Shereen Adel - B Happy

Call Website Contact the business

Shereen Adel - B Happy I am Shereen Adel former Computer engineer , passionate , &
(1)

و نجيب الروقان ده منين؟🙄🙄🙄🙄🙄ده كان رد وحده اموره بنعمل كوتشينج سيشنز سوا عليا لما قلتلها ايه رايك لو عملنا رد الفعل الف...
18/10/2026

و نجيب الروقان ده منين؟
🙄🙄🙄🙄🙄

ده كان رد وحده اموره بنعمل كوتشينج سيشنز سوا عليا لما قلتلها ايه رايك لو عملنا رد الفعل الفلاني
😎😎😎

هو الفكره مش هنجيب الروقان منين
الفكره اصلا هنجيب الروقان ليه ؟!😀

كل الامور اللي بتعدي علينا في حياتنا سواء مواقف حلوه او وحشه بتترمي للعقل
و العقل الواعي و العقل ال لا واعي كل واخد عارف دوره وواجبه
🤝🤝🤝
احيانا العقل الواعي بيحلل الموقف و يشوف احسن تصرف ايه🤓
و احيانا العقل ال لاواعي بيدخل يدور جوه الموضوع ده لما حصل قبل كده بنعمل فيه ايه 🤔

و احيانا بيضرب في الجزء العاطفي و بيحصل التصرف اللي كلكوا حفظتوه اكيد👏🏻😀
Fight-flight-freeze
هجوم-هروب-تجمد

ال لذاذه و الحرفنة و الرزق اللي من عند ربنا بيجوا امتى بقى ؟!

لما اكون ممرنه العقل ال لاوعي و معليه ذكائي العاطشفي و مدربة عضلاتهم كويس 💪🏻

انه اللي يتاخد بعصبيه و حرق دم و اعصاب ممكن يتاخد بهدوء و تقبل. و الحل و اللي عليا كده كده هيتعمل🤷🏻‍♀️😃

يعني مثلا
حاجه وقعت من ايدي او ايد حد و اتكسرت
عصبيتي و صريخي و زعيقي او عياطي حتى
مش هيغير حاجه من اني هكنس او هلم المتكسر او هشتري غيره و هكذا 🙆🏻‍♀️
و لكن هدوئي و احتفاظي باعصابي على اد ما اقدر. هيقلل من الخساير النفسيه و الجسديه و علاقتي بالشخص اللي وقع الحاجه🤌🏼🤢

يعني انا ممكن ابكي عاللبن المسكوب في السريع كده و اغسل وشي و انضف و اعمل كوبايه غيرها 🤪
و ممكن ابكي عاللبن المسكوب و بعدين اصرخ في اللي سكبه و بعدين اندب حظي شويه و افتكر كل اللي اتسكب من ايام حتشبسوت و بعدين يجيلي صداع و اجز على سناني و اطرافي توجعني و برده هنضف و اعمل كوبايه غيرها 🥸

اعصابي و صحتي ملهومش بديل و مفيهومش هزار
و الوقايه النفسيه اقسم بالله خير من العلاج
ده اذا اتعالجنا😀

نتعلم و نمارس تدريب مرونتنا النفسيه
عشان محدش عارف هنسكب اللبن امتى
اتفقنا 😉😉

#شكرا

كنت بسمع لدكتور عمرو خالد من شويهقديم من حلقات لو تفتكروهالمهمقال كلمة في النص عظمه 👏🏻قال احسن خدمه تقدمها ل ولادك انك...
17/10/2026

كنت بسمع

لدكتور
عمرو خالد من شويه
قديم من حلقات

لو تفتكروه

المهم

قال كلمة في النص عظمه 👏🏻

قال احسن خدمه تقدمها ل ولادك
انك تسكت خالص😀
هو طبعا كان بيقولها في اطار دمه خفيف
بس
كمل شرح و قال

اسكت بس اعمل
ابنك هيشوف تصرفاتك هيقلدك و يعيش على اثرك
حتى بعد وفاتك هيعيش على سيرتك و عملك و اثرك

احب اضيف انا بقى🙋🏻‍♀️😃
اولادنا زي السفنجة
بيمتصوا مننا تصرفاتنا
و عيونهم زي كاميرات المراقبه و الرادار
بيلقطوا و يخزنوا و يرموه في العقل ال لا واعي
ف يطلع اوتوماتيك في تصرفاتهم

و احب اضيف كمان
ان القول سهل بس كام واحد بيعمل اللي بيقوله
الوعود ياااه طب يا سيدي اوعدك
بس مين بيهتم ينفذ

نهتم اوي اوي اوي كمان مره
بادارة انفسنا و تهذيبها و الاستعانه بربنا و تصليح ما يمكن اصلاحه و لا نعذر بجهلنا
و ندعي و نتقي ربنا فيهم
و الله المستعان
🤲🏻❤️❤️

#شكرا

مساء الخير و العافيه 🌺قال سيدنا النبي صلى الله عليه وسلم: إن صدقة السر تطفىء غضب الرب، وإن صنائع المعروف تقي مصارع السوء...
16/10/2026

مساء الخير و العافيه 🌺

قال سيدنا النبي صلى الله عليه وسلم: إن صدقة السر تطفىء غضب الرب، وإن صنائع المعروف تقي مصارع السوء، وإن صلة الرحم تزيد في العمر وتقي الفقر، وأكثروا من قول لا حول ولا قوة إلا بالله، فإنها كنز من كنوز الجنة وإن فيها شفاء من تسعة وتسعين داء ـ أدناها الهم.

يعني ايه الكلام ده
يعني لما تحس بتُقل من هم او غم
لما كل اللي حواليك تبقى اخبار مش عظيمه
لما تبقى شايل هم حاجه
لما تخاف
لما تعجز عن حل حاجه
🤷🏻‍♀️🤷🏻‍♀️
هم ف الماضي
خوف من مستقبل
قلق و مرض ف الحالي
🤢🤢
كل ده حله
ف صنائع المعروف
👌🏼👌🏼👌🏼
حله ف زي ما بتتسمى ف علم النفس الايجابي
Acts_of_kindness #

و على ذكر

انه الطبيعي نعمل ده ك وسيله احتياطيه
مش نسنتى لما نبقى محاطين بكل اللي قلته فوق ده و بعدين نبتدي نعمل ده لا
الاحسن و الاسلم نعمل كده مقدما

عشان كده جبتلكم الجدول ده. لو عرفتوا تحتفظوا بيه او تطبعوه
و تقولوا الاسبوع ده
هعمل صف بالطول
الشهر ده. هعمل منه صف بالعرض
الفتره دي هشتغل كروس او اكس او
هغمض عيني و اشوف ايدي هتشاور على ايه و اعمله

اعتبروها لعبه
board game
و العبوها مع ولادكم او
اعملوها تحدي اسبوعي مع اصحابكم

المهم ننشر ال خير و اللطف
ف وقت احنا ف اشد الحاجه لكلمة حلوه
و خلوا بالكم ده مش بس بيقي مصارع السوء
ده كمان مردو ليك
هل جزاء الاحسان الا الاحسان

طبتكم و طابت ايامكم

يا رب ارحمنا برحمتك
و اجعلنا عبيد احسان
و ردنا اليك رداً جميلاً

#شكرا

زي كل #جمعة تيجي تفكرنا🤍﴿قَالَ سَتَجِدُنِي إِن شَاءَ اللَّهُ صَابِرًا وَلَا أَعْصِي لَكَ أَمْرًا﴾[الكهف: ٦٩]👀 ساعات ب...
16/10/2026

زي كل #جمعة تيجي تفكرنا🤍

﴿قَالَ سَتَجِدُنِي إِن شَاءَ اللَّهُ صَابِرًا وَلَا أَعْصِي لَكَ أَمْرًا﴾
[الكهف: ٦٩]

👀 ساعات بنكون محتاجين نفتكر إن مش لازم نكون فاهمين كل حاجة من أول مرة، وإن الاعتراف إننا لسه بنتعلم مش ضعف، بالعكس ده وعي.

قد إيه مهم ندخل المواقف وإحنا عندنا استعداد نسمع، ونفهم، ونراجع أفكارنا، بدل ما نكون متمسكين إننا لازم نكون صح طول الوقت.

النضج مش إننا نعرف كل الإجابات، النضج إننا نفضل مستعدين نتعلم، حتى لما نكون فاكرين إننا فاهمين. 💗

ويمكن من أجمل الحاجات اللي نتعلمها في رحلتنا، إننا ندي نفسنا فرصة نتعلم من غير استعجال، ونثق إن مش كل حاجة هتتضح لنا في وقتها.

🤲🏻 اللهم ارزقنا قلوبًا صابرة، وعقولًا واعية، وبصيرةً ترينا الحق حقًا، وعلّمنا ما ينفعنا، وانفعنا بما علمتنا.

🤲🏻💗 اللهم آتنا من لدنك رحمة وهيئ لنا من أمرنا رشدًا.

اذكر نفسي و اياكم ب قراءة سورة #الكهف، وكل جمعة وإنتوا أقرب للسكينة والرضا. 🤍

16/10/2026

يا رب 🤲🏻💗

خليكي دايما كريزه في نفسك كده رافعة نفسك عن اي حاجه حتى التورته ذات نفسهامش شاغلة بالك بالتورتة اللي تحتك و لا الباتون ...
15/10/2026

خليكي دايما كريزه في نفسك كده

رافعة نفسك عن اي حاجه حتى التورته ذات نفسها
مش شاغلة بالك بالتورتة اللي تحتك و لا الباتون ساليه اللي جنبك و لا حتى الشمعه المزروعه فوقيكي 😌
مهما كانت الظروف حواليكي. انتي اللي مجملة الصورة
مغيرة و متجدده🥰
مترفعه عن اي مشاكل و حوارات
يتزرع فيكي شمعايه يتحط شمس و قمر و انتي لسه قمر و طعمك متأثرش 😍
لونك مختلف مش شبه حاجه تانيه عمرك ما غيرتي من الشوكولاه مع انها اشهر منك🤗
مش اي حد يحبك بس اللي بيحبك بينسى الدنيا معاكي 🤩
تباني لذيذه و خفيفه بس فيكي بذرة تقف في زور اللي يستخف بيكي 🤢
دماغك ناشفه يعني من الاخر مش سهل حد يكسرها 🤯

خلي اللي يقول يقول و اللي يفكر يفكر و اللي يتريق يتريق
مهما حصل ترفعي و خليكي دايما جميله و عالوش 😊😊

و قال على رأي المثل

Be like a cherry 🍒🍒🍒
Always on top

اسمع… بجد.”أحيانًا بنسمع الناس…بس طول ما بنسمع، دماغنا شغالة!بندور على رد، دفاع، هجوم، حل.بننسى نسمع الكلام نفسه.بننشغل ...
14/10/2026

اسمع… بجد.”

أحيانًا بنسمع الناس…
بس طول ما بنسمع، دماغنا شغالة!
بندور على رد، دفاع، هجوم، حل.
بننسى نسمع الكلام نفسه.

بننشغل بالتفاصيل الجانبية:
ده شكله حساس، قماص، قلقاس
ده أكيد بيبالغ.
دي نيتها مش صافية.
هو بيقول كده ليه؟
هيقلب امتى؟
🙃🙃🙃
مع إن الموضوع بسيط جدًا —
كل اللي مطلوب…

لما حد يكلمك، اسمع.

تبان سهلة، صح؟
لكن تطبيقها محتاج نية، تدريب، وصبر.

استنى يمكن يقول:
“ايه رأيك؟”
أو يمكن يكتفي بـ
“بس كده، أنا والله ارتحت لما اتكلمت معاك 🤷🏻‍♀️😄”

اسمعوا بعمق،
هتتعلموا عن اللي قدامكم…
ويمكن كمان عن نفسكم.

🩷 ولو اللي قدامك ساكت او معندوش موهبه للكلام او التعبير
اديله هدية من وقتك واهتمامك
اسأله بلطف:
– أخبارك ايه اليومين دول؟
– بتفكر في ايه؟
– تفتكر علاقتنا تبقى أحسن لو عملتلك ايه؟
– في حاجه ضايقتك مني ومقولتهاش؟

ادوا لبعض مساحة وصبر وحب و نية خير

العلاقات الحقيقية مش “كلام والسلام”،
دي مساحات أمان واهتمام. 🌿

#الحمدلله #شكرا #علاقات #مسئوليتي #وعي كوتشينج

بكره عيد ميلاد الست اللي عاشت معايا كل يوم في حياتي… بكل قراراتي الصح، وقراراتي اللي محتاجة اجتماع طارئ لمراجعتها 😂😂💗الس...
12/10/2026

بكره عيد ميلاد الست اللي عاشت معايا كل يوم في حياتي… بكل قراراتي الصح، وقراراتي اللي محتاجة اجتماع طارئ لمراجعتها 😂😂💗

الست اللي استحملتني بكل تقلّباتي، وشاركتني كل نسخة مني… اللي بحبها، واللي لسه بتعلّم أفهمها وأتقبلها.

كبرنا سوا، واتغيّرنا سوا، وعدّينا بأيام كان فيها ضحك من القلب، وأيام تانية كان أقصى طموحنا إنها تعدّي على خير. 😂❤️

ومع كل سنة، اكتشفت إن الحياة مش سباق عشان أوصل لنسخة مثالية من نفسي، ولا امتحان لازم أجيب فيه الدرجة النهائية.

دي رحلة تعلُّم… ولسه بنتعلّم.

بتعلّم إن علاقتي بربنا محتاجة قلب حاضر، وثقة في رحمته، وتسليم حتى في الأوقات اللي مش فاهمة فيها الحكمة من اللي بيحصل.

وبتعلّم إن علاقتي بنفسي محتاجة رحمة وصبر، وإنّي أفرح باللي وصلت له، وأفهم أخطائي من غير ما أقسى على نفسي، وأدي لنفسي فرصة أتعلم وأبدأ من جديد.

وبتعلّم إن علاقتي بالناس رحلة جميلة ومعقّدة في نفس الوقت.

فيه ناس بتيجي في حياتنا وتشاركنا سنين طويلة، وناس بتكون موجودة في مرحلة معينة، لكن أثرها بيفضل جوانا حتى بعد ما الطرق تتفرّق.

أحيانًا بنكون مهمين في حياة بعض في مرحلة، نتعلّم من بعض، ونأثّر في بعض، ونسيب في بعض أثر حلو… وبعدين ييجي وقت إن كل واحد يكمّل طريقه.

ومش لازم كل علاقة تكمّل العمر كله عشان نكون ممتنين إنها حصلت.

يمكن من النضج إننا نعرف نقدّر وجود الناس في حياتنا، ونحترم اختلاف الطرق، ولما ييجي وقت الرحيل، نقدر نرحل بحب وسلام، ونفتكر الخير من غير ما ننكر إن التجربة كان فيها حاجات صعبة.

لأن في النهاية، إحنا كلنا بنتعلّم، وبنكبر، وبنغيّر بعض، حتى من غير ما نقصد. 🤷🏻‍♀️🤍

كل سنة وأنا أقرب لربنا، وأحنّ على نفسي، وأوعى في اختياراتي، وأقدر أشوف الناس بقلوب أرحب وفهم أعمق.

والحمد لله على كل سنة عدّت، بكل اللي فيها… على النعم اللي شُفتها، والنعم اللي ما فهمتش قيمتها غير بعد وقت، وعلى كل مرة ربنا جبر فيها خاطري من حيث لا أحتسب.

يا رب السنة الجديدة من عمري تكون أقرب لرضاك، وأوسع في رحمتك، وأهدى لقلبي، وفيها صحة وستر وراحة بال، وحب وخير ليا ولأهلي ولكل اللي بحبهم. 🤲🏻💗

كل سنة وأنا لسه بتعلّم أكون أنا… بس بنسخة أصدق، وأوعى، وأقرب لربنا. 🎂💗


11/10/2026

#بشرى

“أكتر لحظة بتكبر فيها فعلاًهي اللحظة اللي تختار فيها 😉تفهم بدل ما تهاجم،وتتعلم بدل ما تغضب،وتسامح بدل ما تنتقم.”النضج مش...
11/10/2026

“أكتر لحظة بتكبر فيها فعلاً
هي اللحظة اللي تختار فيها 😉
تفهم بدل ما تهاجم،
وتتعلم بدل ما تغضب،
وتسامح بدل ما تنتقم.”

النضج مش بيظهر في الكلام الحلو،
بيظهر في رد الفعل وقت الألم.💗

#شكرا #الحمدلله #وعي #علاقات

Address

Cairo
11865

Opening Hours

Monday 9am - 11:30pm
Tuesday 9am - 11:30pm
Wednesday 9am - 11:30pm
Thursday 9am - 11:30pm
Friday 9am - 11:30pm
Saturday 9am - 11:30pm
Sunday 9am - 11:30pm

Telephone

+201005120905

Website

Alerts

Be the first to know and let us send you an email when Shereen Adel - B Happy posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Shereen Adel - B Happy:

Shortcuts

Share