Coach Ibrahim Ismail

🔰 5 weeks Transformation..!👌🏻
Losing 8 Kgs body fat without affecting the muscle mass & enhancing the body shape in Home.🤙🏻🔥


🔰 تحول 5 اسابيع..!👌🏻
خسارة 8 كيلو من الدهون مع الحفاظ علي الكتلة العضلية و تحسين شكل الجسم في المنزل فقط.🤙🏻🔥



For Online Training Programs & Nutrition Plans DM 🔥
Get your Transformation Now 💥


لو محتاج نظام غذائي سليم و برنامج تدريبي مخصص ليك حسب احتياجك و هدفك ابعتلي رسالة و يلا نبدا نغير حياتك و شكلك للاحسن.💥

Send me DM
OR
WhatsApp: 01021211768

🔰 البنات و العضلات...!

- معظم البنات دائماً بتسأئل انا مش عايزه يطلعلي عضلات..!

"إوعي تتمرني حديد وتشيلي أوزان في الجيم علشان هيطلعلك عضلات زي الرجالة وهيبقي شكلك وحش"😳😳

- مبدأياً الموضوع دا مش هيحصل و دا كلام غير صحيح و ملهوش اي علاقة بالرياضة غير انه تخريف انتشر بالكلام و كل واحدة تحط التاتش بتاعها و تقول اصل مش عارف مين صاحبتي نزلت الجيم و طلعلها عضلات زي الرجالة و غيرها تقول..... و.......! 😂😂💔
-
- طيب مبدأياً علشان نهدم الأسطورة دي لازم كبنت تعرفي حاجتين مهمين:
-
•1- إزاي العضلات بتكبر ؟!
•2- ليه الستات عضلاتها ماينفعش تكبر ؟!

🔰 مبدأياً كدا..:
= هرمون التستوستيرون (testasterone) (هرمون الذكورة) هو الهرمون المسئول عن بناء وزيادة حجم العضلات و دا بيكون موجود عند الرجالة و الستات، (اه موجود عند الستات عادي متستغربش)..😂

= عند الرجال بيتم إفرازه في الخصيتين وعند النساء بيتم إفرازه في الغدة الكظرية..

🔰 طب ليه مستحيل الستات يبقى عندها عضلات زي الرجالة و هم كمان عندهم تستوستيرون...؟؟!

=علشان هرمون التستوستيرون يقوم بوظيفته بيحتاج إنه يتم إفرازه بكميات ضخمة جدا ، ف لو قولنا إن هرمون التستستيرون متوفر عن الستات بنسبة أقل ٢٠ مرة من الكمية اللي بينتجها الراجل و اللي هي عند الراجل في الأساس مش بتكون كافية في أوقات كتير...
يبقى المنطق بيقول إن الكمية الفقيرة جدا جدا اللي عند الست متقدرش تبني عضلة ضخمة.... هي مجرد تساعد في التخلص من الدهون الزائدة و تحسين شكل الجسم و القيام بوظائفه الطبيعية..👌🏻🚶🏼

🔰 طيب امال الستات اللي بنشوف عندهم عضلات كبيرة زي الرجالة دول إيه..؟؟!

= دول ببساطة ستات قررت إنها تستغى عن أنوثتها و دخلت ل جسمها كمية هرمون خارجي قد اللي الراجل بياخدها و يمكن أكتر كمان عشان تقدر توصل للشكل دا ومع ذلك برضة مبتقدرش توصل لنفس الحجم العضلي اللي بيوصل ليه الراجل بكميات اقل بكتير..🤷🏻‍♂️😅

** الخلاصة:
- اتمرني حديد و شيلي اوزان و كسري الاوزان و العبي براحتك و متخافيش، الچيم مش Zumba و Dance بس..👌🏻💪🏼

................................
🔰 لو استفادت حاجة اعمل لايك و شير و دعوة على الصفحة للناس اللي عندك و فيد غيرك..❤

(للإستفسار عن المتابعة و برامج التدريب اونلاين المخصصة لإحتياج جسمك و هدفك ابعت رسالة على الصفحة أو واتس اب)❤

🔰🔰 نظام الكارب سايكل...(Carb Cycle)..🤔

🔰ايه هو الكارب سايكل؟🤔
- ده نظام دايت مفيد جداً من رأيي للناس اللي عايزة تخس وبالذات اللي عايزين يزيدوا عضل كمان او يحافظوا على العضل اكتر.💪🏻

🔰 فوايده؟
1- بيساعد في نزول الوزن وبالذات المية. 💧
2- بيساعد في انه يظبط الحرق عندك اكتر.🔥
3- بيساعد في الزيادة العضلية.💪🏻

نخش في الموضوع علطول..✌🏻

🔰 الكارب سايكل فيه طرق كتيرة تعمله بيها و اللي هشرحها دي طريقة منهم..

- الطريقة هي انك هتحسب سعراتك العادية جدا بالطريقة بتاعتك وهتبتدي تلعب في الماكروز او الكارب والدهون خلال ايامك،
- تعالوا نقول مثال...:

🔰 واحد سعراته اللي محتاجها ٢٠٠٠ سعرة
محتاج منهم ٢٠٠ بروتين يعني ٨٠٠ سعرة من البروتين
ومحتاج منهم ٦٥٠ سعرة دهون اللي هما ٧٢
و٦٠٠ سعرة من كاربوهيدرات اللي هما ١٥٠ جرام

🔰 الشخص ده ايام الراحة بتاعته هيقلل من سعرات الكارب ويعوضها في الدهون...

🔰هنا بتحصل غلطة ان الشخص بيقلل الكارب بس لكن ده غلط انت لازم تشيل من سعرات الكارب تحطها دهون والعكس صحيح عشان الموضوع يبقى كارب سايكل من كالوري سايكل.

نفترض انه هيقلل من الكارب ١٠٠ جرام يعني ٤٠٠ سعرة.
ال٤٠٠ دول هيضيفهم دهون وجرام الدهون ب ٩ كالوري ف ٤٠٠ على ٩ ب٤٤ جرام دهون + الدهون اللي كانت موجودة اللي هما ٧٢.

🔰 في ايام الراحة ده اللي هتعمله و الأيام بتاعة العضلات الضعيفة اللي عايز تطورها هتعمل العكس.

هتشيل من سعرات الدهون٨٠٠ سعرة اللي هما ٩٠جرام تقريبا مثلا تضيفهم على الكاربوهيدرات
ف٨٠٠ على ٤ ب٢٠٠ لان جرام الكاربوهيدرات ب ٤ سعرات بس ف٢٠٠ دول تحطهم على اللي كان موجود عندك.

🔰 الايام العادية هتكون سعراتك متقسمة تقسيمة عادية عالية كارب ومتوسط بروتين ودهون متوسطة.

🔰دي طريقة من طرق الكارب سايكل ياريت تكونو فهمتو حاجة..😂😂🚶



🔰 لو استفادت حاجة اعمل لايك و شير و دعوة على الصفحة للناس اللي عندك و فيد غيرك..❤

(للإستفسار عن المتابعة و برامج التدريب اونلاين ابعت رسالة على الصفحة أو واتس اب)❤


#الكوتش

🔰 التثدي ... (الچاينو) او (Gynecomastia)
- ايه الفرق بين الجاينو و الدهون في منطقة الصدر؟

🔘-ناس كتير بيكون عندها نسبه الدهون عاليه و بتكون فاكره ان عندهم چاينو (تثدي او زياده حجم الصدر) و ده بيكون نتيجه لزياده نسبه الدهون و بتزيد في منطقة الصدر خصوصا و ده ممكن يوحي لاحساس بالجينو او ممكن يكون جينو فعلا.

🔰طب خلينا نعرف ايه هو الچاينو اصلا؟
- هو اضطراب شائع في نظام الغدد الصمّاء في الذكور، بيكون فيه تضخُّم حميد للثدي ناجم عن تكاثر غير سرطاني في غدد الثدي. ويمكن الكشف عنه بظهور كتل مطاطية أو متماسكة تمتد من الحلمة بصورة مركزية. في العادة بيصيب الثديين ولكن يمكن أن يصيب جهة واحدة. ويمكن أن يتضخم الثدي نتيجة ترسب الدهون فقط دون تكاثر الغدد وهو ما يطلق عليه التثدي الكاذب في الذكور (pseudogynecomastia)‏، و بيتج بسبب اختلال التوازن بين هرمون الإستروجين و الأندروجين، لصالح الإستروجين، أو زيادة حساسية الثدي لمستويات الإستروجين،، و اختلال التوازن دا ينتج بسبب التأثير المُحفِّز للإستروجين والمُثبِّط للأندروجين،، الإستروجين يحفز الاستطالة، التفرع، والتضخم الكمي لأنسجة القنوات، و كمان يزيد من انتشار الخلايا الليفية المحيطة بالقنوات، وزيادة في وعائيتها......(موضوع كبير كدا بس كفاية كدا عشان منتوهش من بعض..👏🏻😂🏃🏼)..

- المهم:

🔘-لو نسبه الدهون عاليه في جسمك لازم تقللها ل 10-8 % علي الاقل و تشوف ده فعلا تثدي ولا لا ..
لو ملقتش زياده في حجم حلمات الصدر يبقي دي كانت نسبه دهون عاليه
اما لو نزلت نسبه الدهون في جسمك قليله جدا و لسه في زياده في حجم الحلمات يبقي ده تثدي و محتاج تكشف عند دكتور غدد صماء عشان تشوف ده تثدي من انهي درجه سواء هتحتاج جراحه لو الموضوع متقدم او ممكن تروح بالادويه من غير تدخل جراحي.

▪️في حاجات بدائية ممكن نحاول نشوف منها موضوع التثدي دا:، زي مثلا:
١-لو مسكت منطقة الحلمة بتاعتك و لقيتها ناشفة كدا او عاملة زي الكورة ف دا غالباً بيكون تثدي.

٢- شكل الصدر بتاعك لو مترهل و واخد شكل دائري كدا ف دا برضو غالباً بيكون تثدي.

🔰 بس برضو كل دا ف الاول و الاخر منقدرش تكون متاكد منه لانه معتمد علي نسبة الدهون و العضلات و الماية اللي ف جسمك ف لازم تتخلص من الكلام ده كله الاول و بعدين نبدأ نشوف..👌🏻

⛔️الخلاصه : مينفعش تحكم انت عندك جاينو ولا لا الا لما تنزل نسبه دهونك الاول و بعد كده لو لقيته فعلا تثدي يبقي محتاج تروح ل دكتور عشان يحددلك هتحتاج تدخل جراحي ولا لأ.👌🏻

-----------------------------------------------
لو حابين تسالوا عن اي حاجة او حابين نتكلم في موضوع معين قولولي في الكومنتات.💪🏼

🔰 لو استفادت حاجة اعمل لايك و شير و دعوة على الصفحة للناس اللي عندك و فيد غيرك..❤

(للإستفسار عن المتابعة و برامج التدريب اونلاين ابعت رسالة على الصفحة أو واتس اب)❤

#الكوتش