Shadi El Shazly

• عايز تنجح ؟ خالف هواك 😉

• و يجي شهر رمضان كل سنه و يثبتلك أنك تقدر تغير من أسلوب حياتك للاحسن و أنك ممكن يكون عندك روتين مفيد وان ارادتك قويه و ممكن تستغني عن حاجات كتير كل ده أنت بتعرفه عن نفسك خلال شهر في سنه .. تقدر تحافظ علي نسختك في رمضان لبعد رمضان !
كل رمضان وأنتم طيبين 🌙🏮

• هتشوف الحياه جميله لما تتعامل معها بأنها ناقصه مش كامله .

• الأعذار و دور الضحيه هيخلو انهارده يعدي لكن بكره هيكون صعب اوي .. المواجهه والالتزام هيخلو انهارده صعب لكن بكره هيكون سهل ومفيد .

•• Mind Games
في ظاهره نفسيه اسمها ( hedonic adaptation - التكيف اللذيذ )
وديه هي العدو الاخطر للسعاده و رضا البشر عن حياتهم و شرحها باختصار شديد عشان post مايطولش ان أي حدث سعيد بيحصلك سواء جاتلك فلوس فجاءه -آكلت حاجه بتحبها- خرجت أو سهرت في مكان كان نفسك تروحه -اشتريت بيت جديد أو نقلت بيت أحسن - اشتريت عربيه جديده - اترقيت في شغلك - اتجوزت - سافرت سفريه كان نفسك فيها أو اي حاجه انت عايزها..
أنك بعد فتره قصيره جدااا بتتعود علي الحاجه ديه ومش بتحس بنفس مستوي السعاده اللي كان في الاول و بتحس انها حاجه عاديه جدااا و بتبتدي تفكر ( هل من مزيد ) و تدخل في دوامه البحث عن المتعه المفقوده و تنسى اللي عندك ,و سبحان الله ده موجوده عندنا في الدين و اسمه ( إلف النعمه )وربنا حذرنا من اننا نقع في الفخ ده !!
طيب أيه الحل .... …
ان أول حاجه أنك تمنع نفسك من انك تأخد الحاجات الكويسه اللي في حياتك كأمر مسلم بيه و تتصرف و كانه امر لازم يحصل وده مش حقيقي
تاني حاجه وهي الامتنان أو الشكر وده عن طريق أنك تبتدي تختار كل يوم أو كل اسبوع مثلا نعمه عندك و تحس بيها و بأهميته و لو مش موجوده هتعمل ايه و بعد كده تشكر ربنا عليها ده هيفرق جدا في مستوي سعادتك و رضائك عن
حياتك .🙏🏻

ليه أنا مش سعيد ؟!!!
لانك للاسف طول الوقت دماغك مشغوله عن اللحظه اللي أنت عايشها دلوقتي و هي أهم لحظه و اللحظه الوحيده اللي ممكن تتصرف فيها و مشغول بحاجه من الاتنين ياما نكش في تجارب سلبيه في الماضي و جلد ذات للصبح ملوش أي لازمه ولا هيغير حاجه ياما أحلام يقظة ولا ليها أي خطه ولا أي لازمه و بتضيع لحظات موجوده دلوقتي مهمه بدون اي انتباه منك.

• النتايج اللى بنحققها فى حياتنا في اي حاجه بتكون
مقياس متأخر لعاداتنا .

•• النهاردة اليوم العالمي للصحة النفسية
كل سنة وأنتم أسعد وأقوى و أهدا وأكثر تصالحا مع نفسكم.

•الشيء الوحيد الثابت في الحياه هو التغيير فلو متغيرتش للاحسن أكيد هتتغير للاسؤ و التغيير ده بيكون من خلال القرارت و الاختيارات اللي بتاخدها كل يوم .

• أختر شريك حياتك بعنايه لانه هيكون السبب في الجزء الأكبر من سعادتك أو شقائك في حياتك .

• لو حياتك مفيهاش ( التزام و استمرارية ) فهتكون عباره عن وعود و أمنيات و تخيلات و احباطات .. حرفيا الحاجتين دول هم الفارق في كل قصص النجاح الصغيره و الكبيره .

•أي علاقه علشان تنجح و تستمر محتاجه من الطرفين الاحترام و المشاركه و الحاجتين دول في بعض الأوقات بيكونوا أهم من الحب .