يلا دجلة Yalla Degla

اليوم بيحلو بالناس الحلوه اللي فيه 💛💛 ...
ملخص سريع كده عن الطالعه ... عملنا هايك 7 كم استريحنا في النص مرتين ... وصلنا الكيلو 7 ولعنا النار وكلنا الأندومي الأكله المفضله في دجله 😂😍.. عملنا الشاي على الحطب ( كان جامد ) .. رجعنا الساعه 5 على البوابة ... وبفضل الله كله اتبسط واستمتع .. واستنوا الطالعه اللي جايه قريب إن شاءالله 🔥🔥

اول طالعه عدت بجمال وعظمه الحمدلله
دي اقل حاجه عندنا 😂...🔥💛💪

https://fb.me/e/3lKmZfMYW
السبت اللي جاي 10/10....
هنعمل هايك في محمية وادي دجله ... هنبدأ من عند البوابة الساعه 7.5 صباحا ... هنعمل مسافه إجمالية على مدار اليوم حوالي 15 كم .. هيكون في استراحات أثناء المشي لغاية م نوصل الكيلو 7 هنقعد نولع النااار ونشرب الشاي على الحطب وناكل ونستريح ونستجم ... ونرجع تاني... هنكون عند البوابة تاني الساعه 5 مساءا إن شاءالله ....
_ اللي تجيبه معاك في الهايك :
1- 3 زجاجات مياه كبيره ( 4.5 لتر ).
2- لبس مريح( يفضل اللبس ميكونش قطن )... وكاوتش مريح ... ( متجيش بچينز ).
3- ( طبقك - كوبايتك - معلقتك ) .
4- طاقية ( كاب ).
5 - سناكس معاكم علشان هناكل في الإستراحه اللي هنشرب فيها الشاي دي .
... المفاجأة هنا في سعر الرحله .... 50 جنيه ....
التجمع الساعه 7.15 عند جامع الكويتي في زهراء المعادي...
اللي ميعرفش الطريق هيتواصل معايا على الواتساب ...
رقم الواتساب للإستفسار 01143187837

رياضة الهايكنج ( Hiking )

_ مش كتير اللي يعرف رياضة الهايكنج , لكن في الواقع اللي بيعرفها ويجربها بيقرر إنه ميسبهاش ( دي حقيقة ).

_ الهايكنج هو المشي لمسافات وانت شايل شنطة امتعتك على ظهرك سواء في صحاري أو مناطق جبلية أو سهول أو هضاب مع شوية تسلق للجبال .

_ من ضمن مميزات الرياضة دي إنها بتخلي الشخص مندمج ومنسجم ومرتبط بصورة قوية مع الطبيعة من الآخر كده ( استرخاء وتأمل وإستجمام )

- في سؤال بيتكرر لل hikers ( إيه الممتع في إنك تبذل مجهود وتتفرهد وأحيانا تدفع مبالغ والنتيجه انك بتتحصل على تعب وإرهاق جسدي؟ ), ولكن الحقيقة في الموضوع ده عن الهايك بتحصل فيه على تنشيط للجسم والعقل مع تصفية للذهن وراحة نفسية بتنسيك التعب الجسدي خالص وبتكون مستعد تضحي بحاجات كتير في مقابل الحصول على الشعور ده .

في انتظار الشتاء وعظمة الشتاء 💛😍

🌌🌑

في البداية هنكتفي بتنزيل صور لمحمية وادي دجلة للتعرف عليها ...وبعد فترة لن تطول هننزل اول بوست عن الهايكنج في دجلة 🙂

⁦☀️⁩⁦🏜️⁩