Dirty Football

هنحكي حكايه الاسطوره المصريه الزملكاويه
محمود عبد الرازق فضل الله *شيكابالا*
شيكابالا مواليد 5 مارس 1986
اتولد في اسوان و عاش و لعب في ناشئين اسوان و بعدها راح ناشئين الزمالك بسبب إن والده كان زملكاوي
لعب في ناشئين الزمالك و انظم للفريق الأول في عمر صغير جدا 15 سنه و 8 شهور
لعب مع الزمالك من اول سنه 2002 ل سنه 2005
فاز مع الزمالك ب 2 دوري مصري
كاس مصر و دوري ابطال افريقيا و كاس السوبر الافريقي و البطولة العربيه و كاس السوبر المصري السعودي
بعدها انتقل لباوك اليوناني عام 2006 لعب موسم و رجع للزمالك مره اخري
وبعدها بدأ تألقه مع الزمالك لعب مع الزمالك من 2006 الي 2014 المشكلة انها كانت اسوء فتره في تاريخ الزمالك لكنه فاز بلقبين كاس مصر عام 2008 و 2013 وفي موسم 2012/2013 انتقل للوصل الاماراتي اعاره
في موسم 2014/2015 انتقل لسبورتينج لشبونه البرتغالي
و بعدها رجع للزمالك و انتقل في إعاره للإسماعيلي موسم 2015/2016
ومع الزمالك موسم و فاز بكاس مصر 2016/2017
راح اعاره الرائد السعودي موسم 2017/2018
و اعاره لابولون سميرني 2018/2019
بعدها عاد للزمالك من موسم 2020 حتى 2025 فاز فيهم ب 2 دوري مصري و 2 كاس مصر 2 سوبر افريقي و سوبر مصري واحد و كاس الكونفيدرالية
شيكابالا مع منتخب مصر حقق كاس العالم العسكريه 2007
وكاس الأمم الأفريقية عام 2010 و ساهم في تأهل مصر لكأس العالم 2018
وحقق 11 بطوله مختلفه في الفئات السنيه مع منتخب مصر
انجازات شخصيه
شيكابالا لعب 486 مباراه عدد دقائق 29963 ما يوازي 333 مباراه كامل
سجل 91 هدف هدف واحد من ركله جزاء و صنع 110
حصل علي هداف الدوري المصري موسم 2010/2011
شيكابالا ليا شخصيا بحبه و بحب أهدافه و اتفرج عليه

بعيدا عن الي بيحصل برا الملعب
شيكابالا من الأساطير المصريه الي مش هتتكرر
هتوحشنا يا اباتشي ❤️

منتخب مصر للشباب يواجه المانيا غدا علي المركز الخامس في كأس العالم لكرة اليد للشباب ببولندا
المباراة الساعة 3.30 م مذاعة عبر قناة أون سبورت وقناة الكويت الرياضية 🔥

ريال مدريد تشابي الونسو و اللي بدأ يبان فكره على ارض الملعب و بوادره كانت بمباراة سالزبورج و اللي لعبها الريال بخطة 3/5/2 ، الخطة مناسبة جدًا سواء الـBack Three اللي مغطيين كويس اوي و مديين راحة في اللعب لأرنولد و جارسيا و مديينهم حرية كويسة غير إنهم بردو بيبنوا لعب كويس يمكن اوحشهم في الموضوع ده روديجير و فكرة إن هويسين بيزيد بالشكل ده ممتعة و مفيدة اوي و مش هبالغ إن دوره شبيه بدور كروس الريچيستا اوي و غانيك عن دور زي ده بباصاته و كسره للضغط و زياداته و الكورة في رجله كويسة اوي و تشواميني سبحان الله نفس المركز اللي كنا بنشتمه فيه بقى عظيم جدًا فيه دفاعيًا و هجوميًا و طولياته مظبوطة اوي و التحماته الهوائية خارج المقارنة ، ولو جينا نتكلم عن ثلاثي الوسط فلا يعلى عليهم في الضغط الحيوي المستمر و هتلاقيهم في كل حتة في الملعب بيكسروا الضغط و مستحوذين على الكورة و التلاتة هتلاقيهم دايمًا قريبين اوي للبوكس بتاعك دفاعيًا و شوفنا الكورة اللي شالها بيلي من على الخط النهاردة مثلًا و بردو قريبين لبوكس الخصم هجوميًا و هتلاقي تأثيرهم واضح و ده ظهر اخر تلات ماتشات و اللي التلاتة كل واحد فيهم سجل في ماتش او صنع و من رأيي دي ميزة اوي لڤالڤيردي اللي مكانه عند بوكس المهاجم وهو راجل شويط أساسًا و كومبريسر عالمي و كان مظلوم بفكرة وجود ڤاسكيز و تغطيته عليه دايمًا ، نيجي بقى للأتنين اللي قدام و اللي في نظري مكملين بعض جدًا سواء جونزالو مكينة الضغط اللي هتلاقيها في كل حتة في الملعب و خريطته الحرارية خير دليل و لعيب عالي اوي في الضغط و الإستخلاص و الربط و الفينش بتاعه كويس اوي و باصاته مدياه ميزة في موضوع الربط و التحماته الهوائية ممتازة مع نزوله في كل حتة و سحبه لمدافع معاه على الأقل و ده اللي بيدي مساحة اكبر لڤيني في الحرية او إنه يقل عليه الضغط و اللي بدأ يبان عليه مظاهر العودة نسبيًا و لعبه الجماعي اللي شوفناه في جون ڤالڤيردي و قراره الصح في الجون الأول إنه امتى يرقص و امتى لا و امتى يفنش و بقى ينزل كتير تحت يفتح لعب على غير العادة خالص و مش بايت على الخط زي الاول وهو و جونزالو بيفتحوا لعب كتير لبعض بنزول كل واحد شوية و اتمنى يعرف يعمل كدة مع مبابي لما يرجع لإنها هتفرق معانا اوي ، عاجبني بقى الفريق ككل و إنه مهما اتضغط عليه بيلعب كورة على الأرض و بيفضل مستحوذ و بيعرف يطلع بالكورة كويس و بيدافع كتلة واحدة و بيطلع كتلة واحدة و كل لعيب عارف مركزه و دوره و رغم وجود التكتيك اللعيبة بردو بتلعب بحرية عادي و بتبدع في نفس الوقت و دي لسة بوادر تكتيك حرفيًا لسة الفريق مشربش حاجة من الونسو فأنا متفائل بشكل كبير جدًا بعد فترة التحضير المحترمة و اللعيبة تتفاهم اكتر و تنفذ اكتر و هنشوف نسخة مرعبة من الريال 🤍
By/ Youssef Ramadan

مصر تنتصر على بطل العالم 🇪🇬🔥

منتخب مصر يفوز على منتخب اسبانيا بنتيجة 30/29
أداء رجولي من شباب الفراعنة في بطولة العالم للشباب لكرة اليد 🏆💪

🧤 يوسف ناجي كان جدار حديدي حمى العرين في أصعب اللحظات تصدى ل14من 43 بنسبه 34%

لو هنتكلم علي ماتش الاهلي و بالميراس فهو ماتش سئ جدا من الفريقين
لو علي الاهلي فمكنش فيه اي حلول يعتبر غير في اخر الماتش فرصه او اتنين
لو بالميراس فهما من غير الوينج استافينهو مكانوش هعيملوا اي خطوره في الشوط الأول و الشوط التاني كان في هجمات بس كتوتال الماتش سئ جدا
الي فرق مع بالميراس الشوط التاني هو البدني
لعيبه الاهلي وقعت بدنيا بسبب الحر لكن لعيبه بالميراس متعوده علي الاجواء دي و ده الي خلاهم يتفقوا في الشوط التاني
لكن لو هتقارن الفريقين كاداء هما زي بعض البدني هو الي كسب بالميراس
و تغييرات ريفيرو كانت صح ما عدا قفشه الصراحه و بن شرقي يستحق أساسي الماتش الجي بعد أداء تريزيجيه
تريزيجيه من بعد ضربه جزاء مباره ميامي و مفيش ثقه ولا لعب و حتي الان مفيش اي تاثير لزيزو مع الأهلي بس برضو لسه اول ماتشين و بطوله عالميه فمش هنحكم

لو هنتكلم علي أداء المنتخب في الماتشين بتوع كاس العالم لازم ناخد بالنا من كام نقطه
اولا إن كابتن مجدي بيعمل روتيشن بين كل اللعيبه و مفيش تشكيله ثابته لعبت أكتر من 10 دقائق في الماتشين و إن المدرب عارف انهم ماتشين سهلين و بيدخل كل اللعيبه في أجواء البطوله و بيجرب كل اللعيبه عشان يعرف يختار التشكيله بتاعت ماتش اسبانيا أو دور المجموعات الرئيسي
فعشان كده الأداء الي هو شغال عمتا ده مش أداء المنتخب في باقي البطولة احنا بنجرب اللعيبه يعني في اتنين لعيبه هافات لعبوا فرود و في هاف لعب وينج ليفت و بيجرب كل اللعيبه بس برضو في كام مشكله
اولا في الدفاع في مشكله واضحه جدا إن في مشكله بين مركز 1 و 2 في الدفاع و إن معظم الاختراقات كانت من المركز ده و ده واضح جدا في الماتشين و اعتقد المدرب خد باله منها و في مشكله في مركز الحراسه إن الحراس مش احسن حاجه و هما حارسين بس الي في البطوله مع اني في 3 وينجات لفت و واحد بس منهم الي لعب و الباقي منزلش
فأعتقد لو كان في حارس تالت كان هيبقي احسن بس الحراس كويسين برضو
و برضو في كام لاعب حلو في البطوله أولهم عمر بركه الوينج ليفت و اوكا الباك رأيت و فراس الهاف و ياسين الوينج رأيت
المنتخب في لعيبه كتير كويسين بس مخدوش وقت زي زياد حشاد و محمد عبد الغني و عمر هيمن و محمد عدلان
و إن شاء الله نتكمل في البطوله و ناخد ميدالية

محمد أبو تريكة قبل مباراة أرسنال وتوتنهام:

قبل الخوض في المباراة، تحية وسلام لأهل غزة، سلام عليكم بما صبرتم فنعم عقبى الدار، مفيش حد له فضل عليكم غير ربنا سبحانه وتعالي، النهاردة يوم من أيام الله، انتم فوق راسنا، ربنا يجازي صبركم، انتم علمتونا الكتير، الصبر والثبات، انتوا حقكم علينا كبير أوي، طوال الـ467 يوم الواحد كان بيدعيلكم، عمري ما نسيتكم، انتم اهل شجاعة واخلاص.. انا بحكبم وربنا يجمعنا لو مش في الدنيا يبقي في الأخرة

مش قادر 😂

🚨🚨🚨

من المحتمل روية النسر عمر مرموش في مانشستر سيتي في الانتقالات الشتوية ♥️🇪🇬

أحمد شوبير:

الأهلي سيضم في يناير ما لا يقل عن 3 صفقات في لاعيبة ممكن تتشال من القايمة لضم صفقات جديدة لتدعيم الفريق..

مصير علي معلول بوضوح شديد متوقف علي راي مارسيل كولر، الأهلي مقدر جدا معلول ورمي الكرة في ملعب كولر مع توصية انهم عايزين اللاعب..