Ramy academy

🎉📸 صور من حفلتنا الجميلة امبارح مع الكابتن فايزة حيدر ❤️⚽
يوم مميز مليان فرحة وذكريات حلوة، وشكرًا لكل اللي شاركنا اليوم الجميل ده 🙌🔥
استنوا باقي الصور ❤️📸

حفلة الاكاديميه
مع كابتن منتخب مصر كابتن فايزه حيدر

بنات الاكاديميه مع كابتن منتخب مصر كابتن
فايزه حيدر ❤️🌹💪🏻

صور حفلة الاكاديميه
مع كابتن منتخب مصر كابتن فايزه حيدر

🎉🔥 استنوا أكبر مفاجآت الأكاديمية! 🔥🎉

عشان دايمًا بنحب نفرّح ولادنا ونكافئهم على تعبهم والتزامهم ومجهودهم في التمرين، عندنا حفلة قريبة جدًا في الأكاديمية ❤️⚽️

والحفلة المرة دي مش مجرد تجمع وخلاص… دي هتكون حفلة مميزة جدًا، فيها جوائز ومفاجآت وحاجات كتير حلوة لكل أولادنا اللي دايمًا بيثبتوا إنهم قد المسؤولية 💪🏆

والأجمل من كده إن الحفلة بالكامل على حساب الأكاديمية ❤️
وده مش أول مرة الأكاديمية تعمل حاجة بالشكل ده، لأن من أول يوم وإحنا مؤمنين إن دورنا مش بس تدريب ولعب كرة قدم، لكن كمان إننا نخلق جو جميل بين اللاعبين، ونشجعهم، ونقدّر تعبهم، ونخليهم يحسوا إنهم جزء من كيان وعيلة واحدة 🤝❤️

إحنا بنحاول دايمًا نعمل كل اللي نقدر عليه عشان أولادنا يكونوا مبسوطين، سواء في التمرين أو المباريات أو الفعاليات والحفلات اللي بنعملها من وقت للتاني.

🎁 جوائز
🎊 فقرات ومفاجآت
⚽️ أجواء مختلفة
❤️ لمة الأكاديمية كلها
🔥 وحاجات كتير هنسيبها مفاجأة لحد يوم الحفلة!

وعشان كده الفترة الجاية عايزين الكل يكون ملتزم بالتمرين، ويحضر في معاده، ويكون موجود معانا، لأن كل لاعب جزء مهم من الأكاديمية، والحفلة دي معمولة مخصوص عشانكم.

📢 انتظروا تفاصيل موعد الحفلة وكل المفاجآت قريبًا جدًا…
والأكاديمية عندنا هتعمل ماتش لأولياء الأمور... الضربة الأولى هتبدأ بالرجالة هات لبس الكوره معاكم ♥️
وخليكم جاهزين، لأن اللي جاي إن شاء الله هيكون يوم مختلف ومميز جدًا! 🔥🏆

أكاديميتنا مش مجرد مكان للتمرين… دي عيلة، وكل واحد فيكم جزء منها ❤️⚽️

تعالو نحتفل بعيد ميلاد لاعبنا
محمد احمد موليد 2019 كل سنه وانت طيب يا حبيبي ❤️🌹

🏆⚽ كل الشكر والتقدير لفريقنا البنات ❤️🔥
مبروك لبناتنا على الأداء الرجولي والمميز في ماتش نادي الطيران 👏💪
قدمتوا مباراة قوية جدًا، وروح عالية، والتزام وتركيز من أول دقيقة لآخر دقيقة، وقدرتوا تحققوا الفوز عن جدارة واستحقاق 🏆🔥
فخورين بيكم وبالمستوى اللي بتقدموه مباراة بعد مباراة ❤️
شكرًا لكل لاعبة على مجهودها، وشكرًا للجهاز الفني وأولياء الأمور على الدعم المستمر 🙏
مبروك يا بطلات… والقادم أفضل بإذن الله ❤️🏆⚽

🌟 كل الشكر والتقدير للكابتن فايزة ❤️⚽

سعدنا جدًا بزيارة الكابتن فايزة للأكاديمية، وتشريفها لينا كان له أثر جميل جدًا عند كل اللاعبين والجهاز الفني. 🙏❤️

وجودك معانا ودعمك وتشجيعك دايمًا بيدينا دافع أكبر إننا نكمل ونطور من نفسنا ونقدم الأفضل. 💪⚽

شكرًا من القلب يا كابتن فايزة على زيارتك وتشريفك للأكاديمية ❤️👏

ونتمنى دايمًا نشوفك معانا في كل خطوة ونجاح جديد بإذن الله 🏆❤️

C/ Rami Academy ⚽🔥

يسعدنا ويشرفنا الإعلان عن زيارة الكابتن فايزة حيدر للأكاديمية يوم الخميس القادم! 🤩
نجمة منتخب مصر السابقة ومدربة منتخب مصر للسيدات، وأول مدربة مصرية تحصل على اعتماد الدوري الإنجليزي الممتاز لتدريب الرجال! 🇪🇬✨
مسيرة ملهمة حافلة بالإنجازات في كبرى الأندية:
⚽ نادي حلوان العام
⚽ نادي الطيران
⚽ نادي فيوتشر
⚽ منتخب مصر
⚽وحالياً مدربه ف السعوديه
⚽ تجربة متميزة في عالم التدريب المحلي والدولي
الكابتن فايزة ستكون متواجدة معنا لنقل خبراتها الملهمة للاعبي الأكاديمية وتشجيعهم على تحقيق أحلامهم في عالم كرة القدم! 🏆
📍 الزمان: يوم الخميس القادم
📸 كونوا على الاستعداد لتغطية خاصة ولحظات لا تنسي