04/07/2023
🤔🤔🤔🤔🤔
⏳
كورة بالlogic
Share
Football Analyst
04/07/2023
04/07/2023
رسميا الوكرة القطري يعلن تعاقده مع حمدي فتحي 💔
الاهلي هيفتقد لاهم لاعب خط وسط في اخر 5 سنين و من افضل لاعبي الوسط الي لبسوا تيشيرت الاهلي او المنتخب
حمدي اللاعب الي مختلفش عليه 2 .. مفيش مدرب من اول فايلر لحد كولر ملعبهوش اساسي
عماد متعب لما اتسال مين من الجيل الحالي الي تقول ياريته كان معانا مترددش ثانية وقال حمدي فتحي 🔥
الاهلي لازم يعوضه بلاعب قوي جدا بنفس قدرات مروان عطية و اكتر كمان
لان للاسف هتفقد لاعب بيقطع كل تمريرات الخصم بيشوط من برة بيزيد و بيلعب بدماغه بيدخل بين الخطوط و يسجل اهداف
انت هتفتقد للاعب جوكر 🤚
#الاهلي
المغرب : رابع كاس العالم / اول منتخب عربي يفوز علي البرازيل / تصنيفه ال11 عالميا
السعودية : اقوي دوري في اسيا / بين سبورت تشتري حقوق البث بتاعه / بنسبة كبيرة هيتسضيفوا كاس عالم 2030 / دة غير كم البطولات الي بتتلعب عندها زي السوبر الاسباني و الايطالي و كاس اسبانيا هما الي بيذيعوه و كاس عالم للاندية / استضافة كاس العالم للاندية 2023 الجي
مصر: لسة بنحتفل بجون حمص ف ايطاليا و عملنا ماتش جامد امام البرازيل / بنلعب الكاس القديم و السوبر القديم / مدربين معهمش رخصة يدربوا
#المغرب
#السعودية
18/03/2023
قائمة المنتخب الوطني لماتشين مالاوي في تصفيات كأس الامم الافريقيه 🖐️
بالنسبالي قائمة منطقية جدا و مفيهاش اي حاجات غريبة
حراسة المرمي : خد الخبرة و الي بيشارك كتير ... بس اعتقد انه هيلاعب أحمد الشناوي
خط الدفاع : حرفيا هو مجبر علي محمد هاني لأن مفيش غيره بيشارك بانتظام مع الاهلي و بيشارك افريقيا و كاس عالم
خط الوسط : مبسوط جدا بانضمام مروان عطية ... لانه فعلا يستحق و ان شاء الله هيثبت نفسه بشكل كبير
احمد عبد القادر لو ممسكش في الفرصة دي مش هيلاقيها تاني
خط الهجوم : منطقي جدا ... و اخيرا كهربا يرجع بعد غياب ٣ سنين عن المنتخب
واكيد هيكون ليه دور وهيكون من نجوم الماتشين انا متاكد 🔥
17/03/2023
نابولي 🔥 ميلان
لقاء تكتيكي علي اعلي مستوي 👏👏❤️
فرصة ذهبية لنابولي للصعود للنهائي .. الي هيفوز هيقابل المنتصر من بنفيكا او إنتر
مباريات في المتناول لجميع الاربع فرق .. علي عكس الاربعة التانيين( ريال تشيلسي بايرن السيتي ) عوء ❌🔥😂😂
نابولي يمر بفترة ذهبية و استثنائية في تاريخه ..معنويات في السما حرفيا 🖐️
ميلان جعان ماتشات دوري ابطال .. كبرياء و شخصية الميلان الي غايبة بقالها سنييين كتير اكيد دة هيكون ليه دور مع لاعبي الميلان
اتوقع فوز نابولي و الصعود 🖐️❤️🔥
#ميلان
#نابولي
17/03/2023
إنتر ميلان 🔥 بنفيكا
يعتبر دة اقل ماتش في المااتشات كلها .. و لكن كل التوقعات رايحة لانتر ميلان
مع ان الانتر مستواه مش قوي اطلاقا... دفاعيا كويس
ولكن هجوميا عقيم جدا
و لولا قلة خبرة بورتو في دور ال١٦ كان زمانه ديربي برتغالي 😅🤷
اتوقع فوز بنفيكا و صعود تاريخي لنصف النهائي 👏👏
#بنفيكا
17/03/2023
ريال مدريد 🔥 تشيلسي
مباراة مكررة لتالت سنة علي التوالي بين الفريقين 👏
علي الورق و الخبرة و الاستقرار الفني و الإداري وكل شئ طبعا في صالح الريال 🤷
تشيلسي بتمر باسوأ موسم ليها في السنين الاخيرة .. لاعيبة ممتازة و لكن مدرب صفر تنفيذ و استغلال اللاعبين
و لكن في نقطة وحيدة في صالح البلوز ..و هي ان العودة في ستامفورد بريدچ .. تشيلسي لو قدر يخرج بنتيجة ايجابية من البيرنابيو و لو خسارة بفارق هدف بس ... احتمالات صعود تشيلسي هتزيد
و لكن دة ريال مدريد برضو🔥🔥🤷❤️
#ريالمدريد
#تشيلسي
21/02/2023
مش طبيعي 🖐️🔥
انك تلعب في الانفيلد .. و خسران ٢/٠ في اول ربع ساعة
توصل للدقيقة ٦٥ و انت كسبان ٥/٢ ... دة ميعملهاش غير ريال مدريد 👏👏🖐️🤍🔥
فريق بيتحول حرفيا بمجرد سماعه لنشيد دوري ابطال اوروبا 🎼😍
ياسر القحطاني: نابولي مرشح للفوز بالبطولة لو لم يقابل ريال مدريد
حفيظ الدراجي: ارحموا الليفر يا ريال ...احترموا تاريخ الليفر يا لاعبي الريال
#ليفربول
19/02/2023
الشناوي
بالنسبالي التقطيع الي نازل ع الشناوي بقاله كتير دا .. هو عبارة عن اشخاص لا يفقهوا شئ عن كرة القدم .. تعالي كدة براحة نحسب من ٢٠١٨ بظبط لحد الان
عايزك يا عزيزي تفتكرلي حارس مرمى غير الشناوي لعب ف الاهلي ١٠ ماتشات متتالية كدة ؟!
مش هتلاقي .. الشناوي من ٢٠١٨ وهو اساسي اهلي و منتخب ... من كاس عالم روسيا الي قدم فيها مستوي جيد جدا لكاس امم افريقيا ٢٠١٩ الي كان من احسن ٣ حراس فيها برغم انك خرجت من دور ال١٦ .. لتصفيات كاس عالم ٢٠٢٢ و كاس امم افريقيا ٢٠٢١ الي اتصاب فيها بسبب كورة شالها كانت هتخرجك من دور ال١٦
دة غير بقا الدوري و الكاس و السوبر و دوري ابطال افريقيا و كاس عالم اندية الي هو ساهم كتير اوي اوي و يعتبر سبب رئيسي في الفوز بكل الالقاب الي خدها الاهلي من ٢٠١٨ حتي الان
هل ادارة الاهلي فكرت في التعاقد مع بديل مناسب لا .. طب هل الجهاز الفني فكر ف انه كتير يريح الشناوي و يلاعب الحارس التاني لا .. مبتحصلش غير اما الشناوي يتصاب فقط
هبوط مستوي الشناوي انا بحمله للاجهزة الفنية الي مرت ع الاهلي ... من ٢٠١٨ و هو اساسي و بيلعب و شايلينه علي كتفنا دلوقتي بندوس عليه!!
علي معلول بردو مستواه نازل جدا .. و لنفس السبب انه بقاله ٦ سنين ملوش بديل بس الجماهير للاسف بتفتكر اللقطة .. بتفتكر الي جاب الجون الي عمل الاسيست ... بتاخد اللقطة المضيئة و تسيب التفاصيل🤷
#الاهلي
22/01/2023
كولر لازم نرفعله القبعة والله
لعب علي ثغرات في دفاعات الزمالك من خلالها سجل ٣ أهداف
#كولر
#الاهلي
22/01/2023
اخيرا شوفت الاهلي بيعمل الي ناقصه بقاله سنين
و هي ان لاعب يتحرك ما بين الخطوط 👏👏
حمدي فتحي قام بدوره امبارح علي اكمل وجه ( الي هو اصلا مش دوره )
قطع تمريرات و نقل الكورة من ورا للامام ... و اسيستات و تحرك بين المدافعين
عظظمة 🔥🔥🔥
#الاهلي
21/01/2023
هي تشيلسي برضو عندها مشاكل
ولكن انهاردة اتحسنت كتير عن المباريات السابقة
عشان بطل فتي من الاخر 😂
3/4/3 و ابني لعب من تحت ... بالاضافة للمرتدة لما الفرقة الي امامك تكون ضغطاك ... هي دي تشيلسي
و اتنفذت حلو جدا انهاردة ولكن كان ناقص ترجمة الهجمة لهدف
#تشيلسي
#ليفربول
#تشيلسي
#ليفربول
Want your business to be the top-listed Gym/sports Facility in Cairo?
Click here to claim your Sponsored Listing.
Click here to claim your Sponsored Listing.
Location
Category
Website
Address
Cairo