Life Coach Marwa selim

لا اله إلا الله وحده لا شريك له،له الملك وله الحمد وهو علي كل شيء قدير 🤲🏻

من أكثر الجمل اللي بتتكرر قبل يوم عرفة:
“اللهم إني عفوت فاعفُ عني”
لكن الغريب إن بعض الناس يطلبوا العفو وهم أصلًا ما ردّوش المظالم، ولا حاولوا يصلحوا أثر الأذى اللي سابوه في حياة غيرهم.

ربنا غفور رحيم، لكن حقوق العباد مش بالكلام ولا بالمنشورات.
لكن الحقوق تُرد، والقلوب تُجبر، والاعتذار الحقيقي أفعال قبل ما يكون دعاء.

﴿وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ﴾
سورة إبراهيم: 42

ويظل أجمل ما يقدمه الإنسان قبل أي دعاء:
أن يراجع نفسه، يردّ المظالم، ويصلح ما أفسده في الناس…
فإن الظلم ظلمات وأثره لا يمحوه مجرد كلام.

التعلق بالسيناريو اللي رسمناه في دماغنا لحياتنا… أعمق بكتير من الواقع اللي عايشينه.
إحنا بنفتكر إننا اتعلقنا بأشخاص، لكن الحقيقة إننا اتعلقنا بصورة رسمناها جوا عقلنا… سميناها عشم، سميناها تعود، وسميناها تعلق.
لكن في النهاية… كانت صورة، مش واقع.

مش كل الناس اللي بتبتسم قدامك مرتاحة…
في ناس حاربت مع نفسها سنين علشان توصل للسلام اللي أنت شايفه دلوقتي.
الشفاء مش ضعف… الشفاء قوة محدش بيشوف تمنها. ✨