Dr.Mai Abdelmawla - Athar Coaching

الحمدلله الذي بنعمتة تتم الصالحات
إفطار رمضان 2026
Life Code Community & Umrah Retreat

يوم طيب مبارك مليان حب ودفا وروحانيات
شكر كبير لكل الحاضرين
شكر لاخر العنقود دفعه شفرة الحياة 14
وشكر خاص لكل القائمين علي اليوم الجميل ده
وبالاخص Marwa Fathy Elseidy
شكرا علي مجهودك وتنظيمك لليوم

Menna El Margoushy شكرا علي اللحظات الجميلة اللي ربنا جعلك سبب توثيقها وتطلع بأجمل إخراج



Retreat

من أعظم النعم مجالس الصحبه وبالأخص لما تكون فى المسجد الحرام ومسجد رسول الله صلي الله عليه وسلم....هى دي كانت روح الرحلة.
هي اللي خلت العمرة مش مجرد مناسك…
لكن إعادة تشكيل لقلوبنا.
كل محطة كان ليها سؤال وكل سؤال كان بيفتح باب نور وكل باب نور كان بيقربنا خطوة لنسخة أصدق من نفسنا.
اللي حصل مش بس زيارة للحرمين…
اللي حصل كان زيارة عميقة لقلوبنا.
وكأننا قاعدين في رياض الجنة.

في وسط الزحمة اللى حوالينا ،القلب بيحتاج خلوة.
خلوة مش هروب من الناس، لكن رجوع للنفس، وسكون قدام رب العالمين.

الخلوة مش رفاهية، الخلوة ضرورة ،لأن النفس لما بتفضل طول الوقت مستهلكة ،بتنسى صوت فطرتها ،فتنسى هي محتاجة إيه بجد.

في الخلوة، الأصوات بتهدى، والقلب بيبان على حقيقته، والأسئلة اللي بنهرب منها تطلع للنور،
والوجع يلاقي مساحة يتفهم… مش يتدفن.

عشان كده الخلوة كانت بداية الوحي.
خلوة حراء…لحظة فصل بين حياة وحياة، بين قبل النور وبعده.
ومن هنا كانت الخلوة نقطة قوة في عمرة Retreat
مش خلوة عشوائية، لكن برنامج خلوة مُصمم بعناية، يحاكي خلوة حراء…
سكون، تأمل، قلة كلام، حضور قلب، وانتِ واقفة قدام ربنا بدون أدوار، بدون أقنعة، بدون ضغط.
خلوة تفتحي فيها قلبك، وتسمعي النداء اللي اتغطّى وسط الزحمة، وتسيبي للنور مساحة يدخل.

اللي دخلوا الخلوة قبل كده، خرجوا مش نفس الأشخاص…
خرجوا أخف، أوضح، وأقرب.

#خلوة

تخيلي…
وإنتِ واقفة قدام الكعبة
في لحظة سكون ما بينك وبين ربنا تُرفع أعمالك السنوية في أفضل بقاع الأرض بعيد عن زحمة الحياة.

وفي شهر من أحبّ الشهور إلى الله شهر التهيئة…شهر إعادة ترتيب القلب قبل ما رمضان ييجي.. تخيلي إنك مش بس بتأدي عمرة لكن بتقفلي صفحة سنة كاملة وتفتحي صفحة جديدة بقلب أنضف وروح أهدى ونية أوضح.
دي مش رحلة عمرة وخلاص دي رحلة
الوصول للسلام واستعداد حقيقي لرمضان علشان لما الشهر الكريم يدخل، يدخل على قلب جاهز لتلقى النور.