Markeb Wahda

كل عام وانتم بخير 🤍💚

الحمدلله اخيراً الدوله بتتحرك في مصلحة اجيال.. عقبال ما يتم منع السوشال ميديا للاطفال اقل من ١٦ سنة!


#روبلوكس #منع #مصر

الإجازة بدأت
والمدارس وقفت
وطبيعي جدًا إن روتين ولادنا يتلخبط شوية 🤍

المهم إننا نكون مرنين
بس من غير ما الدنيا تبوظ خالص

تأخير النوم شوية؟ تمام
تغيير الأكل؟ عادي
يوم من غير خطة؟ مقبول

لكن وجود إطار عام
ونظام واضح ومريح
بيفرق جدًا في نفسية الولاد
وبيقلل الخناقات والتوتر اليومي

افتكري دايمًا 👇
الروتين مش عشان نسيطر
الروتين عشان نرتاح

لو عندك طفل تحت 6 سنين
احفظي البوست 📌
وهيفيدك طول الإجازة 🤍


#روتين #أجازه

كل سنة في الشتا بحب اخد الولاد لفه في القاهره بس هي كبيره اوي فا المره دي قولت هختار بالمنطقه احسن .. واخترت المنيل
روحنا:




⬅️من الاماكن التانيه اللي زورناها قبل كده:
١- قلعة صلاح الدين
٢- متحف الحضارات
٣-المتحف المصري الكبير
٤- المتحف المصري بالتحرير
٥- مسجد ابن طولون
٦-بيت الكريتليه
٧- شارع المعز ومنطقه الحسين مليانه مزلرات.
‼️ المهم لما تختاروا الاماكن تشوفوا اللوكيشن بتاعها فين.
يلا أجازه سعيده على الكل ❤️❤️

٧ حاجات تعمليها أسبوعياً لصيانة الحاله النفسيه… طبعا ده لا يمنع اللجوء لطبيب نفسي في الحالات الشديدة.. ولكن مهم اننا نعمل صيانه مع نفسيه أسبوعياً عشان نحافظ على نفسنا . 🙏🏼🤍


#كوتشنج

#تربيه #فكر #أفكار #سلوك #كوتشنج #ام

لو الولاد صغيرين قبل ٥ سنين مهم اوي نعمل الآتي:
١- يوميا يكون في وقت خاص نلعب معاهم ونتكلم عن يومهم
٢- اللعب التخيلي او التمثيل role play
بيخلي الاطفال يمثلوا حياتهم اليوميه من خلال اللعب بالدمى او الحيوانات وتقمص شخصيات من المحيط حواليهم
٣- عدم ارغام اي طفل انه يسلم على اي حد بالعافيه حتى لو جده وجدته. لازم الطفل يعرف يقول لأ و يبقى فاهم انه لو مش عايز حد يلمسه ده من حقه.
٤- تعليم الاطفال الخصوصيه من اول ما بنغير فين و مين المسموح يشوفنا ويخش معانا الحمام
٥- السماح للاطفال بالتعبير عن نفسهم وحسن الاستماع من الاهل بشكل عام وعدم النقض والتوبيخ لو غلطوا عشان يحسوا بالامان انهم يجوا يحكوا.
٦- التركيز في الجمل اللي الاطفال بيعبروا عنها زي مثلا: اصحابي بيضيقوني. لان اصحابي دول ممكن يكون المتحرش اللي بيبقى مفهم الطفل انه صحبه.
وربنا يسترها على الاطفال


Heba Motawe
Parenting coach

#فكر #تفكير #افكار #كوتشنج