Contact information, map and directions, contact form, opening hours, services, ratings, photos, videos and announcements from Hadeer Mekky - هدير مكي, Coach, Cairo.
05/02/2026
Burnout workshop for volunteers of Egyptian Food Bank
"Remember that the happiest people are not those getting more, but those giving more.” ― H. Jackson Brown Jr
"وَمَا تَوْفِيقِي إِلَّا بِاللَّهِ ۚ عَلَيْهِ تَوَكَّلْتُ وَإِلَيْهِ أُنِيبُ"
الحمد لله ربنا يستخدمنا ولا يستبدلنا 🤲
05/02/2026
من ورشة الاحتراق النفسي Burnout مع متطوعي بنك الطعام المصري 💪
04/01/2026
اتطلب مني اسئله الريفلكشن مجمعه فقررت اجمعها لكم في كروسيل 😉
محتاج تحضر ورقه وقلم وموود كويس
واقعد جاوب على الاسئله برواقه حتى لو بينك وبين نفسك
31/12/2025
السنة الجديدة ...
هى فصل جديدة فى قصتك
اللى هتكتبها بخطواتك فى طريق سعيك للنسخة الأفضل منك ...
كل سنة وأنتم بخير 😊
31/12/2025
"رسالة شُكر ... قبل ما السنة تمشي"
مش باي باي 👋 وخلاص،
قبل ما السنة تمشي،
مش عايز ألومها...
ولا أزعل منها ...
عايز أشكرها🙏.
أشكرها على الحاجات اللي فهمتني نفسي،
حتى اللي وجعتني.
وأسيب ورايا اللي خلص دوره،
من غير ما آخده معايا السنة الجديدة🗓️.
السؤال:
لو السنة اللي بتخلص دى شخص... تحب تقول له "شكراً" على إيه🫂؟
#2026
30/12/2025
لو في درس اتعلمته 📖وهتأخده معاك للسنة الجاية... هيكون ايه يا ترى؟
مش كل سنة بنقفلها محتاجين نقول باى باى 👋 ومش كل تجربة محتاجة نحتفل بيها 🎊
في حاجات حصلت علشان تفضل معانا مش علشان تتنسي
أسأل نفسك:
إيه الدرس إللي السنة إللي فاتت علمته لك وقررت تأخذه معاك وانت مكمل
مش الدرس اللي وجعك 🤕 الدرس اللي وعاك
اكتب الدرس اللي اتعلمته من السنة اللي فاتت 📝
وهتستفيد منه ازاي في اللي جاي ؟
#2026
29/12/2025
"ايه هدف واحد حقيقي تحب تحققه السنة الجديدة ؟"
مش أي هدف يستاهل إنه يكون هدف السنة 🎯
في أهداف شكلها حلو بس...
تقيل على النفس 🏋️♂️
وفي أهداف صغيرة بس🧩
لو اتحققت تغير شكل حياتك
قبل ما تختار هدف
اسأل نفسك هل الهدف ده:
نابع من احتياج حقيقي؟
ولا مقارنة ؟
ولا ضغط ؟
ولا خوف إني متأخر ؟
الهدف الصح مش إللي يخوفك 🙎
الهدف الصح هو إللي يحفزك 💪
أكتب هدف واحد بس هدف 📝
لو اشتغلت عليه في خلال السنة هيطلع أحسن نسخة منك
#2026
28/12/2025
مين الناس اللي علاقتك بيهم محتاجة رعاية حقيقية السنة دي؟
العلاقات مش عدد،
ولا تقارب فى الشكل.
العلاقات هي:
مين بترتاح معاه حتى وانت ساكت🙍؟
مين بتقدر تكون على طبيعتك من غير ما تشرح🤸؟
ومين وجوده بيقوّيك ... مش بيستنزفك؟
مش كل علاقة لازم تأخد نفس المجهود
ومش كل شخص محتاج قُرب 👥
ومش كل بُعد معناه قطيعة
أحياناً من النضج إنك تخلّي العلاقة على قدّها ...
من غير غضب😡،
ولا ذنب🤷🏼♀️،
ولا شرح طويل🧑🏫.
اسال نفسك:
مين الناس اللي حابب تقّوي علاقتك بيهم لأن العلاقة معاهم صحية حقيقية ومشبعة🫂؟
أكتب أسماء أو صفات
مش علشان تحكم على حد لأ ...علشان تحافظ على طاقتك
#2026
27/12/2025
إيه المهارة أو العادة اللي حابب تطورها السنة دي👣؟
مش كل تطوير محتاج مجهود كبير 🏋️♂️
ولا تغييرات جذرية📉
في مهارات صغيرة ... لو دخلت حياتك بتغير شكل أيامك كلها
اسأل نفسك:
إيه الحاجة إللي لو التزمت بيها شويه شويه؛ هتخليك اقرب لهدفك🎯؟
التطوير الحقيقي مش انك تبقى شخص جديد 🤷🏼♀️
هو انك تبقى نسخة أفضل 🪞
#2026
26/12/2025
السنة الجديدة... ازاي حابب تهتم بنفسك بجد ؟
الاهتمام بالنفس مش رفاهية
ومش حاجة بنعملها لما يبقى في وقت 🙎
ده الأساس اللي كل حاجة بتقوم عليه؛
شغلك، طاقتك، علاقاتك، وحتى مزاجك
اسأل نفسك:
إيه الخطوة الصغيرة الثابتة اللي أقدر أعملها كل اسبوع علشان أكون أهدى، أصدق، أقرب لنفسي
مش مطلوب إنك تغيّر حياتك... المطلوب بس تبطل تهمل نفسك
اكتب خطوة واحدة 📝
حاجة بسيطة واقعية 👣
تقدر تكمل عليها مش تتحمس في الاسبوع وتسيبها🗓️
#2026
25/12/2025
نية السنة الجديدة ...
قبل ما تحط اي هدف... حدد نية للسنة
قبل ما تقول... هعمل/ هحقق/ هغير
خلينا نسأل السؤال الأهم انت داخل السنة الجديدة بنية إيه🗓️ ؟
النية مش كلمة لطيفة النية بوصلة🧭 هي اللي بتحدد
هتكمل ولا هتسيب
هتضغط على نفسك ولا تحترم حدودك
هتجري 🏃ولا هتمشي على مهلك 🚶
لو السنة الجاية ما حققتش غير حاجة واحدة بس تحب يبقى إحساسك عامل ازاي🤷🏼♀️؟
اكتب نيتك في كلمة او جملة وارجع لها كل ما تحس إنك تايه 🙏 #2026