💥💥

10/08/2026

يالا نتقابل ؟؟ 🏃‍♀️🏃‍♂️🏃🏻‍♀️🏃🏽‍♀️🏃🏼🏃🏻‍♂️
هكون موجوده ان شاء الله في معرض كتاب ساقيه الصاوي اللي عاوز نتقابل يجي يالا
الدعوه مجانيه و عامه

📚 حفل توقيع جماعي لإصدارات التنمية النفسية
📅 الخميس 13 أغسطس 2026
🕖 من الساعة 7:00 إلى 8:00 مساءً
📍 ساقية الصاوي – الزمالك، شارع 26 يوليو، أمام سنترال الزمالك (من ناحية أبو الفدا).

10/08/2026

🔥 المفاجأة الخامسة وصلت! 🔥

لو مهتم بعلم النفس، وتطوير الذات، وفهم أعمق للنفس البشرية... متفوتش اللقاء ده!

في انتظاركم في حفل توقيع جماعي ونقاش مفتوح مع مجموعة من مؤلفينا، هنتناقش فيه عن أبرز إصدارات التنمية النفسية، ونجاوب على أسئلتكم، ونشارككم أفكارًا وتجارب هتفتح أبوابًا جديدة للنقاش.

دي فرصتك تقابل المؤلفين، وتشارك في حوار ثري وملهم، وتتعرف على أحدث إصدارات التنمية النفسية.

📚 حفل توقيع جماعي لإصدارات التنمية النفسية
📅 الخميس 13 أغسطس 2026
🕖 من الساعة 7:00 إلى 8:00 مساءً
📍 ساقية الصاوي – الزمالك، شارع 26 يوليو، أمام سنترال الزمالك (من ناحية أبو الفدا).

مستنينكم... ولسه عندنا مفاجآت أكتر خلال المعرض! ✨


#كتبنا

02/08/2026

كتابي "لترضى" متوفر على عبر الرابط:
https://www.abjjad.com/book/1034095919122?utm_source=copy&utm_medium=social_website&utm_campaign=share

#أبجد
#لترضى

كتاب لترضى تأليف دنيا عادل متوفرة للقراءة ككتاب إلكتروني على أبجد. استمتع بتحميل و قراءة كتاب لترضى وآلاف الكتب العربية والمترجمة الأخرى بدون انترنت