ثعلب في الصندوق

أشرف داري لاعب الأهلي كان متواجد في النيابة وغادر على ذمة القضية يعني مينفعش يخرج من البلد حتى انتهاء كل درجات التقاضي أي محاولة من الأهلي بعمل تسوية علشان اللاعب يغادر معناه ضياع حق سيدة مصرية

الأهلي نادي مصري مينفعش يساعد لاعب اجنبي يغادر براه البلد وحق السيدة لسه مرجعش ولا اللاعب خد براءة

اي محاولة من الأهلي هتبقى فضيحة تاريخية لانه ضيع حق سيدة مصرية 🥷🏽🇦🇹

أشرف داري النهارده كان عنده تحقيق في قضية عائلية ليس لنا طرف فيها ولا تعليق والأمور الشخصية العائلية ملهاش ابدا أن يتم استخدامها في صراع الزمالك والاهلي .. ولكن!!

القاهرة ٢٤ سرب خبر إن اشرف داري بيطلب من الأهلي يغادر ويعمل تسوية في اسرع وقت ممكن علشان خايف القضية تاخد ابعاد تانيه الخبر ده فيه كده معنيين لازم نقف عندهم :

١ـ اشرف داري عاوز يهرب من العدالة وطالب من الأهلي يساعده

٢ـ الأهلي بيستخدم القضية لابتزاز اللاعب علشان يضغط عليه لقبول التسوية

الخبر في الحالتين إذا كان الأهلي بيضغط أو اللاعب هو اللي بيضغط فيها تهرب من العدالة واللاعب واخد إخلاء سبيل على ذمة التحقيقات مينفعش يخرج براه مصر إلا بعد انتهاء القضية وصدور حكم قضائي أو قرار نيابة بحفظ التحقيقات وبرائته الأهلي مينفعش أنه يتواطئ مع اللاعب بأي شكل

اتمنى من معالي النائب العام يصدر قرارا بمنع اللاعب من السفر حتى انتهاء التحقيقات والسيدة المصرية إذا كان ليه حق يرجعلها أو اللاعب برئ فله حق السفر وهو حر 🥷🏽🇦🇹

معتمد جمال هقف في ضهره ده موضوع مفيهوش نقاش بالنسبة لي حتى لو القرار انا معترض عليه الاعتراض ينتهي مع قرار التعيين أو تجديد الثقة أو أي مسمى

انا مشجع زملكاوي وحط دي تحتها الف خط وده اللي بحب احافظ عليه لا عاوز اعرف اخبار حصرية واقولكم عاجل أو حصري ولا ابيع ليكم البيعه دي في الزمالك ولا حابب خالص اتقرب من اي مسؤول وشايف نفسي كده أريح نفسياً

كلمة مشجع وتقول رأيك ووجهة نظرك انا بشوفها اغلى من أمور كتير أو تصنيفات تانيه وبشوف انك طول مانت مشجع بيبقى ليك الحق تدعم تهاجم تحلل بيبقى عندك مساحة زي مانت عاوز تقول في الاخر اسمك مشجع وده وجهة نظر

جون مشي وغيره هيجي ويمشي حتى معتمد هيمشي واب شخص في الإدارة طوال تاريخه حصلت في هزات كبيرة في الاخر الجمهور اللي بيسند واللي بيكمل

انا اتمنى نقفل ملف جون إدوارد نهائياً والراجل قال أنا مش عاوز شرط جزائي وقدم استقالته فنصيحة نقفل خلاص على الحدث واتمنى محدش يحط اسمه في جملة علشان ده يديله حق الرد ومن حقه يدافع عن نفسه وهنسمع كلام كتير مش حابين نسمعه علشان انا وانت عارفين أن الإدارة تقصر الرقبه

بالتوفيق لممس ❤️

شيكابالا مفيش غيره ينفع يبقى مدير رياضي في المرحلة الحالية يشيل الفريق على كتفه زي كان بيشيله طول عمره يقدر يلم الفريق ويساعد معتمد جمال في المهمة الصعبة

اتمنى من كل قلبي شيكابالا يبقى مدير رياضي للزمالك ❤️

مصر فيها جهات هي المسؤولة عن توضيح اي حدث داخل جمهورية مصر العربية ليها احترامها ومصدقيتها في العالم كله ومرفوض من اي جهة إعلامية استباق الأحداث بروايات تخدم أجندات خاصة

الشعب المصري لازم يفهم الدول وقعت بإشاعات ومن وكالات انباء عالميه العراق وليبيا وسوريا على رأسهم محدش يلتفت لأي اخبار ورويات وننتظر البيان المصري الرسمي فقط

ربنا يحفظ مصر وشعبها ومؤسساتها الوطنية ❤️🇪🇬

جون إدوارد مسك الفريق إداريا وتتظيميا قسما بالله ما كنا نعرفه ولا نسمع عنه لحد يوم إعلان اسمه ممكن كمان اسمه اتهاجم وقتها لكن في الاخر دعمته ودعمت تجربته كلها حتى طبعا في أخطاء عادي مين مش بيغلط خصوصاً مع الزمالك وإدارته

جون أما ظهر في الزمالك عمل كل حاجه الجمهور كان بيطالب بيها الطلة بتاعته كانت بهيه ده مفيش فيها شك من اول وضع أسس للتعامل مع الإعلام وعزل الفريق وسيطرة ممدوح وكل عصافيره طبعاً بطريقته هو لكن احنا انبهرنا بالطله مميزة

انا كأدمن بيدج كنت متابع أمور كتير جدا خصوصا بعد سحب الأرض والتعاون اللي تم بين جون وهشام نصر لوحدهم بدون اي مساعدة من حد في وقت الجميع هرب أيوة زي مانت كده قريت هربوا الا تلاته الجمهور وهشام وجون وهتفضل وصمة عار على الباقي

حتى اللي ظهروا في المدرج مع نهاية الموسم كلهم اسم اسم شخص شخص ظهر يركب الترند وياخد اللقطة وكل دول مع بعض حاولوا بكل قوة إفشال تجربة جون علشان في الحقيقة هي تجربة " قامت بتعرية جميع المسؤولين في الزمالك على مر العصور " وكلهم تكالبوا على جون

حتى الايمدج اللي كنا منتظرينها والتناول الإعلامي اللي انت يا زملكاوي بتحلم بيه تخيل الراجل قدر يعمل لنفسه ايمدج اقوى من رئيس النادي ومجلس الإدارة حتى لو انت اختلفت مع المسؤول الإعلامي جانبه " عمرو جاب الله " اشتغل بكل قوة في ملف الإعلام للفريق عاجبك مش عاجبك انا بتكلم عن واقع شوفناه بعينيا

حقيقي شكراً جون إدوارد والتيم اللي كان معاه عيشنا معاكم اجمل موسم في تاريخ الزمالك لن ننساه ابدا والف سلامه على كابتن هشام نصر ❤️🇦🇹

لاعيبة الزمالك تودع جون إدوارد المدير الرياضي السابق للفريق بعد موسم اسطوري التاريخ لن ينساه أبدا ❤️🇦🇹

الأهلي قرر تجميد مفاوضاته مع إبراهيم عادل بسبب طلبه راتباً يتجاوز مليون دولار سنوياً .. حسب اليوم السابع 🚨🚨

طبعاً الأهلي ممكن يرجع في أي وقت للتفاوض من تاني ولكن
البوب مر من هنا 😎👇🏽

جون إدوارد أصبح ماضي وانتهى المهم حالياً الالتزام مع اللاعيبة بدفع مستحقاتهم وكمان اللاعيبة والأندية اللي جدولت معاك المديونية في الفيفا ننتظم معاهم

اي تعسرات في التسديد العواقب مش هتبقى كويسه مش علشان جون هيحرضهم ومتعملوش شماعه علشان هو كان بيسكتهم وبيضمن أمور تانيه

انت المفروض تنسي الجمهور تجربة جون بتجربة افضل زي ما جون قدر ينسينا الجعان بوجود بيزيرا 🥷🏽🇦🇹

جون إدوارد مشي وهو اللي قدم استقالته وخلاص قفلنا القصة إنما عودة ملف الفريق في ايد المجلس ده صعب يحصل ولا الجمهور هيتقبله

عاوز اقول ان اي موجه غضب مع الوقت تخف تخف لحد السكون عندك لجان هتنشر اشاعات ووعود تهدئ الموجه وتسيطر عليها

لكن أنا بقولك خبرين يهدوا الدنيا وترجع تسيطر على موجة الغضب :

• اولا الاعلان عن مدير رياضي اسم محترم يقدر يجمع الجمهور من تاني

• ثانياً الاعلان عن ميعاد الجمعية العمومية للتصويت على تغيير النسب وطبعا المستثمر الاماراتي اللي تبع لبيب

كده الجمهور هيهدا ويقتنع بأي كلام رجالتك قالته 🥷🏽🇦🇹